Jeremiah 49:3 - Bible Ni Thothup

³ Girdi’ nu Heshbon, mu yorgad ngalang! Ai e kan buthug! Pi’in ni ppin nu Rabbah, mu mowawgad! Moned e mad ni tutuw ko mowaw ni ngam ted. Mmilgad i yan nike wagagey lanin’med. Fare got romed i Molek e bay ni fek nib kalbus nga wuru’ e nam, nib chagil e pi prist rok ngak nge fapi pumo’on ni fak e pilung.

Jeremiah 49:3 Referans Kwoze

Jeremiah 48:7

“Gur yu Moab, e ke pagan’um nga gelngim nge fel’ rogon rom, ma mus ngom e chiney ma bay ni kolem; fare got rom i Kemosh e bay ni fek ngabang, nib chagil e pi tolang rok ngak nge pi prist.

Jeremiah 48:37

Yad gubin ni kar puyed lolugrad ma kar th’abed sobarad. Yad gubin ni kar rasayed pa’rad ma yad gubin ni kar chuwgad ko mad ni tutuw.

Isaiah 15:2

Me yan e girdi’ nu Dibon ngalang ko burey ngu’ur yorgad u tagil’ e meybil. Girdi’ nu Moab e ur gogo’ naged e gafgowan’ rorad ni bochan yu Nebo ngu Medeba; ra pupuyed lolugenrad nge soroberad u fithik’ e gafgowan’.

Jeremiah 46:25

I SOMOL ni Gubin ma Rayag Rok, ni fare Got rok yu Israel e be ga’ar, “Nggu wan nggu gechignag Amon, ni fare got nu Thebes, nib mu’un yu Egypt nge pi got nge pi pilung riy ngay. Nggu wan gu fek e pilung nu Egypt nge gubin e pi’in kar ted e pagan’ rorad nga daken,

Jeremiah 4:8

Ere mon’ed e mad ni tutuw, mi gimed yor mi gimed dololoy’ ni bochan e damumuw rok SOMOL nib tinoway e dawri chuw u daken yu Judah.

2 Kings 23:13

Miki kirebnag Josiah fapi altar ni ngongliy Solomon ni Pilung ni bay ko ngek u Jerusalem, ma bay ko yimuch ko Burey nu olives ni fan ko meybil ko liyos, ni aram e yibe tay fan fare got ni Astarte ni got rok yu Sidon, nge Kemosh ni got rok yu Moab, nge Milcom ni got rok yu Ammon.

1 Kings 11:33

Nggu rin’ e ren’ey ni bochan e ke n’igeg Solomon be tay fan Astarte ni got rok yu Sidon; nge Kemosh ni got rok yu Moab; nge Molek ni fare got rok yu Ammon. Solomon e dakir fol rog; ke rin’ e kireb ma dakir tay e motochiyel rog nge thin rog u gil’, ni gathi aram rogon ni i rin’ e chitamngin i David.

1 Kings 11:5

I tayfan Astarte, nib got rok yu Sidon, nge Molek ni ba got ni ba sonogor nu Ammon.

James 5:1

Ere mu telmed ngog e pi’in ni pire’ ban’en romed! Mu yorgad mi gimed dololoy’ ni bochan e gafgow ni bay yib ngomed!

Zefaniah 1:5

Bay gu thang mit e en ma yan ngalang nga daken e chigiy ko naun ngi i tayfan e y’al, pul, nge pi t’uf. Ma ku bay gu thang mit e pi’in yad ma meybil ngog miyad ma micheg ni yad ba yul’yul’ ngog, machane miyad cheal ngar pagedyad ngan yiblayrad u fithingan fare got ni Molek.

Amos 1:15

Pilung rorad nge pi tolang rok e bay ni kalbus nagrad u wuru’ e nam rorad.”

Jeremiah 51:8

Babylon e yigi thay pa’ nib tomgin nge mogothgoth! Mu yor niged! Mu feked e falay ni fan ko maad’ad rok, ma dabisiy nra gol.

