Jeremiah 52:29 - Bible Ni Thothup

²⁹ ma fa’ani taw ko ragag nge meruk e duw nike pilung me fek 832 e girdi’ nge chuwegrad u Jerusalem;

Jeremiah 52:29 Referans Kwoze

Jeremiah 52:12

Chirofen ni gaman e ragag ngay ko bin lal e pul ko ragag nge mereb e duw nike pilung Nebukadnezzar u Babylon, e yan Nebuzaradan nga Jerusalem ni be’ ni yow ma puruy’ Nebukadnezzar ni Pilung, ma ku ir e pilung ko salthaw rok Nebukadnezzar.

Genesis 12:5

Me fek Abram Sarai ni le’engin, nge Lot ni fak be’ nib mo’on ni walagen, nge urngin ban’en ni immoy rorad nge urngin e sib ni yag ngorad u Haran, ma aram miyad yan ni yad be nameg e nam nu Kanaan. Fa’anra tawgad nga Kanaan,

Jeremiah 39:9

Tomuren, me Nebuzaradan ni ir e ga’ ko salthaw e fek e girdi’ ni magach u lan fare binaw ni kalbus nga Babylon, nib mu’un e girdi’ ngay nra milgad ngak.

2 Kronicles 36:20

Me fek urngin e pi’in ni kayad bafos nga Babylon, ni aram e gin nra manged e sib riy ngu’ur pigpig gad ngak nge pi’in owchen nge taw ko ngiyal’ nike sum ke gel lungun e nam nu Persia u rom.

2 Kings 25:11

Me fek Nebuzaradan nga Babylonia e girdi’ ni magey u lan yu Jerusalem, ni girdi’ ni yad ba salap ko maruwel, nge girdi’ nra milgad ngranod ngak e girdi’ nu Babylonia.

Exodus 1:5

Urngin e pi girdi’ ney u gubin e yad e pi’in owchen Jakob ni yad medlip i ragag. Re ngiyal’ i n’em e bay Josef u Egypt.

Jeremiah 52:28

Ba’aray babyoren e girdi’ ni fekrad Nebukadnezzar ni aram e kar kalbusgad: re medlip i duw ni ba’aram ni par ni ir e pilung e fek 3,023 e girdi’;

Jeremiah 52:30

me taw ko rliw’ nge dalip e duw nike pilung me fek Nebuzaradan 745 e girdi’. Oren u gubin e 4,600 e girdi’ ni chuwegrad ko nam rorad.

Jeremiah 32:1

I non SOMOL ngog u nap’an nike gaman e ragag e duw nike pilung Zedekiah u Judah, ma ngiyal’ i n’em e ke gaman ragag nge meruk e duw nike pilung Nebukadnezzar u Babylon.