Jeremiah 48:32 - Bible Ni Thothup

³² Bay gu yornag e girdi’ nu Sibmah, nib gal ko meyor ni gu tay ko girdi’ nu Jazer. Fare binaw nu Sibmah, ga bod kenggin e grape nike yib papa’ngin ke mada’ nga ba’ nem e Dead Sea ke yan i taw nga Jazer. Ma ke chiney ma pi wom’ngin e gek’iy rom u nap’an e yal’ nge grape rom e kan gothgathay.

Jeremiah 48:32 Referans Kwoze

Numbers 21:32

me l’oeg Moses boch e pumo’on ni nga ranod ngar gayed e re kanawo’ ni bfel’ ni ngar chamgad ko fare binaw nu Jazer. Ma aram me kol yu Israel yu Jazer ngar thabay niged e pi yochi binaw u langgin ngar tulfed e pi Amor ni yad ma par u rom.

Joshua 13:19

Kiriathaim, Sibmah, Zereth Shahar ni bay u daken e ted ko fare loway,

Jeremiah 48:18

Gimed e pi’in ni gimed ma par u Dibon, e ngambad nga but’ u gil’med nib gilbugwan ngam pired nga but’ nga fithik’ e ab; ke taw e girdi’ ni nge gothothay yu Moab kar ted yung i tagil’ e ayuw ni dakriy e wulgo’ riy.

Jeremiah 48:15

Moab nge pi binaw riy e kan kirebnag; ma pi’in pagel ni yad ba cheag e kan thang owcharad. I gag e pilung, ni fare SOMOL ni Gubin ma Rayag Rok, e kugog e pi thin ney.

Jeremiah 48:8

Dariy reb e yochi binaw nra thay ko fare riya’; loway nge daken e tafelfel’ e go’ bayi mogothgoth. I Gag SOMOL e kugog e pi thin ney.

Jeremiah 40:10

I gag e bay gu par u Mizpah nggu mang mit e thin romed u nap’an nra yib yu Babylon ngaray. Ma gimed e ngam ta’reb gad nga mu kunyed e wayin nge wom’ngin e gek’iy nge gepgep ni olive, nga mu cha’riyed nga langgin fare binaw ni ka mu pired ngay.”

Joshua 21:39

ngu Heshbon, ngu Jazer, nge yungi flang ko pi binaw ney ni fan ko gamanman rorad.

Numbers 32:38

Nebo, Baal Meon (ni biney e fithingan e kan thilyeg), ngu Sibmah. Miyad tunguy fithingan e pi binaw nem ni kar fal’eged.

Numbers 32:35

Atroth Shofan, Jazer, Jogbehah,

Numbers 32:1

Gal ganong rok Ruben nge Gad e ba yo’or e gamanman rorad. Nap’an e raguyed feni fel’ e binaw nu Jazer ngu Gilead ko chugol garbaw,

Joshua 13:25

Gin ni taferad e ba mu’un yu Jazer ngay nge urngin e pi binaw nu Gilead, nge baley ko fare but’ nu Ammon ni yan nge mada’ nga Aroer, ni bay ko ngek u Rabbah;

Numbers 32:3

“Re gin’ney nike ayweg SOMOL yu Israel kar pired ngay — ni pi binaw nu Ataroth, Dibon, Jazer, Nimrah, Heshbon, Elealeh, Sibmah, Nebo, ngu Beon — e bfel’ ko chugol gamanman, ma gamad e bo’or e gamanman romad.