Jeremiah 50:24 - Bible Ni Thothup

²⁴ Gimed yu Babylon e kam chamgad ngog, ma kam awgad ko fare wup ni kug tay ni ngam awgad ngay, ni yug aram rogon ni dam nanged.

Jeremiah 50:24 Referans Kwoze

BABYOR NI JOB 9:4

I Got e rib gonop ma rib gel gelngin; dariy be’ nrayag ni nge chugur ni nge ta’reb gelngirow.

BABYOR NI JOB 40:9

Mog, ta’reb rogon gelngim ngog? Rayag ni nge dirra’ lungum ni bod gag?

2 Thessalonika 2:4

Ma bayi togopluw nga urngin ban’en nma meybil e girdi’ ngay nge urngin ban’en ni bay rogon ngak Got. Ma bayi tay ir nib tolang ko pin’ey ni gubin, ni mus ngalan e Tempel rok Got ni bay yan i par riy nga but’ me yog ni ir Got!

Jeremiah 51:57

Bay gu gagiyegnag e pi tolang riy ngar chinggad — girdi’ nib gonop, nge tayugang’, nge salthaw. Bay ra molod ni dab kur odgad. I gag fare pilung e gu be non; ni Gag fare SOMOL ni Gubin ma Rayag Rok.

Jeremiah 51:8

Babylon e yigi thay pa’ nib tomgin nge mogothgoth! Mu yor niged! Mu feked e falay ni fan ko maad’ad rok, ma dabisiy nra gol.

Isaiah 45:9

Rayag rok ba th’ib ni but’ ni nge tugthin ngak e cha’ ni ir e ngongliy, ni ba th’ib ni ta’reb rogon nga urngin e th’ib ni bay? Rayag rok e but’ ni th’ib ni nge fith ngak e en ni be ngongliy ko mang e be rin’ fa’anem? Rayag rok ba th’ib ni nge thibthibnag salapen pa’ e en ni ngongliy?

Isaiah 13:11

I SOMOL e ga’ar, “Bay ggirngiy e riya’ nga daken e fayleng nggu gechignag gubin e pi’in kireb ni bochan e denen rorad. Bay gu sobut’nag e pi’in yad ba tolngan’ mu gu gechignag e pi’in nib ufanthin ma yad buchan’.

Eklesiastes 9:12

Dariy be’ nra nang e ngiyal’ nike taw nga tol’. Ni bod e arche’ nra gin ma ke aw ko wup, bod e nig nma aw ko nug, e re gadad nra ngalol e riya’ ni yug gadad ra dada’ ma kad awgad nga tafich.

Exodus 10:3

Ma aram me yan Moses nge Aron ngak Farao, me lungurow ngak, “Ba’aray e thin nike yog SOMOL, ni ir e Got ko Hebrew, ‘Uw n’umngin nap’an ni ngu’um par ndab mu rin’ e tin gu be yog? Mpag e girdi’ rog ngranod ngar meybilgad ngog.

Jeremiah 48:43

Marus nge low nge wup e be sonnag e girdi’ nu Moab. I SOMOL e keyog e pi thin ney.

Jeremiah 48:44

En nra guy rogon ni nge mil ko marus e ra mul ngalan e low, ma en nra gararaw ngalang ko fare low e bayi aw ko wup, ni bochan e ke duwgiliy SOMOL e ngiyal’ ni nge aw e riya’ nga Moab.

BABYOR NI JOB 15:25

Ireram e tin wa’athan e cha’ nra i sakleg pa’ ngak Got, ma be dariyfannag e En ni Gubin ma Rayag Rok.