Biblia Todo Logo
Bib sou entènèt

- Piblisite -




Jeremiah 46:21 - Bible Ni Thothup

21 Ni mus ko pi salthaw ni yad ma maruwel rok nike m’ay gelingrad ni bod e garbaw ni kab bitir. De yag nra sak’iy gad ngar cham gad. Miyad cheal ni yad gubin ngar milgad. Ke taw nga t’olrad, ni aram e ngilan’ e riya’ ni nge aw ngorad.

Gade chapit la Kopi




Jeremiah 46:21
25 Referans Kwoze  

SOMOL e fithrad ni ga’ar, “Mang e gu be guy? Miyad sul nga tomur u fithik’ e marus. Pi salthaw rorad e yibe pi’ i yan nga tomur; nike li’rad e marus, yad be mil ni kari mus macharnginrad ni darir sapgad nga tomur.


Ya ke gagiyegnag SOMOL e salthaw nu Syria kar rung’aged lingan e os nge chariot ni bod e salthaw ni pire’ nike yib, me leamnag e salthaw nu Syria nike pi’ e pilung nu Israel puluwon e pilung ko Hittite ngu Egypt nge salthaw rorad ni ngar chamgad.


Mus ngak e pi’in nth’abi fel’ u fithik’rad nge pi’in ndarir sasaliyeb gad e yad bod e pan ni bay e rchangal riy ni dariy ban’en ni yad bfel’ ngay. Ke taw ko fare rran ni nge gechignag Got e girdi’ riy, ni bod ni ginangrad riy u l’ugun e pi’in u ra matanagiyedrad, ni fapi profet. Chiney e bay ra pired nike balyangan’rad.


Thangri dab mman ngalan e binaw ko girdi’ rog ngu’um girig ngorad ko gafgow ni kar awgad nga fithik’ ma ga leag e fla’ab rorad e rofen nem ni kar gafgowgad.


Ri bay mu gafgow gad e pi’in ni gimed be k’iyagmed nga daken yungi couch ni fefalel’, gimed be li’ pifak e garbaw nge saf ngu’um mur gad.


Ngilan’ e gechig e ke anog ngay, ni aram e ngiyal’ ni nge sul taban ngorad e tin ni ur rin’ed’. Nap’an nra yodrom, ma bay i nang yu Israel! Are gimed be ga’ar, “Re profet ney e bbalyang. Re mo’on ney ni be yog e thin e ba aliliy.” Gimed e kam dubyedgag ni bochan e ke pag rogon e denen romed.


Ngan li’ gubin e salthaw rorad! Ngan thang e pogofan rorad! Girdi’ nu Babylon e kar bilged t’ay e gafgow! Ya ke taw ko ngiyal’ ni ngan gechig nagrad!” (


Girdi’ e bay i thig ni bod e gamanman ni garbaw ni malboch nge pifak e garbaw, ma fayleng e bayi row ko racha’ me sug daken ko mam.


Ma SOMOL e be minmin u wan’ ngak e en nib kireb, ya manang ndabki n’uw nap’an me math e fan rok.


Ma kenang piyu Ammon ni kar k’aringeded David ke mang to’ogor rorad, ma aram mar pi’ed puluwon 20,000 e pi salthaw nu Syria ni yad bay u Bethrehob ngu Zobah, nge 12,000 e pi pumo’on nu Tob, nge fare pilung nu Maakah ni bay 1,000 e salthaw rok.


“Umpared ni gimed ba to’ogor yu Israel bay ni pag girdi’en ngan nli’rad fa ngiyal’ nike aw e gafgow ngak, ni aram e ngiyal’ nni gechignag ko denen rok e yay ni tomur.


I SOMOL e ga’ar, “Gimed e girdi’ nu Babylon, e kam giliw niged fare nam rog. Kam felfelan’gad ma ke puw ufmed gimed be yan yan ni bod ba garbaw ni be yot’yot’ e grain nga but’ fa ba os ni be mayngar,


Mu non ko pi’ os rom ni ngranod nge pi chariot ngar mithmithgad! Mu pi’ e salthaw rom ngranod: ni pumo’on nu Ethiopia ngu Libya, ni ngar feked e shield rorad nge pumo’on nu Lydia ni cheag ko mun gat’ing.’”


Bay gu wereg e girdi’ rog u p’eowchen e to’ogor rorad, ni bod rogon e fiyath ni aw nifngin e ngek ngay nge wereg ngalang. Bay gu pi’ keru’ug ngorad; dab gu aywegrad ko ngiyal’ nra yib e riya’ ngorad.”


Mang e gimed ra rin’ ko ngiyal’ ni nge gechig nagmed Got? Ma ba mang e gimed ra rin’ ko ngiyal’ nra girengiy e riya’ u reb e nam nga dakenmed? U uw e gimed ra mil ngay ni ngam pir’egged e ayuw riy? Ma uw e gin gimed ra mithag talinmed ngay?


Kabfel’ ni ngu’um ked e girdi’ nib t’uf rom e ggan ni go’ ggan u ta’bang, ko bin ngu’um koy e tin th’abi fel’ e ufin ko gin bay e fananikan riy.


“Girdi’ rok SOMOL e i pire’ ban’en rorad, machane ba gel e togopluw ni ur ted; ra sugsuggad ya pire’ e ggan ni yad be kay. Miyad pi’ keru’rad ngak Got ni ir e sunumiyrad, ma en ni ta’ayuw rorad nib gel gelngin e ra pi’ed keru’rad ngak.


Me ere l’oeg yugu boch e tapigpig me ga’ar ngorad, Mogned ngak e pi’in ke taw e pong ngorad ni nge lungumed, ‘Mbad ko madnom, ya ke dum’madil e madnom; garbaw rog nge tin th’abi fel’ i pifak e garbaw rog e kan li’, ma kan fal’eg rogon urngin ban’en kan tay. Ere mbad ko madnom ko mabgol!’


Egypt e mil nge chuw, ni be yan laman ni bod ba parchoyog, ko ngiyal nike m’ug e pi salthaw ni to’ogor. Ra chamgad ngak ko tow, ni bod e girdi’ ni be dumow gek’iy nga but’


En nra guy rogon ni nge mil ko marus e ra mul ngalan e low, ma en nra gararaw ngalang ko fare low e bayi aw ko wup, ni bochan e ke duwgiliy SOMOL e ngiyal’ ni nge aw e riya’ nga Moab.


Girdi’ nu Dedan, mu pigichealgad ngam milgad ngam mman mithgad! Arame nggu thang mit e pi’in owchen Esau ni bochan e ke taw nga nap’an rog ni nggu gechig nagrad.


Aram e chiney e ba’aray e n’en ni gu be yog i Gag SOMOL ni Th’abi Tolang: I gag e to’ogor ko pilung nu Egypt. Bay gu t’ar pa’ ni ruw raba’ — ni ba’ ni kaffel’ nge ba’ ni kan t’ar — bayi mul e saydon u pa’.


Swiv nou:

Piblisite


Piblisite