Jeremiah 6:14 - Bible Ni Thothup

¹⁴ Yad be ngongol ni gowa maad’ad nike tay e girdi’ rog e kemus ni magur u dowrad. Yad be ga’ar, ‘Gubin ban’en ni bfel’ rogon,’ ni yug aram rogon ni dariy ban’en ni kabfel’ rogon.

Jeremiah 6:14 Referans Kwoze

Ezekiel 13:10

“Pi profet e yad be ban nag e girdi’ rog ni yad be yog ni urngin ban’en mabfel’ rogon. Ya urngin ban’en ma de fel! Girdi’ rog e kar ubungyed ba rungrung ngalang ni de ayal e malang riy, ma pi profet e kar acheyed nib wech ni ngar mithaged thibngin.

Jeremiah 23:17

Yad be yog ngak e girdi’ ni pi’in ka ra dabuyed ni ngar motoyilgad ngog, ni yad ra par ni bfel’ rogonrad ni dabi buch ban’en rorad. Ma ku yad be yog ngak urngin e pi’in gel lanin’rad ni riya’ e dabi chuchugur nra aw ngorad.”

Jeremiah 4:10

Ma aram mug ga’ar, “SOMOL, ni Th’abi Tolang, karim bannag e girdi’ nu Jerusalem! Ya mog ni gapas e nge yib, ma saydon e kan tay nga k’anganrad.”

Lamentations 2:14

Pi profet rom e go’ thin ni malfith e yad be yog ngom; Yad be ban nigem ko machib ni yad be tay ni dariy e ngiyal’ ni ngam guy e kireb rom. Yad be gagiyeg nigem ngam leamnag nde t’uf ni ngam pi’ ker’um ko denen rom.

Jeremiah 14:13

Ma aram me lungug, “SOMOL ni Th’abi Tolang, ga manang ni be weliy e pi profet ngak e girdi’ ni dabki yib e mael ara uyongol, ya ke lungurad kamog ni kemus ni gapas e bayi par u daken e nam romad.”

2 Peter 2:1

Pi profet ni go’ bogi ban’en e m’ug u fithik’ e pi’in kakrom, ma ku aram rogon ni bay yib i m’ug e tamchib ni go’ bogi ban’en u fithik’med. Bay ra feked i yib ngomed e machib nra kireb nigey, ni machib nde riyul’, ma bay ra mithaged murung’agen e re Masta ni ir e ke biyuliyrad, ma aram miyad girngiy e riya’ nib tomgin nga dakenrad.

Isaiah 30:26

Pul e ra ga’ ra’en nge bod e yal’, ma ra’en e yal’ e ra ga’ ni medlip yay nga ra’en ni immoy, ni bod ga’ngin e tamilang u medlip e rran ni kan puthuy nga ta’reb e rran. Ran’ey e ra yodroy ko ngiyal’ nra taflay nge golnag SOMOL e maad’ad ni tay ko girdi’ rok.

Mikah 2:11

“Pi girdi’ ney e yad ba’adag e mit i profet ni nra i yan ma be lifith l’ugun ma be ban ni be ga’ar, ‘Gu be yi’iy nag ni bay yib e wayin nge rrum ngomed ni bod e lul’.’

Ezekiel 13:22

“Sasalap l’ugun romed e be lul’weg laniyan’ e girdi’ nib manigil, ni girdi’ ndagur finey ni nge gafgow. Gimed be tay tanggin e girdi’ ni kireb nge dab rpaged e kireb ni yad be rin’ ngar aywegned e yafos rorad.

Jeremiah 14:17

I SOMOL e ta’chiylen ngog ni nggog ko girdi’ murung’agen e kireban’ rog ni ngug ga’ar: “Nge par lan owcheg ni be ser e lu’ riy ni rran nge nep’, mu gu par ndab gu tal ko meyor; ya girdi’ rog e rib elmerin e cham ni ka ni tay ngorad, rib gel e maad’ad ni ka ni tay ngorad.

Jeremiah 5:12

Girdi’ rok SOMOL e ka ra siyegned kar ga’argad, “Gathi ra rin’ ban’en. Dariy ba magawon nra yib ngodad; dabib e mael fa uyngol ngodad.”

Jeremiah 28:3

U lan l’agruw e duw e bay gu fulweg ngaray urngin e machaf ko Tempel ni fek Nebukadnezzar ni Pilung nga Babylon.

Isaiah 1:6

Lolugmed nge mada’ ko rifrif u aymed e dariy bang riy ni kabfel’. Yungin ke bech u dowmed, nge malad, nge maad’ad e kayigi fanay dowmed ni polo’. Yungin ke maad’ad u dowmed e dawor ni klinnag ara ni m’ag e mad ngay. Dawor ntay e flay ngay.

1 Thessalonika 5:3

Ngiyal’ nem e ra ga’ar e girdi’ e ke gapas ndariy ban’en nra buch, ma yad ra da’da’ nike taw e riya’ ngorad! Ma dabiyag ni ngar milgad riy — ya bod e amith nma yib ngak be’ ni bpin ni be n’en ni nge gargel.

2 Samuel 17:3

mu gu fulweg ngom urngin fapi pumo’on ni un ngak ni bod rogon be’ ni bpin ni sul ngak figirngin. Ya ri ta’abe’ e ga ba’adag ni ngam thang e pogofan rok; ma tin ni kabay e girdi’ e dabi buch ban’en rorad.”

Isaiah 30:10

Krogned ngak e pi profet ni ngar th’abed gulungrad. Ke lungurad ngorad, “Dab ku mu weliyed ngomad murung’agen e tin nib mat’aw. Mu weliyed ngomad e n’en ni gamad ba’adag ni ngug rung’aged. Dab mu weliyed ngomad e tin riyul’.

Ezekiel 13:16

ni fapi profet ni ur micheged ngak piyu Jerusalem ni urngin ban’en ma kabfel’ rogon, e ngiyal’nem ni urngin mdefel’!” I SOMOL ni Th’abi Tolang e be non.

Ezekiel 14:9

“Fa’anra ni bannag reb e profet nge pi’ e fulweg ni de riyul’, ma bochan e Gag SOMOL e kug ban nagrad. Ma bay gu chuwegrad u fithik’ e girdi’ nu Israel.

Mikah 3:5

Girdi’ e ke ban nagrad e pi profet ni yad be micheg e gapas ngak e pi’in yad be pi’ e salpiy ngorad, ma yad be yog ni bay yib e mael ngak e pi’in ndarir pi’ed e salpiy ngorad. Pi profet ney e be ga’ar SOMOL ngorad,