Jeremiah 37:13 - Bible Ni Thothup

¹³ Ma fa’an gu taw ko fare garog ni Benjamin fithingan, ma bay ba pilungen e salthaw u rom nib mil fan ngak e salthaw ni be maruwel u rom, ni be’ nib mo’on ni Irijah fithingan, ni fak Shelemiah, ni Hananiah e tutuw rok, me talegeg me ga’ar ngog, “Kam finey ni ngam mil ngam man ngak e girdi’ nu Babylon!”

Jeremiah 37:13 Referans Kwoze

Zekariah 14:10

Fagi binaw ni ga’ngin ni mus u Geba ko lel’och, nge mada’ nga Rimmon ko yimuch e bay ni pacheg nge ta’reb foyen. Yu Jerusalem e bayi tolang ngak urngin e pi binaw nib liyeg. Fare binaw nu Jerusalem e tabab ko fare Garog ni Benjamin nge mada’ ko fare Garog ni Tabthung, ko fa gin ni immoy ba garog riy kakrom, miki yan ko fare Wulyang rok Hananel, nge mada’ ko fare n’en ni yima udiy e wayin rok e en pilung riy.

Jeremiah 38:7

Machane Ebedmelek, ni be’ nu Ethiopia, nib mo’on nib tolang nma maruwel u tafen e pilung e rung’ag ni kan nguchuruyeg ngalan fare luwed. Ma ngiyal’nem e aram e bay e en ni pilung ko garog ni Benjamin fithingan ni be puf oloboch.

Acts 24:13

Ara ra daged e mich ko tin be’er ni karogned e chiney nib togopluw ngog.

Acts 6:11

Ma aram miyad pi’ puluwon boch e pumo’on ni nge lungurad, “Kug rung’aged Stefen nike welthin nib togopluw ngak Moses nge ngak Got!”

Luke 23:2

ni aram e gin nra tababgad i togopluwnag e thin ngak ni be lungurad, “Kug pir’eged e re mo’on ney ni be yog e tin ni gathi ir ngak e girdi’ romad, be yog ngorad ni dab ra pi’ed e tax ngak e Emperor nu Roma ma be yog ni ir Kristus, ni ir ba pilung.”

Jeremiah 38:1

I Shefatiah nib mo’on ni fak Mattan, nge Gedaliah nib mo’on ni fak Pashur, nge Jukal nib mo’on ni fak Shelamiah, nge Pashur nib mo’on ni fak Malkiah e rrung’aged ni gu be weliy ko girdi’ ni

Jeremiah 21:9

Cha’ nra par u lan e binaw e yira li’ ko mael ara uyngol ara liliy. Machane cha’ nra yan nga wuru’ e binaw nge pag ir nga pa’ yu Babylon ni yad e chiney e yad be cham ko fare binaw, e ra par ni dab ni li; mra thay ko yam’ nge par nib fos.

Jeremiah 20:10

Gu ma rung’ag laman e girdi’ ni pire’ ni yad ma kathkath, ni be lungurad, “Gafgow nib gel e bay u gubin yang! Ere ngad eg niged e cha’nir ko pilung!” Mus ngak e pi’in nri gamad ba pach ni yad be sonnag ni yiggu thor. Be lungurad, “Sana rayag ni ngan bannag, me yag nda koled ngad fulweged taban ngak e tin ni be yog.”

Jeremiah 18:18

Ma aram me ga’ar e girdi’, “Marod ngad rin’ed ban’en ngak Jeremiah! Ya gubin ngiyal’ ni bay e pi prist ni yad ra fonow niged gadad, nge girdi’ nib gonop ni yad ra pow’iydad, nge pi profet ni yad ra weliy e thin rok Got ngodad. Ngad olobochgad ngak ma dab ku da motoyilgad ko tin be yog.”

2 Korinth 6:8

Kan tay famad ma kan n’ag famad; ma kanog e thin nib kireb ngomad ma kanog e sorok ngomad. Yibe finey ni gamad be lifith l’ugunmad, machane gamad be weliy e tin nib riyul’;

Amos 7:10

I Amaziah ni ir e prist nu Bethel e yan i ga’ar ngak Jeroboam ni ir e pilung nu Israel, “Fa’anem i Amos e be makath nigem ngak e girdi’ nu Israel. Welthin ni be tay e nge kirebnag e re nam ney.

Jeremiah 38:4

Me ga’ar e pi tolang ni yad bay u tan pa’ e en ni pilung ngak fare pilung, “Re mo’on ney e thingar nli’ ngem’. Ya ra i non ni aray rogon ma aram e be waernag e leam ko salthaw nu lan e re binaw ney, ma ku aray e n’en be rin’ ngak urngin e girdi’ nike magey u lan binaw. Re mo’on ney e gathi be guy rogon ni nge ayuweg e girdi’; kemus ni ba’adag ni nge gafgow nagrad.”

Jeremiah 36:12

Me yan nga tafen e pilung nga senggil rok fare tayol u tafen e puf oloboch, ni bay urngin fapi tolang riy ni yad be puruy’, ni aram Elishama ni ir e tayol u tafen e puf oloboch, nge Delayah nib mo’on ni fak Shemayah, nge Elnathan nib mo’on ni fak Akbor, nge Gemariah nib mo’on ni fak Shafan, nge Zedekiah nib mo’on ni fak Hananiah, nge urngin e tin ni kabay e tolang ni yad bay u rom.

Jeremiah 28:14

I SOMOL ni Gubin ma Rayag Rok, ni Got nu Israel e be yog ni bayi tay e mat’ ni wasay nga daken e pi nam ney ni bay ur pigpig gad ngak Nebukadnezzar ni Pilung nu Babylon. Ma SOMOL e keyog ni mus ko gamanman ni malboch mra gagiyegnag ngi i pigpig ngak Nebukadnezzar.”

Jeremiah 27:6

I gag e kug tay urngin e nam nga tan gil’ilungun e tapigpig rog, i Nebukadnezzar ni Pilung nu Babylon, ni mus ko gamanman ni malboch ni kug gagiyegnag ni ngu’ur pigpiggad ngak.

Jeremiah 20:2

me yog ni ngan toyeg mi ni m’ageg ko chen u charen e bin talang e Garog ni Benjamin fithingan.

Lamentations 4:18

Gamad e mus ko yan u kanawo’ ma dabkiyag; ya to’ogor romad e yad be changar nagmad. Tiromad e rran e ke thumur; ke taw nga tol’mad.