Jeremiah 5:1 - Bible Ni Thothup

¹ Gimed e girdi’ nu Jerusalem, mmilgad u daken e yupa’ i kanawo’! Mu changar gad u charmed! Mi gimed guy! Mu wirgiyed e yungin ni yima market riy! Ko gimed ra pir’eg ta’be’ nma rin’ e n’en nib mat’aw mma guy rogon ni ngi i par nib yul’yul’ ngak Got fa? Fa’anra gimed ra pir’eg, ma SOMOL e ra n’ag fan u wan’ e denen nu Jerusalem.

Jeremiah 5:1 Referans Kwoze

Ezekiel 22:30

Gu be changarnag be’ nrayag ni nge ubung bang i rungrung, nrayag ni nge sak’iy ko yungi n’en nike puth e rungrung riy me ayweg e nam ko ngiyal’ ni nge aw e damumuw rog ngay, machane dag pir’eg be’.

2 Kronicles 16:9

I SOMOL e ma fal’eg i yaliy e re fayleng ney ni ga’ngin, ni nge pi’ gelngin e pi’in yad ba yul’yul’ ngak u gumircha’rad. Gab balyang ko tin ka mu rin’, ere bay um par u fithik’ e mael e chiney i yan e ngaram.”

Isaiah 59:4

Ma lan tagil’ e puf oloboch ni ga ra yan ngay, ma tin mat’aw e dariy u barba’ i to’bem. Ya sasalap l’ugun e ir e kam ta’ ngay ni ngam gel riy u kort. Ka mu rin’ e tin nim gonpiy ni ngam gafgownag boch e girdi’ riy.

Psalms 14:3

Machane yad gubin ni karanod nga wuru’ e wo’, yad gubin ni ta’reb rogorad ni yad ba kireb; dariy ta’a bagayad ni bfel’, nta’a bagayad ma dariy.

Proverbs 20:6

Ra be’ ma be weliy rogon feni fel’ nge feni yul’yul’, machane u uw e ga ra pir’eg be’ riy ni aram rogon?

Psalms 12:1

SOMOL, mu ayuwegmad! Dariy be’ ni bfel’ nike magay; girdi’ nib yul’yul’ e dab kun piri’egrad’.

2 Thessalonika 2:10

ma bayi bannag urngin e pi’in ngar maloggad nga urngin mit e ban nib kireb. Bay ra maloggad ni bochan e daburad ma de t’uf rorad e tin riyul’ ni ir e rayag ni nge thapegrad ngak Got.

Luke 14:21

Me sul fare tapigpig nge yan i weliy e pin’ey ni gubin ngak e masta rok. Me ri damumuw fa’anem ni ir e masta ko fare naun me ga’ar ngak fare tapigpig rok, ‘Mu gurnigem ko yu pa’ i kanawo’ ni ba ga’ nge yu pa’ ni ba’achig u lan binaw, ngam non ngak e pi’in gafgow, nge pi’in marwoth, nge pi’in malmit, nge pi’in mugutgut.’

Zekariah 2:4

Me ga’ar, fa bin som’on e engel ko fa binem e engel, “Mmil ngamog ko re pagel nem ni bay fare gaf u pa’ ni yima foleg ban’en ngay nib yo’or e girdi’ nge yuran’ i gamanman u lan yu Jerusalem ni kay gi ga’ ni ngan rungrunguy.

Amos 8:12

Girdi’ e bay ra deraw gad u bang e day nga bang miyad cheal riy ko lel’och i yan ko ngek. Bay ur gayed u gubin yang bbugithin nike yib rok SOMOL, machane dab ra pir’eged.

Joel 2:9

Bay rabad ni yad ba machreg ngarbad ra po’gad ngalan binaw; miyad yib u daken e yoror nga baraba’; miyad gararaw nga daken e naun, miyad yan u winda nga naun ni bod rogon e moro’ro’.

