Jeremiah 51:34 - Bible Ni Thothup

³⁴ Pilung nu Babylon e th’ab yu Jerusalem ke languy. Ke m’aynag gathon fare binaw ni bod ba rume’; ni bod ba kan nike ful’ fare binaw. I fek e n’en ni ba’adad me n’ag e tin kabay riy.

Jeremiah 51:34 Referans Kwoze

Jeremiah 50:17

I SOMOL e be ga’ar, “Girdi’ nu Israel e yad bod e saf, ni lol’oeg e layon ngar wagageygad. Som’on e fare pilung nu Assyria e cham ngorad, me migid ma Nebukadnezzar ni Pilung nu Babylon e guchiy e yil rorad.

Jeremiah 51:44

Bay gu gechignag Bel, ni fare got nu Babylon, mu gu gagiyegnag nge chuwan’ ko tin ni iring; ma pi nam e bay dab kur tedfan bi’id. “Ke puth e yoror nu Babylon nga but’.

Matthew 23:13

“Kam gafgowgad e pi tamchib ko Motochiyel nge gimed e pi Farise! Ya gimed e pi’in gimed be dake moding niged gimed! Kam ninged mban e gagiyeg nu tharmiy nga owchen e girdi’, machane ku er rogomed ndab mmarod ngalan, ma ku dab mpaged e girdi’ ngranod ngalan, ni pi’in yad be guy rogon ni ngranod ngalan!

BABYOR NI JOB 20:15

Fare mo’on ni kireb e sul u lugun nga but’ e pi felel’ ni i iring; Got e ra sulweg rok, ni aram rogon ni sulweg u lan e yal rok nga but’.

Nahum 2:2

I SOMOL e nge fulweg e fla’ab rok yu Israel nga rogon, ni immoy u m’on ndawor i giliw nagrad e pi to’ogor rorad.)

Amos 8:4

Mu telmed ko pi thin ni ba’aray, gimed e pi’in ni gimed be yot’ nga but’ e pi’in be gafgow ma gimed be guy rogon ni ngam thanged e pogofan rok e pi’in ni gafgow ko nam.

Ezekiel 36:3

“Mu yi’iy, mag weliy e n’en ni Gag SOMOL ni Th’abi Tolang e gu be yog. Nap’an ni kol fapi nam ni yad bbuguliyoror, e pi burey nu Israel ngar giliw niged, ma gubin e girdi’ ni i minmin ngak yu Israel.

Lamentations 2:16

Urngin e to’ogor ma yad be moning nagem yad be changar ngom u fithik’ e fananikan. Ni yad be thilpiriy l’ugunrad ma yad be kirebnag owcharad ma yad be ga’ar, “Kad thirifed u but’! Irera’ fare rran ni ku’ud son niged!”

Lamentations 1:1

Yu Jerusalem nike par ni go’ ir, ya immoy bangiyal’ nib sug ko girdi’! Immoy ni ir e ba sorok u fayleng, ma chiney e ke bod be’ ni bpin nike yim’ figirngin; Re nam nib pilung u fithik’ e pi nam e ke mang ba sib.

Jeremiah 51:49

Yu Babylon e ir e k’aring e yam’ ngak e girdi’ u ga’ngin e fayleng, ma chiney e nge mul yu Babylon ni bochan e ir e k’aring e yam’ ngak e girdi’ nib yo’or u Israel. I Gag SOMOL e kugog e pi thin ney.”

Jeremiah 50:7

Bay i li’rad gubin e pi’in bay i mada’ nagrad. Pi to’ogor rorad e yad be ga’ar, ‘Kar denengad nib togopluw ngak SOMOL, ere n’en ni kad rin’ed e de kireb. Pi chitamangirad e i pagan’rad ngak SOMOL, yad e dabisiy ni ngar pired ni yad ba yul’yul’ ngak.’

Isaiah 34:11

Ma arche’ ni owl nge gapluw e bay ra tafned fare binaw. I SOMOL e bayi gagyeynag bayay nge par ndariy ban’en ni bfel’ riy, ni bod rogon ko som’on ni sunmiy urngin ban’en.

Proverbs 1:12

Gadad ra mada’ nagrad ma yad ba fos ma ba fel’fel’ rogorad, machane gadad ra pagrad ma yad ba yam’!

Psalms 74:13

Gelngim nib gel e mu ki’eg e day ngay, mag bilig lolugen fapi kan nu maday;

Hosea 8:8

Ke ta’reb rogon yu Israel ko yug nam nike m’ay fan ni bod ba th’ib nike pil.

Isaiah 42:22

Machane chiney e ka ni fek e chugum ko girdi’ rok u fithik’ e yargel; kan lok nagrad u lan e kalbus ni bay u tan e but’ ma kan mithagrad nga kalbus. Ka ni fek e chugum rorad u fithik’ e yargel, ma dariy be’ ni nge yib i ayuwegrad.