Jeremiah 50:17 - Bible Ni Thothup

¹⁷ I SOMOL e be ga’ar, “Girdi’ nu Israel e yad bod e saf, ni lol’oeg e layon ngar wagageygad. Som’on e fare pilung nu Assyria e cham ngorad, me migid ma Nebukadnezzar ni Pilung nu Babylon e guchiy e yil rorad.

Jeremiah 50:17 Referans Kwoze

Jeremiah 2:15

Ka ra tolulgad ngak ni bod bogi layon; ka ra ted fare nam rok nike daken e ted ni desert, pi yochi binaw rok e ka ni kirebnag ma dakuriy be’ ni be par riy.

1 Peter 2:25

Ya um moyed ni gimed bod e pi saf ni kar olobochgad; machane chiney e kan fulwegmed ni ngu’um leked Fa’anem ni ir e ma gafaliy e saf me ir e ma ayuweg lanin’med.

Joel 3:2

Ma bay gu kunuy urngin e nam, nggu fekrad ko Loway ko Pufthin. Nu rom e bay gu pufthin nagrad riy ni bochan urngin e tin kar rin’ed ko girdi’ rog. Kar wereged piyu Israel u lan e pi nam i yan ma kar th’eth’abed kar f’oethed yu Israel, ni gag e nam rog.

Jeremiah 50:6

“Girdi’ rog e yad bod e saf ni pi’in ma gafaliyrad e ra paged yad ngar malobochgad u lan e pi burey. U ra derawgad ni bod e saf u reb e burey nga reb, ni da ku ra nanged e gin bay taferad riy.

Daniel 6:24

Me yog fare pilung ni urngin fapi girdi’ nrabad ra adaw niged Daniel ngak e ngan uneg e ppin rorad ngorad nge pifakrad nga nin’rad ngalan fare low ni tafen e layon. Dawor ra awgad nga t’ay e low me og e layon ngorad nge tet’ar urngin e yil u dowrad.

Ezekiel 34:12

ni rogon ni ayuweg ba tagafaliy e saf e saf rok nra weargad miyad sul nga ta’bang bayay. Yungi n’en nra weargad ngay ko fa rofen ni yib e gafgow nrib gel e bay gu wan gu fulwegrad riy.

Jeremiah 52:1

Zedekiah e rliw’ nge ta’reb e duw rok me pilung u Judah, me par u Jerusalem ngi i gagiyeg ni ragag nge ta’reb e duw. Ma fithingan e chitiningin e Hamutal, ni be’ ni bpin ni fak fa binem e Jeremiah ni i par u lan e binaw nu Libnah.

Jeremiah 51:38

Piyu Babylon e go’ ra tolulgad ni bod e layon miyad gowol ni bod pifak e layon.

Jeremiah 49:19

Bod ba layon ni yib u fithik’ e gerger u charen e lul’ ni Jordan ngalang ko gin nib galunglung nma abich e gamanman riy, amrogon ni bay gu tuluf e piyu Edom ngar milgad nib tomgin ngar chuwgad ko nam rorad. Re tolang ni gu ra mel’eg e ra gagiyegnag fare nam. Mini’ e rayag ni nge ta’reb rogon ngog? Mini’ e ra math’ magran rok ni nge togopluw ngog? Mini’ e re tagagiyeg nrayag rok ni nge paluwyeg?

Jeremiah 5:6

Aramfan ni gamanman ni layon u loway e bayi thangrad; ma pilis ni malboch u daken e ted ni desert e bayi popofrad ni yochyang, ma pi leopard e bay ura pachpach gad niyad be fita’ u lan e yochi binaw rorad. Pi girdi’ ney e yad ra yan nga waen, ma yira popofrad ni bochan e denen rorad ni kaygi yo’or ma ke yo’or yay ni yad be pi’ keru’rad ngak Got.

Jeremiah 4:7

Bod ba gamanman ni layon nike yib ko gin ma mith riy, ba tagathay e pi nam e ke yib nga wean. Ke yib ni nge gathay yu Judah. Pi binaw nu Judah e bayi par ni dakriy woton u but’, ma dakriy be’ nra par u lan fapi binaw.

