Jeremiah 4:24 - Bible Ni Thothup

²⁴ Gu sap ko pi burey ma be rur, ma yochi burey e be thigthig.

Jeremiah 4:24 Referans Kwoze

Ezekiel 38:20

Urngin e nig nge arche’, nge urngin e gamanman ni tin nib ga’ nge tin nib achig, nge urngin e girdi’ u daken e fayleng ni bayi t’on ko marus ngog. Pi burey e bayi puth nga but’, bayi muchbu’ e yung i pe’rech, ma gubin e yung i rungrung ni bayi m’ing nga but’.

Jeremiah 10:10

Machane gur SOMOL, e gur e bin rriyul’ e Got, ni gur fare Got nib fos ni pilung ni manechibog ko pi chibog. Gur e nap’an ni ga ra damumuw, me rur e fayleng; ni dabiyag ni nge lubeg e pi nam e damumuw rom. (

Isaiah 5:25

I SOMOL e ke damumuw ko girdi’ rok ma ke k’iyag pa’ ni nge gechig nagrad. Pi burey e bayi rur ma downgin e pi’in karm’ad e bay nn’ag ni bod e dow u lan e pi kanawo’. Yug aram rogon ma damumuw rok SOMOL e dawori mus, ya ka be par pa’ nib k’iy ni nge gechig.

Mikah 1:4

Ma bay i ranran e burey u tan e rifrif u ay ni bod e kindel u mit e nifiy; ni map’ ngalan e pi loway ni bod e ran ni be lul’ u daken e burey.

Psalms 97:4

Uluch rok e be gal’ e fayleng; me guy e fayleng me t’on.

Psalms 18:7

Ma aram me yib e durru’ nge rur e fayleng; ma enggin e pi burey e rur ma be dada’, ni bochan e ke damumuw Got.

1 Kings 19:11

Me ga’ar SOMOL ngak, “Mman nga wean nga mub mu sak’iy nga p’eowcheg u p’ebugul e re burey ney.” Me yib SOMOL nge yan nib chugur ngak, me pi’ bangi nifeng nib gel nib gel nge yib nge rurug fare burey me bilbilig e war, machane de moy SOMOL u fithik’ e re gi nifeng nem. Me tal fa gi nifeng ndaki thow, me yib ba durru’, machane de moy SOMOL u fithik’ e re durru’ nem.

Habakkuk 3:10

Fa’ani guyem e pi burey miyad durru’; me map’ e ran u lanelang nga but’. Me chub lingan e ran u tan e but’, me puw e n’ew rorad nge tolang.

Habakkuk 3:6

Ra tal, me rur e fayleng; ra sap, me t’on e pi nam. Fapi burey nike kakrom e ke puth; ma yochi burey nike kakrom e ke aw nga but’, ni fa yochi burey ni i yan u daken kakrom.

Jeremiah 8:16

To’ogor rodad e ka ra tawgad ngalan e binaw nu Dan; gadad be rung’ag lingan e nifeng u peth’ngun e os rorad. Ga’ngin e binaw ni be t’on ko ngiyal’ ni be gogo’ e os rorad. Pi to’ogor rodad e karbad ni ngar gathayed tafadad nge gubin ban’en riy, nge binaw rodad nge girdi’ riy.”

Psalms 77:18

Lingan e dirra’ rom e malay nga but’, ma ram’en e uluch ni be matmat e gal’ e fayleng; me t’on nge rur e fayleng.

Revelation 6:14

Me yan lanelang nga bayang, ni gowa bangi babyor nni bichibichiy nge chuw, ma urngin e burey nge nam nib liyeg e day e nchuweg u tagil’.

Exodus 19:18

Ma fare Burey ni Sinai e ke ing e ath ni polo’, ni bochan e ke yib SOMOL u lang nga but’ nga daken u fithik’ e daramram. Me yan e ath riy ngalang ni bod e ath u ba tafen e nifiy, me rur fare burey nib almarin.

Jeremiah 9:10

Me gag Jeremiah e gu be ga’ar, “Bayi gafgowan’ug ko fapi burey, mu gu yornag e yungi tagil’ e abich ko gamanman; ya ke yim’ e pan riy, dakuriy be’ ni be milekag riy. Dakunir rung’ag laman e garbaw riy; arche’ nge gamanman ni malboch e kar milgad kar chuwgad riy.”

Isaiah 13:13

Bay gu rurug e pi tharmiy, me durru’ e fayleng nge chuw u tagil’ ko rofen ni ba’aram ni gu ra dag e damumuw rog, I Gag SOMOL ni Gubin ma Rayag Rok.

Isaiah 24:20

Fayleng e ra thigthig ni bod be’ nib ching, ni be un ko nifeng ni bod bochi ta’ang u tan e yoko’. Fayleng e ke tomalnag e pi denen; bayi aw nga but’ ni dakriy e ngiyal’ nra suwon.