Jeremiah 5:10 - Bible Ni Thothup

¹⁰ Bay gul’og e to’ogor ni nge th’ab nga but’ e grape ni fi’in e girdi’ rog, machane gathi gubin ni ngan thang mit. Bay gog ngorad ni ngar th’abed papa’ngin, ni bochan e pi papa’ngin nem e de milfan ngog.

Jeremiah 5:10 Referans Kwoze

Jeremiah 4:27

Keyog SOMOL ni ga’ngin e fayleng ni bayi par ndakriy e wulgo’ riy, machane dabi kirebnag e fayleng ni ga’ngin.)

Matthew 22:7

Me ri damumuw fare pilung, me l’oeg e salthaw rok ngarbad ra thanged e fan rok e pi’in kar li’ed fapi tapigpig, miyad urfiy e binaw rorad.

Hosea 1:9

Me ga’ar SOMOL ngak Hosea, “Mu tunguy fithingan ni ‘Gathi-girdi’-rog’, ya girdi’ nu Israel e gathi girdi’ rog, ma gathigag e Got rorad.”

Jeremiah 39:8

Ngiyal’ i nem, ma ke urfiy piyu Babylon tafen e pilung nge naun ko girdi’ ma kar buthged nga but’ e pi yoror nu Jerusalem.

Amos 9:8

I gag SOMOL ni Th’abi Tolang e ku gup’ owcheg ngak girdi’en e nam nu Israel ni yad be denen, bay gu thirifrad u daken e fayleng. Machane dab gu thirif urngin e pi’in owchen Jakob.

Ezekiel 14:17

“Ara ggirngiy e mael nga daken fare nam mu gu l’oeg talin e cham nib almarin nge thang mit e girdi’ nge gamanman ni ta’ab rogon,

Ezekiel 12:16

Gu ra pag in i yad nge par ni dabi yim’ u fithik’ e mael, ara uyngol, ara liliy, ya fithik’ e pi nam i yan e ngar nanged riy feni sonogor pangrad. Ma bay ra nanged ni Gag SOMOL.”

Jeremiah 46:28

Bay gub ngomed nggu ayuwegmed. Bay gu thirif gubin e nam u but’ ko yungi n’en ni gu weregmed riy i yan, machane dab gu thang owchamed. Ma dab gu pagmed ngam marod ni dab ni gechig nagmed; machane gu ra gechig nagmed, mab mat’aw rogon ni gu ra rin’. I Gag SOMOL e kugog e pi thin ney.”

Jeremiah 30:11

Bay gub ngomed nggu aywegmed. Bay gu thirif urngin e nam u but’ ko yung i n’en ni gu werweregmed riy, machane gimed e dab gu thang owchamed. Dab gu pagmed ngam thay gad ko gechig; machane gechig ni gu ra tay ngomed, e ba mat’aw rogon ni gu ra rin’. I Gag SOMOL e gu be non.”

Jeremiah 25:9

‘Chiney e bay gu l’oeg urngin e girdi’ ko lel’och nge tapigpig rog i Nebukadnezzar ni Pilung nu Babylon. Bay gu pagrad ngarbad ko cham nga Judah ngak gubin e girdi’ riy nge ngak gubin e binaw u to’oben i yan. Bay gu thirif e re nam ney u but’ nge pi binaw ni bay u to’oben i yan nggu pag ndariy tulwen ni manemus, ni ka ri kireb ni nge gin owchey ngay. I Gag SOMOL e gu be non.

Jeremiah 5:18

I SOMOL e ga’ar, “Machane mus ko tinem e rran ma dab gu thang owchen e girdi’ rog ni gubin.

2 Kronicles 36:17

Ma aram me pag SOMOL fare pilung nu Babylon nge cham ngorad. I thang fare pilung e fan rok e pi’in pagel nu Judah ni mus ngak e tin bay u Tempel. Dariy be’ ni runguy, fel’ yangren fa pilbithir, pumo’on ara ppin, m’ar nge pi’in de m’ar. I pi’rad Got nga pa’ ni yad gubin.

Jeremiah 5:9

Ere mang ni dab gu gechig nagrad ko pin’ey nggu togopluw nga ba nam ni aray rogon’?

Jeremiah 5:11

Girdi’ nu Israel ngu Judah e kar feked yathig. I Gag SOMOL e gu be non.”

2 Kronicles 12:4

Me kol u fithik’ e mael fapi binaw nu Judah ni kan yororiy nib gel ni fan ko mael nge yan nge taw nga Jerusalem.

Jeremiah 2:21

Gu yungem ni bod rogon ba ke grape nib mal’eag, ni yib ko bin th’abi fel’ e awoch. Machane a mu sap ko n’en ni ka mu rin’. Gur e kambod ba kenggin ba ke grapes nike wod ni dabki fel’.