Jeremiah 50:30 - Bible Ni Thothup

³⁰ Pi’in pagel riy e bay ni li’ u daken e yupa’ i kanawo’, ma gubin e salthaw u rom e bay ni thang owcharad e rofen nem. I Gag SOMOL e kugog e pi thin ney.

Jeremiah 50:30 Referans Kwoze

Jeremiah 49:26

Rofen nem e yira thang owchen e pi’in kab pagel u daken e yupa’ i kanawo’ ko fare binaw, ma gubin e salthaw riy ni bay nli’rad.

Jeremiah 18:21

Machane chiney SOMOL, e gu be wenig ngom ni ngam pag pifakrad nge math e fan rorad ni uyongol; ma ga pagrad ngan li’rad u fithik’ e mael. Mu pag e pi’in ni ppin nge thay figirngirad nge pifakrad u pa’rad; mu pag e pi pumo’on ngarm’ad ko liliy, ma ga pag e pi’in ni pagel ngan li’rad u fithik’ e mael.

Jeremiah 9:21

Yam’ e ke yib u langan e pi winda rodad nga naun, ke yib nga naun ko pi pilung rodad; ke thang owchen e bitir ni be fafel u kanawo’ nge pi’in ni pagel ni yad bay ko yungi tagil’ e market.

Revelation 19:18

Mired ngam longuyed e ufin u downgin e pi pilung, nge pi’in nth’abi tolang ko salthaw, nge pi salthaw, nge ufin ko os nge pi’in nra afgad nga daken, nge ufin rok urngin e girdi’, ni pi’in yad e sib nge pi’in ni gathi yad e sib, nge pi’in nib tolang nge pi’in nib sobut’!”

Revelation 6:15

Ma aram e pi pilung nu fayleng, nge pi’in yad be gagiyeg nge pi tolang ko salthaw, nge pi’in ni bo’or ban’en rorad nge pi’in ni ba ga’ lungurad, nge tin ni kabay e girdi’, ni pi’in yad e sib nge pi’in ni gathi yad e sib ko girdi’ e ra mithgad ngalan e yiy nge nga tan e war u daken e burey.

Jeremiah 50:36

Yam’ e nge tay e pi profet riy ni yad ba sasalap l’ugun — ri yad bbalyang! Yam’ e nge tay e salthaw riy — karm’ad ko marus!

Jeremiah 48:15

Moab nge pi binaw riy e kan kirebnag; ma pi’in pagel ni yad ba cheag e kan thang owcharad. I gag e pilung, ni fare SOMOL ni Gubin ma Rayag Rok, e kugog e pi thin ney.