Jeremiah 37:12 - Bible Ni Thothup

¹² Ma aram mu gu chuw u Jerusalem nggu wan ko gin tafen piyu Benjamin nggu fek e birog e f’oth ko binaw ni tafen e tabnaw rog.

Jeremiah 37:12 Referans Kwoze

Jeremiah 1:1

Re ke babyor ney e be weliy murung’agen e tin ni yog Jeremiah nge tin i rin’. I ir be’ nib mo’on ni fak Hilkiah, mi Hilkiah e ir reb fapi prist ko binaw nu Anathoth ni tafen Benjamin.

1 Thessalonika 5:22

mi gimed ta’med u orel rok urngin mit e kireb.

Matthew 10:23

Ma ngiyal’ ni yad ra gafgow nagmed riy u reb e binaw, e ngam milgad nga reb e binaw. Ya nggog ngomed, ndabiyag ni gimed ra mu’nag e maruwel romed u lan gubin e binaw nu Israel u m’on ko ngiyal’ nra yib e en ni Fak e Girdi’ riy.

Nehemiah 6:11

Mu gu fulweg ni lungug, “Gathigag fa miti girdi’ ni gu ma mil ngu’ug mith. Ga be leamnag ma gu ra yan gu mith ngalan e Tempel ni bochan e nggu ayuweg e pogofan rog? Dab gu rin’.”

1 Kronicles 6:60

Mu lan fa gin tafen e Benjamin e ni pi’ e tin ba’aray e binaw riy ngorad nib mu’un yungi flang ngay ntagil’ e chugol gamanman: Geba, Alemeth, ngu Anathoth. Ma aram me yan i gaman e ragag nge dalip e yochi binaw ni fan ngak urngin e pi tabnaw rorad ni ngar pired riy.

1 Kings 19:9

Me yan ngalan ba yiy u rom nge par riy e re nep’ nem. Me gin nike ga’ar SOMOL ngak, “Elijah, mang e ga be rin’ u roy?”

1 Kings 19:3

Me rus Elijah, me mil nike milnag e pogofan rok; me un fare tapigpig rok ngak ngranow nga Beersheba ni bay u lan yu Judah. Me pag fare tapigpig rok u rom,

Jeremiah 37:11

Me mal’af e salthaw nu Babylon u Jerusalem ni aram e yad be sul nga tomur, ya be yib e salthaw rok Farao.

Psalms 55:7

Gu ra changeg nga bang nib palog, ngu ngongliy tafnag u daken e ted.