Jeremiah 48:1 - Bible Ni Thothup

¹ Irera’ e n’en ni yog SOMOL ni Gubin ma Rayag Rok u murung’agen yu Moab: “Nge kireban’uy ngak e girdi’ nu Nebo — ya yochi binaw rorad e ke mogothgoth! Yu Kiriathaim e kan kol, yoror riy nib gel ni fan ko mael e kan buthug nga but’, ma girdi’ riy e kan tamra’nag;

Jeremiah 48:1 Referans Kwoze

Numbers 32:3

“Re gin’ney nike ayweg SOMOL yu Israel kar pired ngay — ni pi binaw nu Ataroth, Dibon, Jazer, Nimrah, Heshbon, Elealeh, Sibmah, Nebo, ngu Beon — e bfel’ ko chugol gamanman, ma gamad e bo’or e gamanman romad.

Jeremiah 27:3

Ma aram me yog SOMOL ngog ni nggu pi’ e thin nge yan ko pilung nu Edom, Moab, Ammon, Tyre, ngu Sidon, ni nggog ko pi’in ni mayan ni owchen reb e nam nga reb ni karbad nga Jerusalem ni ngar guyed Zedekiah ni Pilung.

Isaiah 27:3

“Gu ma ayweg ma gu ma tarannag ni gubin ngiyal’. Gu ma matanagiy ni nnep’ nge rran ya nge dabi kirebnag be’.

Isaiah 25:10

I SOMOL e bayi yororiy e Burey ni Zion, machane girdi’ nu Moab e bay notrad nga but’ ni bod rogon e pan ni kanot nga fithik’ i t’ay e gamanman.

2 Kronicles 20:10

“Ere chiney e girdi’ nu Ammon, ngu Moab, ngu Edom e ka ra m’aged e mael ngomad. Aram e pi binaw nda mpag e pi chitamngimad ngranod nga langgin u nap’an nrabad nga wuru’ yu Egypt, ere u ranod u wuru’ e pi binaw ney ni dar gathayed.

Numbers 24:17

Kug guy e tin bay nga m’on e rran, ma kug guy yu Israel. Ba’ ba pilung ni bod ba t’uf ni ba ga’ ram’en ni bayi sum rorad. Rogon ba t’uf ni ba ga’ ram’en e aram rogon ni bayi yib rok yu Israel. Bayi li’ e pi’in yad ma yog e thin rok yu Moab, me thirif u but’ urngin e pi’in yad ba uf ma yad ma togopluw.

Genesis 19:37

Me gargel e bin ilal ko fa gali ppin ni fak Lot ma bochi pagel, me tunguy fithingan ni Moab. Ireram chitamngin e girdi’ ni kanog e Moabite ngorad e bin daba’ e rran.

Joshua 13:19

Kiriathaim, Sibmah, Zereth Shahar ni bay u daken e ted ko fare loway,

Genesis 14:5

Me yan ngalan e bin ragag nge aningeg e duw me yib Kedorlaomer nge pi pilung ni kar chaggad ngak nge salthaw rorad ngar gelgad ngak piyu Refaim ni bay u lan yu Ashterothkarnaim, nge piyu Zuzim ni bay u lan yu Ham, nge piyu Emim ni bay u daken bangi binaw nib tagapas ni kanog yu Kiriathaim ngay,

Isaiah 25:12

Bayi buthug e pi yoror rok yu Moab nga but’ nib gel ni fan ko mael nib mu’un e yungi rungrung riy ngay nib totolang nge aw nga but’ nga fithik’ e ab.