Jeremiah 50:35 - Bible Ni Thothup

³⁵ Be ga’ar SOMOL, “Yam’ e nge tay yu Babylon! Yam’ e nge tay e girdi’ riy, nge pi’in ma gagiyegnag, nge girdi’ riy nib gonop.

Jeremiah 50:35 Referans Kwoze

Jeremiah 47:6

Mu yorgad ngalang ni gimed be ga’ar, ‘Saydon rok SOMOL! Uw n’umngin nap’an ni ngam dumow? Mu sul ngalan tafen e saydon, mu par u rom ngam toffan!’

Hosea 11:6

Mael e bay yan u lan e pi binaw rorad nge t’ar e mab ko garog. Me li’ e girdi’ rog, ni bochan e yad be rin’ e n’en ni yad rorad e yad be leamnag ni bfel’.

Daniel 5:30

Ka re nep’ i n’em min thang e pogofan rok Belshazzar ni Pilung nu Babylon,

Jeremiah 51:57

Bay gu gagiyegnag e pi tolang riy ngar chinggad — girdi’ nib gonop, nge tayugang’, nge salthaw. Bay ra molod ni dab kur odgad. I gag fare pilung e gu be non; ni Gag fare SOMOL ni Gubin ma Rayag Rok.

Zekariah 11:17

Re tagafal saf nem ndariy rogon ngabang e ke riya’! Ken’ag fa ran’ i saf rok. Mael e bayi thirif gelngin u but’. Bayi yaf pa’ me ma’ew e ba’ ni mat’aw i lanmit.”

Ezekiel 14:2

Ma aram me non SOMOL ngog.

Jeremiah 51:39

Gur yad ba dogol? Bay gu fal’eg ba mur ni farad ngar ching niged miyad felfelan’. Bay ra mulod ni dakriy e ngiyal ni yad ra od.

Jeremiah 50:30

Pi’in pagel riy e bay ni li’ u daken e yupa’ i kanawo’, ma gubin e salthaw u rom e bay ni thang owcharad e rofen nem. I Gag SOMOL e kugog e pi thin ney.

Jeremiah 50:27

Ngan li’ gubin e salthaw rorad! Ngan thang e pogofan rorad! Girdi’ nu Babylon e kar bilged t’ay e gafgow! Ya ke taw ko ngiyal’ ni ngan gechig nagrad!” (

Jeremiah 10:7

Gur, mini’ e dabi liyor ngom, pilung ko urngin e nam? Bay tapgin ni ngan liyor ngom. Dariy be’ ni bod gur u fithik’ gubin e pumo’on nib gonop ko pi nam fa fithik’ e pi pilung rorad.

Jeremiah 8:9

Pi’in gonop romed e ka ni tamra’ nagrad; ke wagagay lanin’rad ka ra ma’achthalgad. Ka ra furyed e thin rog, ere ba mang gonop e kabay rorad e chiney?

Isaiah 66:16

Nifiy nge saydon e bay i gechignag gubin e girdi’ ngay nu fayleng nike pir’eg nib buch e rorad, ma bo’or i yad e yira thang e fan rok.

Isaiah 44:25

Gu be gagiyegnag e pi tamanbay yad be non non ngabang, ma gu be ngochngochan’nag e pi’in yad ma yaliy e t’uf. Thin ko pi llowan’ e gu be dalibnag, be m’ug ni gonop rorad e bbalyang.

Isaiah 41:25

“Kug turguy be’ nib mo’on nma par ko ngek; bay gu gagiyegnag nge yib u lel’och i cham ngomed. Bay i yot’yot’ e pi’in yad ma gagiyeg ni gowa yad e rungdu’, ni bod be’ nma ma’ th’ib ni be yot’yot’ e but’.

Isaiah 29:14

Ere bay gu gineangrad ko dumow rog bayay nge bayay. Pi’in yad ba gonop e ra yan i par ni yad bbalyang, me m’ay fan urngin e llowan’ rorad.”

Levitikus 26:25

Bay gu pag e mael nge yib ngomed ni nge gechig nagmed ya kam th’abed fare m’ag u thildad, ma fa’an gimed ra mukun ngalan e pi binaw romed ni fan e nge dabi buch ban’en romed, ma bay gu pi’ e m’ar ndariy falayyin nge yib nga fithik’med, ma bay mpired nike math e liyeb ngomed mi gimed m’ing ngak e to’ogor romed.

Isaiah 45:1

Cyrus e fare pilung ni SOMOL e duwgiliy! I SOMOL e turguy ni nge gel ngak e pi nam ko mael; SOMOL e l’oeg nge gel ngak e pi pilung; SOMOL e bayi bing e mab ko pi binaw ngak. I SOMOL e ke ga’ar ngak Cyrus,

Jeremiah 51:47

Ma aram e ngiyal’ ni nge taw ngay ni bay gu kirebnag e pi liyos nu Babylon. Ga’ngin fare nam ni bay ni tamra’nag, ma gubin e girdi’ riy ni bay ni li’rad ngarm’ad.