Jeremiah 44:27 - Bible Ni Thothup

²⁷ Bay gguy ni nge par ni dab kum man’ogad, ma bay ni thirifmed u but’. Gimed gubin ni bay m’ad, ni de muduwgil ko ngam m’ad u fithik’ e mael ara liliy, nge taw ko ngiyal ni dakriy bigmed nike magach.

Jeremiah 44:27 Referans Kwoze

Jeremiah 31:28

Ma rogon ni gu tayan’ug i pug ngalang, mu gu buthug, mu gu thirifrad u but’, mu gu kirebnag, mu ggiliwnag, e aram rogon ni bay gu yung mu gu sul nggu fal’eg rogon.

Jeremiah 1:10

Daba’ e ku gu pi’ gelngim ni ngam gel ko pi nam nge yungi ban’en nra reb e pilung ma be gagyegnag bang, ni ngam pug ngalang ma ga buthug, ma ga kirebnag ma ga chuweg, ma ga ubung ma ga yung.”

2 Kings 21:14

Ma pi’in yad ra magey ndab ram’ad e gu ra digeyrad, bay gu pi’rad nga pa’ e pi to’ogor rorad, ni bay ra gelgad ngorad ngar feked u yargal e tin bay u daken e nam rorad.

Ezekiel 7:6

Kema’ ni gubin. Irera’ e tungun. Kam mu’ gad.

Jeremiah 44:18

Machane aram n’umngin nap’an i yib ni kug talgad i pi’ e maligach ngak fare Queen nu Tharmiy, nge wayin ni gamad be pu’og nib maligach ngak, ma dakriy ban’en romad, ma be yim’ e girdi’ romad u tan e mael nge uyngol.”

Jeremiah 44:12

Ta’reb i ta’ ko girdi’ nu Judah ni magach ni kar turguyed ni ngaranod nga Egypt ngar pired u rom, bay gup owcheg ngorad ni yad gubin ni dabisiy ni ngan thang e pogofan rorad. Yad gubin e pi’in ntolang nge tin nib sobut’, ni go’ yad ra yim’ u lan yu Egypt, ni de muduwgil ko mael e yad ra yim’ riy fa uyngol. Ra tamdag ya’arad; girdi’ e bay i moning nagrad me par fithingrad nike mang ba yaba’.

Jeremiah 21:10

Ku gu mu’ i turguy u lanin’ug ndab kug digey e re binaw ney, ya nggu kirebnag. Bay ni pi’ nga pa’ e pilung nu Babylon, nge urfiy nga but’. I Gag SOMOL e gu be non.”

Jeremiah 9:16

Mu gu weregrad ko pi nam i yan, ni bogi nam ni yad nge pi chitamangirad ni kakrom e dawor rrung’aged murung’agen; ma bay gu pi’ yu raba’ i salthaw ngi i cham ngorad nge yan i mada’ ko ngiyal’ ni kug thirifrad u but’.”

Jeremiah 39:16

“Mman ngamog ngak Ebedmelek ni be’ nu Ethiopia ni SOMOL ni Gubin ma Rayag Rok, ni fare Got nu Israel e be ga’ar, “Ri bod rogon ni gog, nggu fek nga daken e re binaw ney e riya’ ma gathi fla’ab, ma nap’an nra buch e ran’ey, ma ga bay u rom ni ngam guy.

Jeremiah 42:16

ma mael ni gimed be tamdag ngay e ra yib ngomed u rom, ma uyngol e bay i lekmed ma gimed ra yim’ u rom u Egypt.

Jeremiah 44:13

Bay gu gechignag e pi’in yad ma par u Egypt, nri bod rogon ni gu gechignag yu Jerusalem — ko mael, nge uyngol, nge liliy.

Jeremiah 44:14

Dariy reb e girdi’ nu Judah ni magach ni yib nga Egypt ni nge par u rom nrayag ni mil fa par nib fos. Dariy bagyad ni ku ra sul nga Judah, ko gin karmad’ ni bochan ni ngkur pired riy bayay. Dakriy be’ ni ku ra sul kemus ni’in i yad.”

Ezekiel 5:12

Ba guruy u dalip guruy ko girdi’ rom e bay i yim’ ko m’ar nge bilig u lan binaw; ma ba guruy u dalip guruy e bay ni th’abrad nga but’ ko saydon u wuru’ fare binaw; ma bay gu wereg e guruy ni wuriyel nga fithik’ e nifeng mu gu tulufrad ko saydon.

Daniel 9:14

Gur SOMOL ni Got romad e mpar ni kam fal’eg rogom ni ngam gechig nagmad, ma ga rin’, ya gubin ban’en ni ga ma rin’ e bmat’aw, ya gamad e da gu folgad ko tin mog.

Amos 9:8

I gag SOMOL ni Th’abi Tolang e ku gup’ owcheg ngak girdi’en e nam nu Israel ni yad be denen, bay gu thirifrad u daken e fayleng. Machane dab gu thirif urngin e pi’in owchen Jakob.

Jeremiah 9:15

Ere mu telmed ko tin bay gu rin’ I Gag fare SOMOL ni Gubin ma Rayag Rok, ni gag fare Got nu Israel. Bay gu pi’ ngak e tirog e girdi’ e woldug nib mo’oy ngar ked, nge ran ni bay e yub riy ngar unumed.