Jeremiah 5:8 - Bible Ni Thothup

⁸ Yad bod e os ni pumo’on nib thum’ ngaru’ farad ar ar, nra bagyad ma keyim’ ni bochan le’engin e en ni yow bbuguliyoror.

Jeremiah 5:8 Referans Kwoze

Jeremiah 13:27

Ke guymed ni gimed be rin’ e pin’en nib fananikay. Ke guymed ni gimed be lek yug boch e got i yan nga daken e burey nge lan e flang, ni bod be’ nib mo’on nike darngalnag e bpin rok be’ ni yow buguliyoror fa bod rogon ba os ni pumo’on ni be lek ba os ni bpin. Gafgow gimed e girdi’ nu Jerusalem! Wi’in e gimed ra machalbog?

Ezekiel 22:11

Ma bochi gimed e yad be par e ppin ni gathi le’engirad nge pi le’engin pifakrad ni pumo’on ara pi walagrad ni ppin ni ta’reb e chitamangirad.

Jeremiah 29:23

Irera’ e n’en nra buch rorow ni bochan e bbuch e rorow ko denen ni ubchiya’, ur pired e pi’in gathi mabgol rorow, nge sasalap l’ugun ni ur tew nga fithingan SOMOL. Biney e rib togopluw ko tin lanyan’ SOMOL; ma manang ko mang e ur rin’ew ya ir e guy row. I SOMOL e be non.”

BABYOR NI JOB 31:9

Fa’anra ke gabalan’ug nga le’engin be’ ni gamow bbuguliyoror, kug mith u wuru’ e mab rok ngu’ug sonnag,

Deuteronomy 5:21

“‘Dab mu chogownag le’engin be’ nib mo’on; dab mu chogownag e naun rok, fa binaw rok, fa sib rok, fa garbaw rok, fa gamanman rok ni dongki, fa demturug ban’en nib milfan ngak.

Deuteronomy 5:18

“‘Dab mu pirew be’ ni gathi mabgol rom.

Exodus 20:17

“Dab mu chogownag e naun rok be’, ara le’engin’, ara sib rok, garbaw rok, dongki rok; ara ara tin bay rok.”

Exodus 20:14

“Dab mu pirew be’ ni gathi mabgol rom.

Genesis 39:9

Ba ga’ lungug u lan e re naun ney ni ta’reb rogog ngak, ma dariy ban’en nike tel ndawori pag fan ngog, kemus ni le’engin, ni gur, e dawori pag fam ngog. Ere uw rogon ni nggu ngongliy e binir e ngongol nib kireb nib denen nib togopluw ngak Got?”

Jeremiah 9:2

Gu be finey ni gomang e bay bang u daken ted ni desert ni gu ra par ngay ko gin gu ra palog ko girdi’ rog riy. Yad gubin ni derir yul’yul’gad, ba ulung i kireb.

Jeremiah 50:11

I SOMOL e ga’ar, “Gimed e girdi’ nu Babylon, e kam giliw niged fare nam rog. Kam felfelan’gad ma ke puw ufmed gimed be yan yan ni bod ba garbaw ni be yot’yot’ e grain nga but’ fa ba os ni be mayngar,

Proverbs 6:29

Ri aram feni ga’ riya’en ni ngam pirew le’engin be’. Cha’ nra rin’ e ra gafgow.

Jeremiah 23:10

Re nam ney e ke sug ko girdi’ nde yul’yul’ ngak SOMOL; tin kireb e yad be rin’ ma mat’awrad ni bay e ka ra muruwliyed e tin nib kireb ngay. But’ ko nam e ke kireban’ ya ke bucheg SOMOL wa’athan, ma yungi n’en nma kay e gamanman e pan riy e ke yim’ e pan riy.