Jeremiah 43:4 - Bible Ni Thothup

⁴ Ere Johanan nge fapi tolang ko salthaw nge fapi girdi’ e dar folgad ko tin ke tay SOMOL chiylen ni ngar pired u lan fare binaw nu Judah.

Jeremiah 43:4 Referans Kwoze

Jeremiah 44:5

Machane da um motoyilgad ara mu folgad riy. Dariy e ngam paged e ngongol romed ni kireb ko maligach ni gimed be pi’ ngak yug boch e got.

Psalms 37:3

Um par ni SOMOL e ke pagan’um ngak ma ga rin’ e tin ni bfel’; mu’um par u daken e nam rom u fithik’ e gapas.

2 Kronicles 25:16

Dawori mu’ fare profet ko numon me ga’ar Amaziah, “Mog wu’in e kan tem ni gur e tafonow rok e en pilung? Mu tal ko welthin, fa ngugog ngan li’em nga mum’!” Me tal fare profet ko welthin nga tomuren nike ga’ar, “Aram e kugnang e chiney nike turguy Got ni nge thirifem u but’ ni bochan e ka mu rin’ urngin e pin’ey ma ka mu fek yathin e fanow rog.”

Eklesiastes 9:16

Yigguma yog ni gonop e kabfel’ ko yargel, machane dariy be’ nma leamnag ni be’ nib gafgow e ba gonop ara ni motoyil ko n’en ni be yog.

2 Kings 25:26

Ma aram me mil urngin e girdi’ nu Israel ngranod nga Egypt, ni tin ntolang nge mada’ ngak e tin nib gafgow nib mu’un e pi tolang ko salthaw ngorad, ya kar rusgad ngak e girdi’ nu Babylonia.

Jeremiah 41:16

Ma aram e Johanan nge fapi tolang ko salthaw e ra ayweged e pi salthaw, nge ppin, nge bbitir, nge eunuch ni fapi girdi’ ni chuwegrad Ishmael u Mizpah nge fekrad ni kalbus u tomuren nni thang e fan rok Gedaliah.

Jeremiah 42:8

Ma aram mu gu pining Johanan nge gubin fapi tolang ko salthaw ni yad bay rok, nge gubin fapi girdi’ nga ta’bang.

Jeremiah 42:21

Ma are chiney e kugog ngomed, ma damur folgad u gubin e tin ni l’ogeg SOMOL ni Got rodad ni nggog ngomed.