Jeremiah 50:4 - Bible Ni Thothup

⁴ I SOMOL e be ga’ar, “Nap’an nra taw ko ngiyal’nem, ma girdi’ ko galyang i n’em nu Israel ngu Judah e bay ra sulod ni yad be yor ni yad be changar nigeg, ni Gag e Got rorad.

Jeremiah 50:4 Referans Kwoze

Hosea 3:5

Ma bayi tomur me cheal piyu Israel bayay ngar sulod ngak SOMOL ni Got rorad, nge ngak be’ ni owchen David ni ir e pilung rorad. Ma aram e bay yib madgun SOMOL u wun’rad me yag ngorad e pi tow’ath rok ni bfel.

Hosea 1:11

Piyu Judah nge piyu Israel e bay ku ra pethgad ngar ta’rebgad bayay. Ma bay ra duwgiliyed ta’abe’ nge par ni pilung rorad, ma bay ra yo’orgad bayay me fel’ rogorad. Aram rogon e re rran ni ba’aram ni rran rok Jezreel.

Jeremiah 31:31

I SOMOL e be ga’ar, “Bayi taw nga bangiyal’ mu gu ngongliy reb e m’ag nib be’ech u thilmad e girdi’ nu Israel nge girdi’ nu Judah.

Zekariah 12:10

“Bay gu suguy laniyan’ e pi’in owchen David, nge tin kabay e girdi’ u Jerusalem ko kan nthothup ko wurengan’ nge kan nthothup ko meybil. Bay ra changargad ngak fa en kar yip’ed ko sarey ke yim’, miyad yornag ni bod be’ ni yornag be’ ni fak ni kari ma’agrag rok. Bay ra yorgad nrib gel ni bod be’ ni yornag e bin nganni’ e pagel u fak.

Joel 2:12

Me ga’ar SOMOL, ’Mus ko chiney nrayag ni ngan kalngan’uy ngan pi’ keru’uy ko kireb ni yibe ngongliy ngan sul ngog, ni kan pag e abich ma yibe yor ma yibe dololoy’.

Ezekiel 39:25

I SOMOL ni Th’abi Tolang e ga’ar, “Machane chiney e bay gu par ni bay e marnguy rog nga daken e pi’in owchen Jakob, ni fapi girdi’ nu Israel, ma bay gu gagiyegnag ngar fla’abgad bayay. Bay gu yororiy fithingag nib thothup.

Jeremiah 33:15

Ra ngiyal’ i n’em e bay gu mel’eg ba pilung ni reb i owchen David nib mat’aw. Re pilung nem e bay i rin’ e tin ni bfel’ ma bmat’aw u ga’ngin yang fare nam.

Isaiah 63:4

Ya gu turguy ni ngiyal’ ni nggu ayuweg e girdi’ rog e ke taw; ya ke taw nga nap’an ni nggu gechignag e pi to’ogor rorad.

Isaiah 55:6

Mu sulod ngak SOMOL ngu’um meybilgad ngak e chiney ni kab chugur ngomed.

Isaiah 45:19

Dagur mith’ag e thin rog, ara tin gu be rin’. Da gu leamnag ni nge gayeg yu Israel u bang nib wagagey urngin ban’en riy. I Gag e SOMOL, ma tin riyul’ e gu be yog; tin nib mat’aw e gu ma gagiyegnag ngan nang.”

Isaiah 14:1

I SOMOL e bayi kirban’ bayay ko girdi’ rok nu Israel me mel’egrad ni nge mil farad ngak. Bayi pagrad ngar pired bayay u lan e nam rorad, ma girdi’ u bang e bay rabad ngar pired rorad.

Psalms 105:4

Mman ngak SOMOL nge ayuwegnem; mu’um liyor ngak ni gubin ngiyal’.

James 4:9

Me kireban’med, mi gimed dololoy’, mi gimed yor; mu thiliyeged e minmin romed ko meyor, mi gimed thiliyeg e felfelan’ romed ko taganan’!

Jeremiah 41:6

Ma aram me yan Ishmael nga wuru’ yu Mizpah ni be yor nge yan i mada’ nagrad. Nap’an ni taw ngorad me ga’ar, “Wenig ngomed mired ngalan binaw ngam guyed Gedaliah.”

Ezekiel 16:61

Bay i yib ngan’um e gafarig rom, ma bay mu tamra’ ngay ko ngiyal ni bay i sul gal walagem ni ppin ni en ni nganni’ nge bin wen. Bay gu tay row ni bod fakam ni ppin, ni yug aray rogon ni gathi bang ko m’ag u thildow.

Hosea 6:1

Be ga’ar e girdi’, “Ngad sulod ngak SOMOL. Ke popofdad, machane ku bayi faseg e maad’ad rodad; ke maad’ad ngodad; machane bayi m’ag e mad ko yungi n’en nike maad’ad u dowdad.

2 Kronicles 7:14

ma fa’anra yad ra meybil ngog ni ka ra kal gad ngan’rad miyad pi’ keru’rad ko kireb ni yad be ngongliy, ma aram e gu ra rung’ag nga tharmiy, mu gu n’agfan u wun’ug e denen rorad, mu ku gu fulweg e nam rorad nge fel’ rogon bayay.

Hosea 11:10

“Girdi’ rog e bay ra leked gag ko ngiyal’ ni gu ra tolul ni bod ba layon ngak e pi to’ogor rorad. Bay rabad ko ngal i yib ngog ni yad ba gur.