Isaiah 47:6

Kug damumuw ko girdi’ rog; kug ta’rad ni gowa gathi ku yad e girdi’ rog: Kug tayrad nga tan gelngim, ma da mu dag e runguy ngorad’; ni mus ko tin ke pilibthir ma ga be gafgow nagrad.

2 Kronicles 33:11

Ma aram me pag SOMOL e pi tolang ko salthaw ngar m’aged e mael nga Judah. Ngar koled Manasseh, miyad the’ e lam nga dow, ngar m’aged e chen ngak, ngan fek nga Babylon.

2 Kronicles 28:20

Ere cheal fare pilung nu Assyria nge togopluw ngak Ahaz ngari gafgownag, ma de pi’ e ayuw ngak.

2 Kings 24:1

Nap’an nib pilung Jehoyakim me yib Nebukadnezzar ni Pilung nu Babylonia i kol yu Judah, ma dalip e duw ni par Jehoyakim u tan pa’; ma aram me cheal Jehoyakim nge togopluw.

2 Kings 15:29

Ma ngiyal’ nib pilung Pekah me kol Tiglath Pileser ni ir e pilung nu Assyria fapi binaw nu Ijon, Abel Beth Maakah, Janoah, Kedesh, ngu Hazor, nge nug nu Gilead, Galilee, ngu Naftali, me fek e girdi’ nga Assyria ni kalbus.

2 Kings 15:19

Me Tiglath Pileser, ni ir e pilung u Assyria, e yib i mael ngak yu Israel, me pi’ Menahem guyey nge meruk e ton e silber ngak ni nge fel’ u wan’ nge ayweg Menahem nge pi’ gelngin ni nge gagiyegnag fare nam.

2 Kings 24:10

Nap’an ni i gagiyeg me yib barba’ i salthaw nu Babylon, ni pi tolang rok Nebukadnezzar ni Pilung e yad be girengiy, miyad m’ag e mael nga Jerusalem ngar koled.

2 Kings 25:1

Zedekiah ni Pilung nu Judah e togopluw ngak Nebukadnezzar ni Pilung nu Babylonia. Me yib Nebukadnezzar nike fek urngin e salthaw rok miyad m’ag e mael nga Jerusalem ko bin ragag e rran ko bin ragag e pul ko bin mereb e duw nike pilung Zedekiah. Miyad n’uf e tent rorad u wuru’ e binaw, miyad ubung e malang nge but’ nge liyeg e binaw nu Jerusalem ni ngar mithgad nga fon ko mael,

Isaiah 15:9

U lan e binaw nu Dibon e row e lul’ riy ko racha’, ma Got e kabay ban’en nike tay ni kab gel boch e gafgow riy ni nge aw ngak e girdi’ u rom. Arrogon, bay ni pu’og racha’en gubin e girdi’ ni magey u Moab.

Jeremiah 5:17

Bay ra ful’ed wom’ngin e woldug romed nge ganmed; bay ra thanged e pogofan rok e pagel nge rugod ni pifakmed. Bay ra li’ed e yu ran’ nge yu ulung i gamanman romed miyad gathay fi’imed ni grape nge gek’iy ni fig. Yungi binaw ni ka ni yororiy ni fan ko mael ni pagan’ romed e bayi buthug e salthaw rorad nga but’.

Jeremiah 10:25

Mu sapeg e damumuw rom ko pi nam ndarir liyor gad ngom nge nga daken e pi’in ni ka ra furyed gur. Kar li’ed e girdi’ rom; ma karted gamad ko bin but’ e fol ka ra paged e nam romad ni dakriy woton u but’.

Jeremiah 21:7

Machane gur, nge tayugang’ rom, nge girdi’ ni fos u tan fare mael, nge uyngol ni yib, nge liliy — e bay gu pagmed ni gimed gubin nge kolmed Nebukadnezzar ni Pilung nge pi’in gimed ba to’ogor ni yad ba’adag ni ngar li’ed gimed ngam m’ad. Ma Nebukadnezzar e ra li’med ngam m’ad. Ni dabi pag ta’ab gimed ara kirban’ fa runguy ya’an bigmed. I Gag SOMOL e gu be non.”