Jeremiah 44:23 - Bible Ni Thothup

²³ Re riya’ e aw ngomed ni bochan e gimed be pi’ e maligach ngak yug boch e got ma gimed be denen nib togopluw ngak SOMOL ni damur folwokgad u gubin e tin ke ta’chiylen.”

Jeremiah 44:23 Referans Kwoze

1 Kings 9:9

Ma bayi fulweg boch e girdi’ ni nge lungrad, ‘Bochan e n’ag e girdi’ ko re nam ney SOMOL ni Got rorad, ni ir e fek pi chitamangirad ni kakrom nga wuru’ e nam nu Egypt. Ra chelgad ngak yugu boch e got ngu ur ted farad ma yad be pigpig ngorad. Aram fan nike girengiy SOMOL e re riya’ ney nga dakenrad.’”

Psalms 119:150

Pi kireb ni tama’adaw rog e karbad ni kar chuchugurgad, ni girdi’ ni dariy e ngiyal’ ni yad ma tay e motochiyel rom u gil’.

Nehemiah 13:18

Ri irera’ fan ni gechignag Got e pi ga’ romed kakrom nnap’an nni fek e riya’ i yib ngalan e re binaw ney. Ma ke chiney maki gimed be suruy nangki fek Got boch e damumuw rok nga daken yu Israel ni bochane gimed be alitnag e Sabbath.”

2 Korinth 6:16

Ra di’in me ta’reban’ e Tempel rok Got ko pi liyos nma meybil e pi’in ndar nanged Got ngay? Ya gadad e Tempel rok Got, ni Got ni be par nib fos! Ni bod rogon ni fa’ani keyog Got nike ga’ar: Bay gu wan gu par ngorad ngu’ug wan u fithik’rad, bay gu mang Got rorad, miyad mang girdi’eg.

1 Korinth 10:20

Danga’! N’en ni gu be yog e aram e n’en ni ka ni pi’ ni maligach u daken e altar rok e pi’in ndar nanged Got e ka ni pi’ ngak e pi mo’onyan’, ma gathi ngak Got. Ma dabug ni ngam manged e pi mo’onyan’ ngabang.

Lamentations 1:8

Bugwan ni bfel’ e ke chuw rok; dakriy e upong u daken ke thiyer. Be gel’gel’ nike mithag owchen ko tamra’. Yu Jerusalem e ke alitnag ir ko denen rok nib tinowey.

Jeremiah 44:21

“Fapi maligach ni gimed ma pi’ nge pi chitamangimed, nge pi pilung romed nge pi tayugang’ romed, nge girdi’ ko fare nam ni yad ma pi’ ni maligach u lan fa yochi binaw nu Judah ngu lan e yupa’ i kanawo’ u Jerusalem — e gimed be leamnag ni SOMOL e de nang murung’agen fa ke pag talin?

Jeremiah 44:18

Machane aram n’umngin nap’an i yib ni kug talgad i pi’ e maligach ngak fare Queen nu Tharmiy, nge wayin ni gamad be pu’og nib maligach ngak, ma dakriy ban’en romad, ma be yim’ e girdi’ romad u tan e mael nge uyngol.”

Jeremiah 44:8

Mangfan ni gimed be k’aring e damumuw ngog ko tayfan ni gimed be tay ko pi liyos nge maligach ngak yug boch e got u roy u lan yu Egypt, ni aram e gin ni kambad mu pired ngay? Ri gimed be rin’ e ran’ey ni bochan e ngam kireb niged gimed, nge gubin e nam nu roy u fayleng mi i moning nagmed me par fithinganmed nike mang ba yaba’?

Jeremiah 40:3

are chiney e ke rin’ e n’en nni yog nra rin’. Ke buch gubin e pin’ey ni bochan e girdi’ rom ni yad be denen nib togopluw ngak SOMOL ma darir folgad rok.

Psalms 119:155

Rogon ni ngan mat’aw e ba palog rok e pi’in kireb e leam rorad, ni fan e darir folgad ko motochiyel rom.

Psalms 78:56

Machane kur pired ni yad be togopluw ngak Got ni Gubin ma Rayag Rok ma yad be sikengnag. Tin ni i yog e darir folgad riy,

2 Kronicles 36:16

Machane ur moning niged e pi tamol’og rok Got, ngu’ur feked yathin e pi thin rok ma yad be minmin ko pi profet rok, me munmun ma kari gel e damumuw rok SOMOL ko girdi’ rok ni dakiyag nrathaygad ko damumuw rok.

Psalms 78:10

Dar ayweged fare m’ag u thilrad nge Got; mra siyegned ni ngar folgad ko motochiyel rok.

Psalms 119:136

Lu’ rog e be map’ nga but’ ni bod ba lul’, ni bochan e der fol e girdi’ ko motochiyel rom.

Jeremiah 26:4

Me yog SOMOL ngog ni nge lungug ko pi girdi’ nem, “I Gag SOMOL e kugog ni thingar mu folgad rog ngam rin’ed e tin kug machibnag ngomed.

Jeremiah 44:2

I SOMOL ni Gubin ma Rayag Rok, ni fare Got nu Israel e ga’ar, “Gur ma ka mu guy fare riya’ ni gu fek nga daken yu Jerusalem nge gubin e pi binaw nu Judah. Kemus ko chiney ma kab mogothgoth ni dariy be’ nma par u langgin e pi binaw nem

Jeremiah 44:3

ni bochan e girdi’ riy e i rin’ e kireb nge k’aring e damumuw ngog. U ra pi’ed e maligach ngak yug boch e got mu’ur pigpig gad ko pi got ni dariy bagyad fa bigmed ara reb e pi chitamangimed ni i meybil ngorad.

Jeremiah 44:10

Ma ke mada’ ko biney e rran ma dawor mu sobut’ niged gimed. Damur liyorgad ngog fa mu falwokgad ko pi motochiyel ni gu pi’ ngomed nge pi chitamangimed.

2 Kings 17:15

Miyad siyeg ni ngar folgad ko pi gafal rok, miyad pi’ keru’rad ko fare m’ag ni ngongliy SOMOL u thilrad e pi chitamangirad kakrom, miyad sabalbalyang ko pin’en ni be ginangrad riy. Mu ur tedfan e pi liyos nib m’ayfan ngki m’ayfarad, miyad un nga yalen e pi nam ni bay u to’obrad i yan, ni da ku ra folgad ko n’en ni yog SOMOL ngorad ni ngar folgad riy.

Daniel 9:13

Ke yib ngomad urngin fapi gechig ni bay murung’agen u lan e Motochiyel rok Moses. SOMOL ni Got romad, mus ko chiney ma dawor gu guyed rogon ni nggu pi’ed keru’mad ko denen ni gamad be rin’ nggu warod nga lanin’um ara gu folgad ko tin kamog ni aram e tin nib riyul’.