Jeremiah 46:10 - Bible Ni Thothup

¹⁰ Irera’ e rran rok SOMOL ni Th’abi Tolang ma Gubin ma Rayag Rok: daba’ e nge fulweg taban e kireb; daba’ e nge gechignag e pi to’ogor rok. Saydon rok e nge longuyrad nge taw ko ngiyal’ nike fos, me unum e racha’ rorad nge taw ko ngiyal’ nike chum’er. Daba’ e En Gubin ma Rayag Rok e nge pi’ ni maligach gubin e pi’in ke gel ngorad u lan e lel’och u charen e lul’ ni Eufrates.

Jeremiah 46:10 Referans Kwoze

Deuteronomy 32:42

Pi gan e gat’ing rog e bay i lul’ racha’rad riy, ma saydon e bayi thang e pogofan rok urngin e pi’in ur togopluwgad ngog. Dariy ta’abe’ ni i cham ngog ni gu ra pag, mus ko pi’in kar maad’adgad nge pi’in kan kolrad ko mael ni yad ra yim’.’

Joel 1:15

Birok SOMOL e rran e ke chugur; fa’anem ni Gubin ma Rayag Rok e bayibnag e riya’. Ba ga’ ba marus ni yira tay e rofen nem!

Jeremiah 46:2

ni tabab u Egypt. Irera’ e n’en ni yog ni murung’agen e salthaw rok Neko ni Pilung nu Egypt, ni ba’aram ni gel Nebukadnezzar ni Pilung nu Babylon ngorad u Karkemish u che ren fare lul’ ni Eufrates u lan e bin aninged e duw nike pilung Jehoyakim u Judah:

Jeremiah 46:6

Pi’in kemus payingrad ko mil e dariy e gin yad ra yan ngay; fapi salthaw e dab kiyag e mil rorad. U lan lel’och u charen e lul’ nu Eufrates, me tun ayrad ngar dol’gad.

Luke 21:22

Ya ireray e ‘Pi Rran ko Gechig,’ ya nge yib i dag nib riyul’ urngin e tin keyog e babyor nib thothup.

Joel 2:1

Ngan thoy e yabul u lan yu Zion; ni fare burey nib thothup rok Got. Gimed e girdi’ nu Judah mu t’on gad, ya fare rran rok SOMOL e ke chugur.

Jeremiah 51:6

Mmilgad ngam chuwgad u Babylon! Mmil niged e pogofan romed! Dab mmad’ ni bochan e denen nu Babylon. I Gag e chiney e nggu fulweg taban e kireb nga Babylon ni nggu gechignag ni rogon nib m’ag ni nge aw ngak.

Jeremiah 50:15

Mu gafaliyed e mael u wuru’ e re binaw ney ni ga’ngin! Chiney e kan kol yu Babylon. Pi yoror riy e kan buthug nga barba’ ma kan tet’ar nga but. Aram e kug fulweg taban e kireb ngorad. Re mu gafgow nigedyad, ni bod rogon ni ur rin’ed ngak boch e girdi’.

Isaiah 63:4

Ya gu turguy ni ngiyal’ ni nggu ayuweg e girdi’ rog e ke taw; ya ke taw nga nap’an ni nggu gechignag e pi to’ogor rorad.

Isaiah 13:6

Mu gel’gel’ naged e amith! Ya rran rok SOMOL e ke chugur, rofen ni En ni Gubin ma Rayag Rok e nge girengiy e riya’ i yib.

2 Kings 24:7

Fare pilung nu Egypt nge salthaw rok e dakuriy bi’id nra maelgad nga wuru’ yu Egypt, ni bochan e aram e ke milfan ngak e pilung nu Babylonia urngin yang e yungi binaw ni immoy nib milfan ngak yu Egypt, ni mus ko fare Lul’ ni Eufrates me yan i mada ko mathil rok yu Egypt ko lel’och.

Isaiah 61:2

Ke l’ugeg ni nggog nike taw nga nap’an ni nge chuweg SOMOL e girdi’ rok u pa’ e to’ogor rorad, me waer e pi to’ogor rorad. Ke l’oegeg ni nggu fal’eg laniyan’ urngin e girdi’ nike gafgow lanin’rad.

BABYOR NI JOB 24:1

Mangfan nder duwgiliy Got ngal’an e pufthin, ni reb e rran ko pufthin ni fan ko pi’in yad ma pigpig ngak?

Isaiah 31:8

Assyria e bay ni m’ag e mael ngay ngan kirebnag, machane gathi gelngin e girdi’ e bayi gagiyegnag nge yodorom. Yu Assyria e bay ra milgad ko mael, ma pi pagel rorad e bay ni fekrad ni ka ra manged sib.

Jeremiah 12:12

Ke yib e girdi’ daken gubin e yungi ted ni desert nib tolang ngalang ni ngar mogothgothgad. Ku gu pi’ e mael ni nge gathay ga’ngin fare nam; dariy be’ riy ni be par u fithik’ e gapas.

Jeremiah 46:14

“Mu weliy u lan e yochi binaw nu Egypt, ngu lan yu Migdol, ngu Memfis, ngu Tahpanhes: ‘Mu fal’eged rogomed ngam ayuwegned gimed; ya gubin e tiromed ban’en ni bay ni gathay u fithik’ e mael!

Jeremiah 50:18

Bochan e ran’ey, ma aram fan ni Gag SOMOL ni Gubin ma Rayag Rok, ni fare Got nu Israel, e bay gu gechignag Nebukadnezzar ni Pilung nge nam rok, nri bod rogon ni gu gechignag e pilung nu Assyria.

Ezekiel 21:28

“Fak e girdi’, mu yi’iy. Mu weliy ko girdi’ nu Ammon e n’en ni gu be yog, I Gag SOMOL ni Th’abi Tolang, yad be dariyfan nag yu Israel. Ere mu ga’ar ngorad: ‘Ba saydon e ke fal’eg rogon ni nge cham; Kan gichiy ni nge mathang pogofan, nge mat ni bod e uluch.

Zekariah 6:6

Fare chariot ni be girengiy fapi os nib talmor e ra sorgad ko lel’och nga Babylon, ma fa tinem e os nib wech e ra sorgad ko ngal, ma fa tinem e os nib wupwupnun’ e ra sorgad ko fare nam ni bay ko yimuch.

Isaiah 2:12

Rofen nem e SOMOL ni Gubin ma Rayag Rok e bayi sobut’nag e pi’in ba gel gelngirad, nge gubin e pi’in tolngan’ nge ufanthin.