Jeremiah 37:18 - Bible Ni Thothup

¹⁸ Ma aram mu gu fith nug ga’ar, “Be mang oloboch e kug ngongliy nib togopluw ngom, ara pi tolang ko salthaw rom, ara pi girdi’ ney ni er tapgin ni kam teg nga kalbus?

Jeremiah 37:18 Referans Kwoze

Acts 25:8

Machane me ayuweg Paul ir ni ga’ar, “Dariy ban’en nib kireb ni kug rin’ nib togopluw ko Motochiyel rok piyu Israel, ara Tempel, ara Emperor nu Roma.”

John 10:32

Me ga’ar Jesus ngorad, “Bo’or e ngongol ni bfel’ ni kug rin’ u p’eowchemed ni Chitamag e pi’ ngog ni nggu rin’; ere bin ngan u fithik’ e ngam malang niged gag ni bochan?”

Acts 25:25

Machane dawor gu pir’eg ban’en nike rin’ ni ir e ke yib tapgin riy nrayag ni nganog ni ngan li’ ngem’. Me ere bochan e ir e ke wenignag ir ni ngan pi’ nge yan ngak e en ni Emperor nu Roma ma aram e kug turguy ni nggu pi’ nge yan ngak.

Acts 25:11

Fa’anra kug th’ab e motochiyel ni kug rin’ ban’en nike yib tapgin ni ngan thang e fan rog ni bochan, ma dab gu wenignigeg ni nge dab nrin’ ngog. Machane fa’anra de riyul’ e pin’en ni karogned nib togopluw ngog, ma dariy be’ nrayag rok ni nge pi’eg nga pa’rad. Ere gu be wenig ni ngan pi’ e re pa’ i oloboch ney nge yan ngak e cha’ ni ir e Emperor nu Roma.”

Daniel 6:22

Got e ke l’oeg e engel rok ke yib i m’ag l’ugun fapi layon ndabiyag ni ngar rin’ed ban’en ngog. Ke rin’ ni aray rogon ya manang ndawor gu bucheg ban’en, nge bochan e dawor gu rin’ e kireb ngom i gur pilung.”

Galatia 4:16

Ere kug di’in e chiney u lanin’med? Kug mang to’ogor romed ni bochan e gu be weliy e tin riyul’ ngomed?

Acts 26:31

ma nap’an ni ka ranod miyad yog rorad ni be lungurad, “Re mo’on nem e dawori ngongliy ban’en ni gomanga ke yib tapgin riy ni ngan thang e pogofan rok ara ntay nga kalbus.”

Acts 24:16

Ere gu ma guy rogon ni gubin ngiyal’ ni ngu’ug par u p’eowchen Got nge girdi’ ndariy ban’en ni be magawonnag lanin’ug u puluwog.

Acts 23:1

Me changar Paul ngak girdi’en fare ulung me ga’ar, “Pi walageg! Rogon e ngongol rog u p’eowchen Got ke mada’ ko bin daba’ e rran e dariy ban’en riy ni be magawonnag lanin’ug.”

Jeremiah 26:19

Hezekiah ni ir e pilung nu Judah nge girdi’ rok e dar thanged e fan rok Mikah. Ya Hezekiah e yib madgun SOMOL ngak me guy rogon ni nge fel’ u wan’ SOMOL. Ma aram me thiliyeg SOMOL laniyan’ ko fare riya’ ni weliy ni bay girengiy nga dakenrad. Are gadad e chiney e ngad girngiyed e riya’ nib gel nga dakendad.” (

Proverbs 17:26

De fel’ ni ngan pag be’ ni bfel’ e rok nge bakking; fa’anra ni gechignag e pi’in ni bfel’ e rorad ma aram e kan dalibnag e n’en nib mat’aw.

Proverbs 17:13

Fa’an ga ra fulweg taban e fel’ ni kireb, ma dariy e ngiyal’ nra chuw e kireb u naun rom.

Genesis 31:36

Mada ki kadan’ Jakob ya ke damumuw me fith ni ga’ar, “Ba mang oloboch e kug rin’? Mang motochiyel e kug th’ab nike pi’ mat’awmed ni ngam tulfedgag?