Jeremiah 46:19 - Bible Ni Thothup

¹⁹ Ngam fal’egned rogomed ni ngan fekmed ni kalbus, gimed e girdi’ nu Egypt! Memfis e bayi par nike daken e ted, nike kireb ni dakriy be’ nma par riy.

Jeremiah 46:19 Referans Kwoze

Isaiah 20:4

Emperor nu Assyria e bayi gafaliy fapi kalbus i yan ni dariy e mad u dakenrad, ni kolrad ko fa gal binaw. Fel’ yangren nge pi’lal e bay u ranod ni dariy e sus rorad nge mad, ni be m’ug chuguyenrad, nra kar tamra’ ngak yu Egypt.

Jeremiah 48:18

Gimed e pi’in ni gimed ma par u Dibon, e ngambad nga but’ u gil’med nib gilbugwan ngam pired nga but’ nga fithik’ e ab; ke taw e girdi’ ni nge gothothay yu Moab kar ted yung i tagil’ e ayuw ni dakriy e wulgo’ riy.

Ezekiel 30:13

I SOMOL ni Th’abi Tolang e be ga’ar, “Bay gu kirebnag e pi liyos nge pi got ni de rriyul’ u lan yu Memfis. Ma bayi par ni dakriy be’ ni nge gagiyegnag yu Egypt, mu gu k’aring e marus ngak urngin e girdi’ riy.

Jeremiah 44:1

I SOMOL e non ngog nib l’ag rogon ngak urngin piyu Israel ni yad ma par u lan yu Egypt, ko fapi binaw u lan yu Migdol, Tahpanhes, ngu Memfis, ngu lay ni lel’och e binaw.

Zefaniah 2:5

Bilig t’ay e gafgow e kam ted e girdi’ nu Filistia, gimed e girdi’ ni gimed ma par u dep’el’ay. Ya SOMOL e ke pag e gechig ni nge aw ngomed. Bayi thang owchamed, ni dabi magay be’ nib fos.

Jeremiah 34:22

Bay gu pi’ e thin, ma bay ra sulod ko re binaw ney. Bay rachamgad ngay ngar koled miyad urfiy nga but’. Bay gu tay e yochi binaw nu Judah ni bod bang i ted ni dariy be’ nma par riy. I Gag SOMOL e kugog e pi thin ney.”

Jeremiah 26:9

Mangfan ni kamog u fithingan SOMOL ni re Tempel ney e bayi bod yu Shiloh, ma bay ni kirebnag e re binaw ney, ma dakuriy be’ nra par u langgin?” Ma aram me liyegneg e girdi’.

Isaiah 19:13

Pi tayugang’ nu Zoan ngu Memfis e yad bbalyang. Yad e susun e yad e ngar pow’iyed e nam, machane ka ra olobochiyed.

Jeremiah 46:14

“Mu weliy u lan e yochi binaw nu Egypt, ngu lan yu Migdol, ngu Memfis, ngu Tahpanhes: ‘Mu fal’eged rogomed ngam ayuwegned gimed; ya gubin e tiromed ban’en ni bay ni gathay u fithik’ e mael!

Ezekiel 29:11

Dariy ba girdi’ ara ba gamanman nra yan u rom. Aningeg i ragag e duw ni dakriy ban’en nra par u rom.

Ezekiel 29:12

Bay gu gagiyegnag yu Egypt nge par ni ireram e re nam ni th’abi kireb u lan e fayleng. Aningeg i ragag e duw nra par e binaw nu Egypt nike kireb, nib gel e kireb riy ko yug binaw. Bay gu gagiyegnag yu Egypt ngar milethaygad. Bay ra milgad nga gubin e nam ngar pired u fithik’ yug boch e girdi’.”

Hosea 9:6

Nap’an nra yib e riya’ me wear e girdi’, me yib piyu Egypt ngar kunuyedrad — ngar k’eyagedrad u Memfis! Machaf rorad ni silber nge yungi n’en ni immoy taferad riy e bayi mogoth nge sug ko pan ni bay e rachangal riy.