Jeremiah 46:12 - Bible Ni Thothup

¹² Ke rung’ag e pi nam e tamra’ ni kam ted; ke rung’ag gubin e girdi’ e meyor romed. Be paraw reb e salthaw rom nga daken reb, kar aw gow nga but’ ni yow l’agruw.

Jeremiah 46:12 Referans Kwoze

Jeremiah 46:6

Pi’in kemus payingrad ko mil e dariy e gin yad ra yan ngay; fapi salthaw e dab kiyag e mil rorad. U lan lel’och u charen e lul’ nu Eufrates, me tun ayrad ngar dol’gad.

Jeremiah 14:2

“Yu Judah e ke parnag e meyor; pi binaw riy e ke fengfeng, girdi’ riy e ka ra thig gad nga but’ u fithik’ e gafgowan’, ma yu Jerusalem e yad be yornag e ayuw ngalang.

Isaiah 19:2

Be ga’ar SOMOL, “Bay gu k’aring e mael u lan yu Egypt me cheal e walag ko walag ngu’ur togopluw gow ngorow me togopluw e buguliyoror ko buguliyoror. Pi binaw e bay ur chamgad ngorad, nge pi pilung ni yab ba to’ogor e bay u ra lu’aged e en nge sorok.

Zefaniah 1:10

Be ga’ar SOMOL, “Rofen nem e bay mu rung’aged laman e tolul nge mayor nib ga’ laman ko fare Garog ni Nig fithngan u Jerusalem, ngu lan fa gin’en ni kafin ni ngongliy u lan fare binaw. Ma bay mu rung’aged lungun e go’go’ u lan bang ni kafin ni ubung ko fare binaw nge ba lingan e parde’ u lan e yochi burey.

Jeremiah 51:54

Be ga’ar SOMOL, “Motoyilgad nga laman e meyor u Babylon, ni yibe duloloy’nag fare riya’ nike aw ngalan e re nam nem.

Jeremiah 49:21

Nap’an nra mul yu Edom, ma ra rur e fayleng ni ga’ngin nga lingan, mra taw laman e meyor ko fare Nguy nu Aqaba.

Jeremiah 48:34

“Girdi’ nu Heshbon ngu Elealeh e be yor ngalang, ni yira rung’ag lamrad nga Jahaz; ma ku ra rung’ag e girdi’ nu Zoar, ma ku aram rogon nga Horonaim ngu Eglath Shelishiyah. Mus ko lul’ nu Nimrim ma ke mlik.

Isaiah 10:4

Bay ni li’med ngam m’ad u fithik’ e mael ara ni girngiymed i yan ni gimed ba kalbus. Ma damumuw rok SOMOL e daworimus; ma pa’ e bayi par ni ka ba k’iy ni nge gechig.

1 Samuel 5:12

Mus ngak e pi’in ndar m’ad ni for e bir u dowrad, me wenig e girdi’ ko pi got rorad ni ngar ayuweged yad.

Isaiah 24:11

Girdi’ e be tolul u lan e yupa’ i kanawo nib ga’ ni bochan e wayin ni dakuriy. Felfelan’ e ke chuw ni dabki sul bi’id; ya kan chuweg u daken fare binaw.

Jeremiah 2:36

Kam mom nigem ko pi got u boch e nam. Bayi kirebnag piyu Egypt lanin’um, ni bod ni rin’ yu Assyria ngom.

Jeremiah 47:2

I ga’ar: “Mu changargad! Ke puw ngalang u lane lel’och nib machrag ni bayi sugbur ni bod e lul’. Bayi tharay e binaw nge gubin ban’en u daken, nge pi binaw nge girdi’ nma par riy. Girdi’ e bay ra tolul niged e ayuw; me yor nib gel gubin e girdi’ u daken e fayleng.

Jeremiah 50:46

Nap’an nra thay pa’ yu Babylon, ma bay ba lingan riy nra rurug e fayleng, ma lungun e meyor e yira rung’ag ko tin ba’aram e nam.”

Nahum 2:5

Ke yan e pong ko tayugang’ ko salthaw, yad be athamgiliy i dol’dol’nag e yan nga m’on. Pi’in karbad nni cham e ra gur niged yad ko fare yoror ngarbad ra suweged e shield ngalang ni nge yororiyrad ko buthyoror.