Jeremiah 50:27 - Bible Ni Thothup

²⁷ Ngan li’ gubin e salthaw rorad! Ngan thang e pogofan rorad! Girdi’ nu Babylon e kar bilged t’ay e gafgow! Ya ke taw ko ngiyal’ ni ngan gechig nagrad!” (

Jeremiah 50:27 Referans Kwoze

Jeremiah 46:21

Ni mus ko pi salthaw ni yad ma maruwel rok nike m’ay gelingrad ni bod e garbaw ni kab bitir. De yag nra sak’iy gad ngar cham gad. Miyad cheal ni yad gubin ngar milgad. Ke taw nga t’olrad, ni aram e ngilan’ e riya’ ni nge aw ngorad.

Isaiah 34:7

Girdi’ e bay i thig ni bod e gamanman ni garbaw ni malboch nge pifak e garbaw, ma fayleng e bayi row ko racha’ me sug daken ko mam.

Jeremiah 48:44

En nra guy rogon ni nge mil ko marus e ra mul ngalan e low, ma en nra gararaw ngalang ko fare low e bayi aw ko wup, ni bochan e ke duwgiliy SOMOL e ngiyal’ ni nge aw e riya’ nga Moab.

Psalms 37:13

Ma SOMOL e be minmin u wan’ ngak e en nib kireb, ya manang ndabki n’uw nap’an me math e fan rok.

Psalms 22:12

Pire’ e to’ogor ni ka ra yin’edgag nga longob ni yad bod e garbaw ni pumo’on, go’ ka ra liyegedgag, ni bod fapi garbaw ni pumo’on ndamumuw nu Bashan.

Revelation 19:17

Ma aram mu gguy ba engel nib sak’iy u mit e yal’. Me tolul ni ba ga’ laman ngak urngin e arche’ ni be changeg u fithik’ e nifeng ni be ga’ar, “Mired ngam mu’ulunggad ni fan ko mur ni ba ga’ ni mur rok Got!

Revelation 18:10

Bay ra sak’iygad u orel rok, ni bochan e yad be tamdag ko re gafgow nem nike yib ngak, me lungurad, “Kari gafgow i gafgow e re binaw ney nu Babylon nib gilbuguwan ma ba gel! Ri ta’reb e awa ma ka ni mu’ i gechig nigem!”

Lamentations 1:21

“Ngam motoyil ko gel’gel’ rog; dariy be’ nra fal’eg lanin’ug. Pi to’ogor rog e kar felan’gad ni kam fek e riya’ nga dakenag. Mu fek fare rran i yib ni mmicheg; mu gafgownag e pi to’ogor rog ngar gafgowgad ni bod gag.

Jeremiah 50:31

“Gimed yu Babylon, ke puw ufmed, ere Gag SOMOL ni Th’abi Tolang ma Gubin ma Rayag Rok e nggu togopluw ngomed! Ke taw nga nap’an rog ni nggu gechig nagmed.

Jeremiah 50:11

I SOMOL e ga’ar, “Gimed e girdi’ nu Babylon, e kam giliw niged fare nam rog. Kam felfelan’gad ma ke puw ufmed gimed be yan yan ni bod ba garbaw ni be yot’yot’ e grain nga but’ fa ba os ni be mayngar,

Jeremiah 27:7

Urngin e nam ni bay ra pigpiggad ngak, ma bay ku ra pigpiggad ngak be’ nib mo’on ni fak nge be’ nib pagel ni fak e re mo’on ni fak nem nge taw ko ngiyal’ nike waer fare nam rok. Ma aram e nam rok e bay i pigpig ko pi nam nib gel gelngin nge pi pilung nib ga’ lungun.

BABYOR NI JOB 18:20

Gubin e girdi u lan e ngek nge mada’ ko ngal e yad ra rung’ag e tin ke buch rok e go’ yad ra dada’ miyad t’on ni marus.

Jeremiah 12:3

Machane, SOMOL, I gur e ga manangeg; gur e ga be guy e n’en ni gu ma rin’ nge rogon fanam t’uf rog. Mu girengiy e pi girdi’ nib kireb ney nga orel ni bod e saf ni ngan li’ ngem’; mu matanagiyrad nge mada’ ko ngiyal’ ni ngan thang e pogofan rorad.

Jeremiah 25:34

Mu yor gad, gimed e pi’in gimed ma gagiyeg, nge gimed e pi’in gimed ma gafaliy e girdi’ rog, mu yor gad ngalang! Mu yorgad mi gimed be leap u fithik’ e fiyath. Ya ngiyal’ ni ngan li’med e ke anog, bay ni li’med ni bod e saf ni pumo’on.

Jeremiah 48:10

Mu bucheg wa’athan e pi’in darir rin’ed e maruwel rok SOMOL u polo’ i gumicha’rad! Mu bucheg wa’athan e pi’in da rir thanged e pogofan.

Jeremiah 48:15

Moab nge pi binaw riy e kan kirebnag; ma pi’in pagel ni yad ba cheag e kan thang owcharad. I gag e pilung, ni fare SOMOL ni Gubin ma Rayag Rok, e kugog e pi thin ney.

Jeremiah 51:40

Bay gu fekrad ni ngan thangrad, ni bod rogon e saf, pifak e saf nge kaming. I Gag SOMOL e kugog e pi thin ney.”

Isaiah 21:12

Mug fulweg, “Be n’en ni nge kadbul, machane bay ki nep’ bayay. Ma fa’anra ka ga ba’adag ni ka ga ra fith bayay, mag sul ngam fith.”

Isaiah 34:6

Saydon rok e bayi pen ko racha’ rorad nge mam, ni bod e racha’ nge mam u pifak e saf nge kaming ni yima maligach ngay. I SOMOL e bayi pi’ e re maligach ney u lan e binaw nu Bozrah; bayi gagiyegnag ngan cham nib almarin u daken e but’ nu Edom.