Jeremiah 48:33 - Bible Ni Thothup

³³ Felfelan’ nge uf e kan chuweg ko fare nam nu Moab nib yong’ol but’an. Kug taleg l’ogwen e wayin ni yibe pirdi’iy; dakriy be’ ni nge ngongliy e wayin me tolulnag e felfelan’.

Jeremiah 48:33 Referans Kwoze

Haggai 2:16

mmarod ngab ulung i grain ni gimed be leamnag ni rliw’ thum, machane kemus ni ragag. Gimed ra yan ni ngam l’inged wugem e galon e wayin u tafen, migmed pir’eg ni kemus ni rliw’ e galon ni bay.

Isaiah 5:10

Yuke grape ni be tugul u daken bang i binaw ni ragag e acres ga’ngin e kemus ni lal galon e wayin e rayag riy. Ma ragag e barril e awoch niyra yung ma ra k’uf ma kemus ni ta’reb e barril e grain.”

Joel 1:16

Ke math e liyab ngomad ko woldug romad nike mogothgoth. Dakriy e felfelan’ u lan e Tempel ko Got rodad.

Joel 1:5

Mu odgad ngam yorgad, gimed e pi tachingaw’; mu yorgad, gimed e pi tamu’un wayin nir; fapi grape ni ngan ngongliy e wayin nib be’ech riy e kan kirebnag.

Isaiah 9:3

Somol kam pi’ e felfelan’ ni ba ga’ ngorad; kam gagiyeg nagrad kar felfelan’gad. Yad be felfelan’ ko n’en ka mu ngongliy, ni bod e felfelan’ ni be tay e girdi’ ko ngiyal’ ni yad be kunuy e ggan ko woldug rorad, ara ngiyal’ ni yad be f’oth e chugum nra koled u tan e mael.

Isaiah 7:23

“Ra taw ko ngiyal’nem ma yungi woldug ni grapes ni bfel’ nra bang ma bbiyu’ kaen e woldug ni grape ni bay riy, mra bang ma bbiyu’ yang e silber nni pi’ ngay, e bayi sug e pan riy ni bay rachangalen.

Amos 5:17

Be ga’ar SOMOL, “Bay un yor u fithik’ urngin yang e milay’ ni grape, ya bay gub ni ngug gechig nagmed.”