Jeremiah 51:15 - Bible Ni Thothup

¹⁵ I SOMOL e ngongliy e fayleng nga gelngin; ni gonop rok e sunmiy e fayleng ngay me filath e pi tharmiy.

Jeremiah 51:15 Referans Kwoze

Revelation 4:11

“Somol romad ma Got romad! Bay rogom ni nganog e sorok ngom, min tayfam, ma bay rogom ni nge mil suwon urngin ban’en ngom. Ya gur e mu sunumiy urngin ban’en, ma gur e mu leamnag miyad sum ni yad bfos.”

Jeremiah 32:17

“SOMOL, Ntha’bi Tolang, I gur e mu sunmiy e fayleng nge lanelang nga gelngim nib gel; ya dariy ban’en nib mom’aw ngom.

Roma 1:20

Ka nap’an ni sunumiy Got e fayleng, ma fel’ngin ndabiyag ni ngan guy, ni aram gelngin ni dabi m’ay bi’id nge rarogon ni ir Got, e kan guy nrib tamilang. Girdi’ e rayag ni nge nang fan e pin’ey u fithik’ e pin’en ni kem’ay i sunumeg rok Got. Ere dakuriy e tawey rorad ngabang!

Acts 14:15

“Pi cha’, mang ni ngam rin’ed e biney e pa’? Ya gamow l’agruw i girdi’ ni gamow bod gimed! Kug bow ngaray ni nggu weliyew ngak e girdi’ fare Thin Ni Bfel’ ni murung’agen Jesus, ma gamow pingegmed ngam pi’ed keru’med ko tin ndariyfan ngambad ngak fare Got ni be par nib fos, ni ir e ngongliy e tharmiy, nge fayleng, nge day, nge urngin ban’en ni bay u fithik’ e pin’ey.

Proverbs 3:19

I SOMOL e sunmiy e fayleng ko gonop rok; ma llowan’ rok e ayliy lanelang riy ngagil’.

BABYOR NI JOB 9:8

Dariy be’ ni ayuweg Got i pithig radan e tharmiy ara yotyot keru’ fare kan nu maday.

Roma 11:33

Rib ga’ e fla’ab rok Got! Ma rib to’ar e gonop rok nge llowan’ rok! Mini’ e rayag ni nge weliy rogon nma turguy Got ban’en? Mini’ e manang rogon kanawo’en nma maruwel?

Isaiah 45:12

I gag e gu sunumeg e fayleng, mu gu sunumeg e girdi’ ni nge par riy. Gelngig e gu filath lanelang ngay; gu be gagiyegnag e yal’ nge pul nge pi t’uf.

Isaiah 44:24

“I Gag SOMOL, ni tabyul rom. I Gag e gu sunumiyem. I Gag SOMOL e gu sunumeg urngin ban’en. Yi go’ gag e gu filath lanelang; ngiyal’ ni u gu ngongliy e fayleng e dariy be’ ni ayuwegneg.

Isaiah 42:5

Got e sunumiy lanelang me filath; me sunumeg e fayleng nge urngin e tin nib fos ni bay riy; me pi’ e yafos nge pogofan ngak urngin e girdi’ riy. Ma chiney e SOMOL ni Got e be ga’ar ngak e tapigpig rok,

Isaiah 40:26

Mu sapgad ngalan e lang! Mini’ e sunumiy e pi t’uf ni gimed be guy? En ni be pow’iyrad ni bod baraba’ i salthaw ni pire’; e manang uringrad, ma pining fithingrad ni tata’ reb! Gelngin e rib ga’, dariy reb nike yan ngabang!

Isaiah 40:22

Ke sunumiy e en ni bay nike par nga tagil’ u puluwon e fayleng ngalang ko gin nth’abi tolang; ma girdi’ ni yad bay u but’ e be guyrad ni yad bod ga’ngin nochi apurgog! Ir e filath lanelang ni bod bangi mad, ni bod ba tent ni ngan par ngay.

Psalms 136:5

Gonop rok e ngongliy e tharmiy ngay; t’ufeg rok e ba manemus;

Psalms 104:2

ma kam par u fithik’ e tamilang. Kam filath lanelang ni gowa ba tent,

Acts 17:24

I Got ni ir e sunumiy e fayleng nge urngin ban’en ni bay riy, e ir e Somol u tharmiy ngu but’, ma der ma par u lan e Tempel ni girdi’ e toy.

Isaiah 51:13

Kam paged talin SOMOL ni sunmiymed, ni ir e filath lanelang me ayliy e deaf ko fayleng? Mangfan ni ngu’um pired ni gimed bmarus ko dumumuw rok e pi’in yad ma gafgow nagmed, ni pi’in ka ra fal’eged rograd ni ngar gafgow niged gimed? Dumumuw rorad e dabkiyag ni nge bit ngomed.

Isaiah 48:13

Pa’ag e ngongliy e deaf ko fayleng me filath lanelang. Nap’an ni gu pining e fayleng nge lanelang ma kachingiyal’ nem miyow yib nga pe’owcheg.

Psalms 107:25

I non, me thow nifngin e yoko’, me sum e n’ew ni ba ga’.

Psalms 104:24

SOMOL, ri ba pire’ ban’en ni ka mu sunumiy! Ri gab gonop nga rogon ni mu sunumiy ni gubin! Ke sug e fayleng nga urngin e tin ka mu sunumiy!

Jeremiah 27:5

“Gelngig nib gel e gu sunmiy e fayleng ngay, girdi’ nge gubin e gamanman ni bay u fayleng; bay gu tay nga tan pa’ e en ni kug mel’eg.

Zekariah 12:1

Ba’aray e thin ni murung’agen yu Israel ni yib rok SOMOL, ni fare SOMOL ni filath lanelang, me sunmiy e fayleng, me pi’ e yafos ngak e girdi’. Be ga’ar,