Jeremiah 51:9 - Bible Ni Thothup

⁹ Milekag nma par u rom e ra ga’argad, ‘Gamad e gguyed rogon ni nggu ayweged yu Babylon, machane ke sag’al. Are ngad chuwgad e chiney ngad sulod nga tafedad. Ya Got e ke gechignag yu Babylon u polo’ i gelngin ke thirif u but’.’”

Jeremiah 51:9 Referans Kwoze

Revelation 18:5

Ya denen rok e ke yan ke tun ko tharmiy, ma dawori pag Got talin e ngongol rok nib kireb.

Jeremiah 50:16

Dab mu yunged e awoch u lan e re nam nem ku dab mu kunyed wom’ngin e woldug riy. Gubin e milekag nma par u rom e bay rrusgad ko salthaw ni be cham miyad sul nga taferad.”

Isaiah 13:14

“Ma pi’in yad ma par u Babylon ni gathi yad girdi’en e bay ra milgad ngranod ko pi nam nrabad riy, yad ra wear ni bod e gamanman ni deer ni yad be mil ko pi takol gamanman, ni bod rogon e pi saf ni dariy be’ ni be gafaliyrad.

Jeremiah 46:16

Pi salthaw romed e ke tun ayrad ka ra awgad nga but’; ra bagyad me be ga’ar ngak bagyad, ‘Mu gur nagem! Darod nga tabnaw ngak e girdi’ rodad ma gadad mil ko saydon ko pi to’ogor rodad!’

Ezra 9:6

Me lungug, “Got, kagum’ ko tamra’ ni nggu pug owcheg ngalang u p’eowchem. Ya denen romad e ke tolang nga lolugenmad; ke tun ko tharmiy.

Jeremiah 46:21

Ni mus ko pi salthaw ni yad ma maruwel rok nike m’ay gelingrad ni bod e garbaw ni kab bitir. De yag nra sak’iy gad ngar cham gad. Miyad cheal ni yad gubin ngar milgad. Ke taw nga t’olrad, ni aram e ngilan’ e riya’ ni nge aw ngorad.

Jeremiah 8:20

Girdi’ e be yor ngalang ni yad be ga’ar, “Dakriy ngilan’ e yal’, kanmu’ i t’ar wom’ngin e woldug, machane dawor da thapgad.”

Isaiah 47:15

Kemus rogon e tin ni bfel’ ni yad ra rin’ ngom fapi girdi’ nma yaliy lanelang ni um de’eriy e fanow rorad u n’umngin nap’an e yafos rom. Go’ bay ra paged gur nge bagyad me yan, ni dabi magach be’ ni nge aywegem.”

2 Kronicles 28:9

Be’ nib mo’on ni Oded fithingan ni reb e profet rok SOMOL e i par u lan fare binaw nu Samaria. Me mada’nag fa raba’ i salthaw nu Israel nike chugur ni ngar taw gad ngalan binaw u Samaria ni ka ra feked boch piyu Judah ni kalbus, me ga’ar ngak fa raba’ i salthaw, “I SOMOL ni Got rok e pi chitamngimed e ke damumuw ngak yu Judah me pagmed ngam gelgad ngorad, machane mirin ni ka mu li’ed rad e ke rung’ag nga tharmiy e chiney.

Revelation 18:4

Ma aram mu gu rung’ag yugu reb e lam nike yib u tharmiy ni be ga’ar: “Mired pi girdi’eg ngam chuwgad rok! Mired ngam chuwgad rok! Ya thingar dab mu uned ko denen ni be ngongliy, ya thingar dab mu uned ko gechig ni bay nta’ ngak!

Hosea 7:13

“Kar riya’ gad! Kar pi’ed keru’rad ngog ma yad be togopluw ngog. Bay ni thangrad. Gu ba’adag ni nggu aywegrad, machane liyor rorad ngog e go’ ban.