Jeremiah 49:1

Irera’ e n’en ni yog SOMOL u murung’agen Ammon: “Bu uw fapi pumo’on nu Israel? Dakriy be’ nra ayweg e nam rorad? Mang ni karpaged e girdi’ nma tay fan Molek kar pired ko fa gin tafen e ganong rok Gad?

Jeremiah 48:20

Bay ra fulweged nra ga’ar gad, ‘Moab e kethay pa’, ngan yornag ya ke m’ay fan. Ngan weliy u charen fare lul’ ni Arnon i yan ni yu Moab e kan gothgathay!’

Jeremiah 48:2

dakriy felngin yu Moab. Ke kol e to’ogor yu Heshbon ma kar makath niged ni ngar gathayed fare nam nu Moab. Fare binaw nu Madmen e bay i math gulngan; me thelap e salthaw nga langgin ni togopluw.

Jeremiah 6:26

I SOMOL e be ga’ar, “Gimed e girdi’ rog, e ngam mon’ed e mad ni tutuw, mi gimed pig u fithik’ e awat. Mu dololoy’gad ni bod be’ ni be yornag be’ nib mo’on ni fak ni ka ri ma’agirag rok, ya en nike yib ni nge kireb nagmed e bayi cham ngomed nib tomgin.

Isaiah 23:6

Mu gogo’gad ko gafowan’, gimed e girdi’ nu Foenicia! Mu guyed rogon e mil nga Spain!

Isaiah 23:1

Irera’ e thin ni murung’agen yu Tyre. Mu gogo’gad ko gafgowan’ gimed e sala u maday! Gin ma yan i gif e barkow romed ngay e ka ni gathay; naun riy nge gin yima yuluy e barkow riy e ke mogoth. Ra sul e barkow romed u Cyprus, mi gimed nang salpen.

Isaiah 16:7

Girdi’ nu Moab e bay ur yorgad ni bochan e pi oloboch ni bay ur gafgowgad riy. Yad gubin ni bay ur yorgad u nap’an nra yib wuran ngan’rad e ggan ni falel’ ni ur ked u lan fare binaw nu Kir Heres. Bay ra pired nike math e liyab rorad.

Isaiah 14:31

Gimed gubin e binaw nu Filistia ni bay um gawolgad ngalang ma gimed be yornag e ayuw! Mu rusgad ni gimed gubin! Be yib byil’ i ath ko lel’och ni barba’ i salthaw ndariy buchu’uw i marus rorad.

Isaiah 13:6

Mu gel’gel’ naged e amith! Ya rran rok SOMOL e ke chugur, rofen ni En ni Gubin ma Rayag Rok e nge girengiy e riya’ i yib.

Joshua 8:28

I Joshua e urfiy yu Ai nge pag nike mgothgoth. Ni ku aram rogon ni bay e daba’.

Joshua 7:2

I l’oeg Joshua bogi pumo’on u Jeriko ngranod nga Ai, nib binaw ni bay ko ngek u Bethel, nib chugur nga Bethaven, ni ngar damit niged e re binaw nem. Ma nap’an nranod ngar sulod

Joshua 8:1

I ga’ar SOMOL ngak Joshua, “Mu fek urngin e salthaw nge un ngom ngam farthoggad nga Ai. Dab mu dugow ara mulan’um. Ya bay gu pi’ gelngim ngam gel ngak e pilung nu Ai; nge girdi’ rok, nge binaw rok, ma regi but nem e bay i milfan ngom.

2 Samuel 11:1

Me yib reb e duw ko ngiyal’ ni ba’aram ni ba ga’ nma yan e pilung ko mael, me pi’ David Joab nge yan, nge pi tolang ni bay nga tan pa’, nge salthaw nu Israel; miyad cham piyu Ammon ngar gelgad ngorad miyad m’ag e mael ko binaw nu Rabbah. Me par David u Jerusalem.