Jeremiah 51:58 - Bible Ni Thothup

⁵⁸ Fapi yoror rok yu Babylon nib gel e bay ni buthug nga but’, nge pi garog riy ni totolang e ngan urfiy nga but’. Maruwel nma tay e pi nam e gubin ni dariy rogon; tin ur athamagiliyed e ke daramram. I Gag fare SOMOL ni Gubin ma Rayag Rok e kugog e pi thin ney.”

Jeremiah 51:58 Referans Kwoze

Habakkuk 2:13

Pi nam ni kam koled e ke aw porowrad ko maruwel nib m’ay fan, ya urngin e pin’en ni kar ngongliyed e yibe guy nike yik’ be yan e daramram riy ngalang. I SOMOL ni Gubin ma Rayag Rok e ke rin’ e ren’ey.

Jeremiah 51:64

ma gog ni ngam ga’ar, ‘Irera’ e n’en ni bayi buch rok yu Babylon — bayi ligil ni dakriy e ngiyal’ nra for ngalang ni bochan fare riya’ ni nge pag SOMOL nga daken.’” Aray e gin ni mus e thin rok Jeremiah riy.

Jeremiah 51:44

Bay gu gechignag Bel, ni fare got nu Babylon, mu gu gagiyegnag nge chuwan’ ko tin ni iring; ma pi nam e bay dab kur tedfan bi’id. “Ke puth e yoror nu Babylon nga but’.

Jeremiah 50:15

Mu gafaliyed e mael u wuru’ e re binaw ney ni ga’ngin! Chiney e kan kol yu Babylon. Pi yoror riy e kan buthug nga barba’ ma kan tet’ar nga but. Aram e kug fulweg taban e kireb ngorad. Re mu gafgow nigedyad, ni bod rogon ni ur rin’ed ngak boch e girdi’.

Jeremiah 51:30

Salthaw nu Babylon e kar talgad ko mael kar pired u lan e yoror. Ke me’waer lanin’rad kem’ay farad. Kan buthug e pi garog ko binaw nga but’, ma kanip’ e nifiy ko naun.

Jeremiah 51:9

Milekag nma par u rom e ra ga’argad, ‘Gamad e gguyed rogon ni nggu ayweged yu Babylon, machane ke sag’al. Are ngad chuwgad e chiney ngad sulod nga tafedad. Ya Got e ke gechignag yu Babylon u polo’ i gelngin ke thirif u but’.’”

Psalms 127:1

Fa’anra gathi SOMOL e be toy ba naun, ma maruwel ko pi’in be toy e mm’ay fan; fa’anra dabi yoror SOMOL u bbinaw, ma mm’ay fan e pi’in yad be matanagiy.

Isaiah 65:23

Ma maruwel ni bay ur ngongliyed e bay yan i aw ni bfel’, ma fakrad e dabki yib e riya’ ngorad nib tomgin. Ya yad pifak e pi’in ke fal’eg SOMOL wa’athrad, ni yad nge pifakrad.

Isaiah 13:2

U p’ebgul e burey nib tamilang mag girengiy e flak ko mael ngalang! Ma ga tolul ko pi salthaw ni kam tining pa’am ngalang ni pow ni ngar oggad ko garog ko fare binaw nib tolngan’ e girdi’ riy.

Isaiah 47:13

Gab me’waer nike mayfan e fanow ni yag ngom. Mu pag e pi’in yad ma bon ko t’uf ngarbad ra aywegned gur picha’nem ni yad ma fil murung’agen e t’uf, ni pi’in ma fal’eg babyoren e mathil ko pi tharmiy ma urogned ngom u reb e pul ngu reb e n’en ni bayi buch rom.

Jeremiah 9:5

Yad gubin ni yad ma dum’puman ko fager rorad, dariy be’ nma yog e tin rriyul’. Ka ra filed nga balothrad ni ngi i ban; ma dab ra pithiged pa’rad ko denen ni yad be ngongliy. Ra bagyad ma ke par ni go’ ma’ngach e be tay, ma aram rogon e ngongol nike ul ul reb e sasalap nga reb. I SOMOL e be yog ni girdi’ rok e ka ra pi’ed keru’rad ngak.

Lamentations 5:5

Yibe maruwel ngomad nib gel ni bod e dongki ara kamel, nike aw parowmad, ma danir pi’ e toffan ngomad.