Jeremiah 48:28 - Bible Ni Thothup

²⁸ “Gimed e girdi ni gimed ma par u Moab, e ngam paged e yochi binaw romed! Mmarod ngam pired nga thartharen e rech! Mu boded e dove nma ngongliy tafen pifak u merichlen thilthilin e war.

Jeremiah 48:28 Referans Kwoze

Tang Ko Pitang 2:14

Ga bod ba dove ni be mith u thilin e war. Mu pageg nguguy fel’ngin owchem mu gu rung’ag lingum ni rib simunguy.

Judges 6:2

Ya par e girdi’ nu Midian ni yad bgel ngak piyu Israel, mi i par piyu Israel ni yad be mith rorad u lan e yiy i yan nge yungi n’en ndab ni piri’egrad riy u fithik’ e burey.

Jeremiah 49:16

Yowlop romed e ke ban nagmed. Ma dariy be’ ni be rus ngomed ni bod rogon ni gimed be leamnag. Gimed ma par u pe’bugul e war nib tolang u daken e burey; ma yug aram rogon ni gimed ba tolang ngalang ni bod e manuw, ma SOMOL e bayi piligmed nga but’. I SOMOL e keyog e pi thin ney.”

Jeremiah 48:9

Ngan fal’eg rogon e malangen e yam’ ni fan ngak yu Moab; ya dab kin’uw nap’an min thirif u but’. Nge par e yochi binaw riy ni dakriy e wulgo’ riy, ni dakriy be’ ni ku ra par riy bingyal’.”

Isaiah 2:19

Girdi’ e bay ra mithgad ngalan e yiy ko yochi burey ni go’ war fa ra kired e low nga fithik’ e but’ ni yad be guy rogon ni ngar milgad ko damumuw rok SOMOL, miyad mith u gelngin nge feni maluplup’, ko ngiyal’ ni bay yib ni nge rurug e fayleng.

1 Samuel 13:6

Piyu Israel e ncham ngorad nib elmerin, ngar pired ni kar magawon gad. Boch i yad e ur mithgad u lan e pi yiy nge low, ngu fon e war i yan, ngu thilthilin e yungi war ngu lan e pi luwed;

Genesis 8:12

Miki son Noah ni medlip e rran me pag fare dove nge changeg nge yan bayay; me yan ma daki sul.

Jeremiah 49:8

Girdi’ nu Dedan, mu pigichealgad ngam milgad ngam mman mithgad! Arame nggu thang mit e pi’in owchen Esau ni bochan e ke taw nga nap’an rog ni nggu gechig nagrad.