Daniel 12:4

Me ga’ar ngog, “Daniel, chiney e ngam uchumiy fare ke babyor ma ga pag e hang ngay nge par nge yan i mada’ nga tomuren e fayleng. Ma bo’or e girdi’ ni bay ur milgad iyan nge sul, ma bay i ga’ e llowan’ i yan.”

Tang Ko Pitang 3:2

Ug mogow u lan e binaw i yan, u gu th’ab e yupa’ i kanawo’ ni ba ga’ nge kanawo’ ni achig. Ni gu be sapnag e cha’ ni gu ba’adag. Ug changar i yan, ma da gu pir’eg.

Proverbs 23:23

Tin nriyul’, gonop, fanow nge tamilangan’, irera’ e pin’en ni bay rogon ni ngan chuw’iy, ma ri dab mu pi’ ni chuway’.

Proverbs 8:3

U langan e garog ngalan binaw ngu to’oben e pi garog e ke par riy be pong ni be ga’ar,

1 Kings 19:10

Me fulweg ni ga’ar, “SOMOL ni Got ni Gubin ma Rayag Rom, ka faram i yib ke mada’ ko chiney ni kemus ni gur e gu be pigpig ngom, machane girdi’ nu Israel e kar th’abed e m’ag u thilmed, ma kar buthuged e pi altar rom, ma kar thanged e pogofan rok urngin e pi profet rom. Kemus ni gag e kug magey, ma yad be guy rogon ni ngar thanged e pogofan rog.”

Jeremiah 2:29

Mang e gimed be gun’gun’nag? Mangfan ni gimed be togopluw ngog?

Jeremiah 44:15

Ma aram ma gubin e pumo’on ni kar nanged ni ppin rorad e ma pi’ e maligach ngak yug boch e got, ma gubin e ppin ni yad ba sak’iy u rom, nib mu’un piyu Israel ngay ni ur pired ko yimuch u Egypt ni yad bo’lung i girdi’ ni yad ba yo’or e ra ga’argad ngog,

Psalms 14:2

I SOMOL e be changar ngak e girdi’ u tharmiy nga but’ ni nge guy ko bay bochi yad nib gonop, ni yad be meybil ma yad be liyor ngak Got fa dariy.

Psalms 94:16

Mini’ e sak’iy ni pa’ag nge togopluw ko pi’in kireb? Mini’ e mang ngog ngug togopluwgow ngak e pi’in ma rin’ e kireb?

Jeremiah 8:6

Ku ug fal’eg e motoyil, machane damur yoged e tin riyul’. Ma dariy bigmed nike kalngan’ ko kireb rok; ma dariy bigmed nike ga’ar, ‘Mang e ku gu rin’ nib kireb?’ Yug ra bugmed ma ke pi’ nga daken be rin’ e n’en ba’adag, ni bod ba os nike tay marin i yan nga fithik’ e mael.

Jeremiah 9:2

Gu be finey ni gomang e bay bang u daken ted ni desert ni gu ra par ngay ko gin gu ra palog ko girdi’ rog riy. Yad gubin ni derir yul’yul’gad, ba ulung i kireb.

Jeremiah 9:7

Bochan e ran’ey me ga’ar SOMOL ni Gubin ma Rayag Rok, “Bay gu machalbognag e girdi’ rog ni bod e wasay nggu sikeng nagrad. Girdi rog e ka ra ngongliyed e kireb — mang e kabay ni nggu rin’ ngorad?

Ezekiel 9:9

Me fulweg Got ni ga’ar, “Girdi’ nu Israel ngu Judah e bbuch e rorad ko denen ni ubchiya’. Yad be mathang pogofan u ga’ngin yang ma kar sugyed lan yu Jerusalem ko urngin mit e oloboch. Ma yad be ga’ar e Gag, SOMOL, e kug pi’ keru’ug ko binaw rorad ni da gur guy e n’en ni yad be rin’.