Jeremiah 46:27 - Bible Ni Thothup

²⁷ “Girdi’ rog, dab mu tamdag gad, girdi’ nu Israel, dab mu rusgad. Bay gu chuwegmed ko fare nam nib orel, ni aram fare nam ni um kalbusgad riy. Bay mu sulod nga tafenmed ngam pired u fithik’ e gapas; dabki buch ban’en romed, ma dakriy be’ ni re k’ar dugow ngomed.

Jeremiah 46:27 Referans Kwoze

Isaiah 43:5

Dab mu rus, ya gu bay rom! “Bay gu fek e girdi’ rom i yib nga taferad, ni mus u lan e ngek nib mal’af nge yan i mus ngalan e ngal nib orel.

Isaiah 43:1

Israel, i SOMOL ni ir e sunumiyem e be ga’ar, “Dab mu rus, ya bay gu yoror rom. Kug pining fithingam, ya mmil suwom ngog.

Jeremiah 50:19

Bay gu fulweg e girdi’ nu Israel nga taferad. Bay ra ked e gan ni be tugul u daken e burey ni Karmel u lan e nug nu Bashan, ma bay ra ked gubin e tin yad ba’adag ko woldug ni be tugul ko gin nib milsuwon nga Efraim ngu Gilead.

Jeremiah 29:14

Aram rogon ni kugog, gimed ra pir’egeg ma gu ra fulwegmed ko nam romed. Bay gu kunkunuymed u urngin e nam nge urngin yang ni ug weregmed riy, ma bay gu fulwegmed ko fare but’ ni ba’aram ni gu fekmed riy nggu pi’med nga Babylon. I Gag SOMOL e gu be non.’

Amos 9:14

Bay gu fulweg e girdi’ rog ko nam rorad. Ma bay ra ngongliyed rogon lan e pi binaw rorad ni kan kirebnag miyad par riy; bay ra yunged yungi milay’ ni grape ngu’ur unumed e wayin riy; bay ra yunged yung i woldug ngu’ur ked wom’ngin e tin yad be yung.

Jeremiah 33:16

Girdi’ nu Judah ngu Jerusalem e bay ur pired ni dabi buch ban’en rorad. Fare binaw e bay nog ni ‘Fare SOMOL ni Ir e Mat’wegdad.’

Jeremiah 23:6

Nap’an nra pilung, ma aram e dabki buch ban’en rok piyu Judah, ma aram e girdi’ nu Israel e bay ra pired u fithik’ e gapas. Ma cha’nem e bay nog fithingan ni ‘Ir SOMOL Nma Mat’aw Nagdad.”

Isaiah 44:2

I gag SOMOL e gu sunumiymed; ngiyal’ ni gimed bay u mayal ma gu be ayuwegmed. Dab mu rusgad; ya gimed e tapigpig rog, gu mel’egmed ni gimed ba t’uf rog.

Jeremiah 32:37

I gag e nggu kunuy e girdi’ u gubin e nam ni gu weregrad riy u fithik’ e damumuw rog nib almarin, ni aram e nggu fulwegrad ngaray ngar pired ndariy ban’en nra buch rorad.

Ezekiel 39:25

I SOMOL ni Th’abi Tolang e ga’ar, “Machane chiney e bay gu par ni bay e marnguy rog nga daken e pi’in owchen Jakob, ni fapi girdi’ nu Israel, ma bay gu gagiyegnag ngar fla’abgad bayay. Bay gu yororiy fithingag nib thothup.

Ezekiel 36:24

Bay gu chuwegmed u gubin e nam mu gu fulwegmed ko nam romed.

Isaiah 14:3

I SOMOL e bayi pithig yu Israel ko amith nge gafgow nge maruwel nib gel ni un motogel ngorad ni ngar rin’ed.

Isaiah 44:1

Be ga’ar SOMOL, “Gimed yu Israel, ni tapigpig rog, mu telmed ngog, gimed pi owchen Jakob, ni gu mel’egmed ni ngam manged girdi’ rog.

Jeremiah 51:46

Dabi mulan’med ara mu rus gad ni bochan e tin kam rung’aged. Gubin e duw ma yug reb e thin e be wear ni murung’agen e wodmang u lan binaw nge pilung ni be togopluw reb nga reb.

Ezekiel 16:53

Me ga’ar SOMOL ngak Jerusalem, “Bay gu gagiyegnag nge fel’ rogrow bayay — Sodom nge yochi binaw rok nge Samaria nge yochi binaw rok. Arrogon, kug ra fal’eg rogom boch.