Jeremiah 50:33 - Bible Ni Thothup

³³ I SOMOL ni Gubin ma Rayag Rok e be ga’ar, “Girdi’ nu Israel ngu Judah e kar gafgowgad. Urngin e pi’in kar koledrad e ri yad be matanagiyrad ni bfel’ rogon ma dab ni pagrad.

Jeremiah 50:33 Referans Kwoze

Isaiah 14:17

Irera’ fare mo’on ni gathay e pi binaw me pilyeg e fayleng nge ngal’ ni bang i ted ni desert? Ireray fare mo’on ni dariy bangiyal’ ni pag e pi kalbus rok ngranod nga taferad?”

Isaiah 58:6

“Mit i pag abich ni gu ba’adag e ba’aray: Mu chuweged e chen ni gafgow ni gimed be tay ko girdi’, mu lufed e mat’ nib tomal ni ka mu ted nga porad ni er e ngongol nde yal’uw ni gimed be rin’ ngorad, mi gimed pag e girdi’ ni gimed be gafgow nagrad nga ranod nike puf rogorad.

Isaiah 47:6

Kug damumuw ko girdi’ rog; kug ta’rad ni gowa gathi ku yad e girdi’ rog: Kug tayrad nga tan gelngim, ma da mu dag e runguy ngorad’; ni mus ko tin ke pilibthir ma ga be gafgow nagrad.

Isaiah 51:23

Bay gu pi’ ngak e pi’in ku ur gafgow niged gimed, ni fapicha’ ni yad e ur gagiyeg niged gimed ngu’um thiggad nga but’ u lan yupa’ i kanawo’ mu’un yot’yot’med nga but’ ni gowa gimed e rungdu’.”

Exodus 8:2

Machane fa’an ga ra siyeg ni ngam pagrad ngranod, ma bay gu gechignag e nam rom ni ga’ngin ko kayru.

Exodus 5:2

Me ga’ar Farao, “I mini’ SOMOL? Mangfan ni nggu fol rok nggu pag yu Israel ngranod? Da gu nang owchen SOMOL; ri dab gu pag piyu Israel ngranod.”

Jeremiah 50:7

Bay i li’rad gubin e pi’in bay i mada’ nagrad. Pi to’ogor rorad e yad be ga’ar, ‘Kar denengad nib togopluw ngak SOMOL, ere n’en ni kad rin’ed e de kireb. Pi chitamangirad e i pagan’rad ngak SOMOL, yad e dabisiy ni ngar pired ni yad ba yul’yul’ ngak.’

Jeremiah 30:20

Bay gu fulweg gelngin fare nam ni immoy kakrom mu kug duwgiliy gelngin bayay; Bay gu gechignag gubin e pi’in yad be gafgow nagrad.