Jeremiah 50:37 - Bible Ni Thothup

³⁷ Ngan kirebnag pi os riy nge pi chariot! Yam’ e nge tay e pi salthaw ni yima pi puwonrad — kar mo’waergad! Ngan kirebnag e pi machaf riy ngan giliwnag.

Jeremiah 50:37 Referans Kwoze

Jeremiah 51:30

Salthaw nu Babylon e kar talgad ko mael kar pired u lan e yoror. Ke me’waer lanin’rad kem’ay farad. Kan buthug e pi garog ko binaw nga but’, ma kanip’ e nifiy ko naun.

Nahum 3:13

Pi salthaw rom e dariy ban’en nrayag rorad, ma nam rom e kem’ay gelngin u p’eowchen e pi to’ogor rom. Nifiy e bayi kirebnag e man’ ko garog rom.

Jeremiah 51:21

gu bilbilig e pi os nge girdi’ nma yan u daken, nge pi chariot nge pi’in nma yannag,

Jeremiah 48:41

ma yochi binaw nge yungi tagil e ayuw e bay ni kol. Re rran nem e pi salthaw nu Moab e kar dugow gad ni bod be’ ni bpin ni nge gargel.

Isaiah 19:16

Bayi taw nga bangiyal’ ni girdi’ nu Egypt e bay ra dugowgad ni bod e ppin. Bay ra durru’gad ko marus u nap’an ni yad ra guy SOMOL ni Gubin ma Rayag Rok nike k’iyag pa’ ni nge gechig nagrad.

Ezekiel 30:5

“Re mael nem e ku ra thang mit e salthaw nni fengrad u Ethiopia, Libya, Lydia, Arabia, Kub, nge ku boch e tin gadad ngabang e girdi’.”

Isaiah 45:3

Bay gu pi’ ngom e pin’en ni bfel’ nib mith u senggil ndariy e tamilang riy; ma aram e bay mu nang ni Gag e SOMOL, mi Gag fare Got nu Israel e ku gu mel’egem.

Haggai 2:22

mug gathay gil’ilungun e pilung mug taleg gelingrad. Bay gu pulpuliy e pi chariot nge pi girdi’en e yan riy; ma bayi yim’ e pi os, ma pi girdi’en e yan u os e bay ra chelgad ngorad ngu’ur thanged e fan rorad.

Nahum 2:13

I SOMOL ni Gubin ma Rayag Rok e be ga’ar, “I Gag e to’ogor romed! Bay gu urfiy e pi chariot romed. Ma pi salthaw romed e bay ram’ad u fithik’ e mael, ma bay gu fek u pa’med urngin e tin mu feked rok e girdi’. Ma tin nge yog e pi tamal’og romed ni ngan rin’ e dab kun rung’ag.”

Ezekiel 39:20

U daken e tebel rog e bay ra languyed urngin e tin nrayag rorad e os nge pi’in yad ma yan u os, nge salthaw nge pi girdi’en e mael. I Gag SOMOL ni Th’abi Tolang e kugog e pi thin ney.”

Jeremiah 50:26

Ngan cham ngay u gubin raba’ nge chabal e yungin ni yima cha’riy e grain riy! Ngan ulunguy e tin kan fek u tan e mael ni bod yu ulung i grain! Ngan gathay fare binaw, ma dab mu digeyed ban’en riy.

Psalms 76:6

A Got rok Jakob, nap’an ni mu puwan’ ngorad, me aw e os nge pi’in nma yan u os nga but’ ni karm’ad.

Psalms 46:9

Be taleg e pi mael ni yibe tay u fayleng i yan; be t’ar e gat’ing, ma be kirebnag epi sarey nge dilak, ma be urfiy e pi shield!

Jeremiah 51:4

Bay ra maad’adgad ngarmad’ u lan e yupa’ i kanawo’ ko pi binaw rorad.

Jeremiah 51:22

gu li’ e pi pumo’on nge ppin, gu thang mit e labthir nge fel’yangren, gu li’ e sarpagel nge bulyal,

Jeremiah 50:10

Babylon e bay ni fek e chugom riy u fithik’ e yargal, ni pi’in yad be mod yargal ngay e bay ra feked gubin e tin yad ba’adag. I Gag SOMOL e kugog e pi thin ney.”