Jeremiah 36:4 - Bible Ni Thothup

⁴ Aram mu gu pining Baruk nib mo’on ni fak Neriah, mu gu weliy ngak urngin e pin’en nike weliy SOMOL ngak. Me yoloy Baruk ni gubin ngalan bangi babyor ni yima bachiy.

Jeremiah 36:4 Referans Kwoze

Jeremiah 32:12

ngu pi’ ngak Baruk, nib mo’on ni fak Neriah nib mo’on ni fak Mahseyah. Gu pi’ e gal yang i babyor nem ngak u puluwon mit Hanamel nge pi’in rsayin gad ngay ni mich riy ni kug chuw’iy e flang u p’eowchen e pi pumo’on ni kar pired nga but’ u rom u lan e yoror.

Ezekiel 2:9

Mu gguy ba pa’ef ni kan k’iyag ngog ni bay bangi babyor riy ni ka ni bachiy.

Jeremiah 36:32

Ma aram mu gu fek bang e babyor ni yima bachiy nggu pi’ ngak Baruk ni tayol rog, me yoloy ngay urngin e thin ni gog ngak. I yoloy urngin e thin ni immoy u lan fare gi babyor nsom’on, nge ku boch e thin nib chugur fan ngay.

Jeremiah 43:3

Baruk nib mo’on ni fak Neriah e ke k’aring lanin’um ni ngam togopluw ngomad, ya nge gel piyu Babylon ngomad nrayag ni yad ra li’mad fa ra feked gamad ni kalbus nga Babylon.”

Roma 16:22

I gag Tertius, ni gag e gu yoloy e gi babyor ney e gu be yog u daken Kristus ni nge felan’ Got ngomed.

Zekariah 5:1

Gu sap bayay, ma aram mug guy bang i babyor ni kan bachiy ni be changeg u fithik’ e nifeng.

Jeremiah 36:28

ni ngkug fek bang e babyor ni yima bachiy nggu yoloy ngay gubin e tin immoy ko gin som’on e babyor.

Jeremiah 36:26

Ma aram me l’oeg I Jerahmeel nib mo’on ni fak nge Serayah nib mo’on ni fak Azriel nge Shelemiah nib mo’on ni fak Abdeel, ni ngar koled gag nge tayol rog i Baruk. Machane SOMOL e ke mithag mow.

Jeremiah 36:23

Yug nap’an e ra mu’ Jehudi i be’eg dalip ara aningeg guruy ko fare babyor, me fek fare pilung bochyang i yar nge th’ab yu guruy nem nge yin’ nga mit e nifiy. Aram e n’en ni i rin’ ngay nge mada’ ko ngiyal’ nike urfiy ga’ngin fare gi babyor ni yima bachiy.

Jeremiah 36:21

Ma aram me l’oeg fare pilung Jehudi ni nge yan i fek fare gi babyor. I yan i fek u senggil rok Elishama nge be’eg ngak fare pilung nge gubin fapi tolang ni yad ba sak’iy u to’oben.

Isaiah 8:1

I SOMOL e ga’ar ngog, “Mu fek bangi n’en ni ba ga’ yang ni yima yol nga daken ngam yoloy e yol ni ba ga’ ngay ni be ga’ar: ‘Fek Chugom u Fithik’ e Yargal nib Machreg.’

Jeremiah 25:13

Bay gu gechignag piyu Babylon u urngin fapi riya’ ni u gog u l’ugun Jeremiah ni nggu fek nga daken e pi nam — gubin e riya’ ni kan yoloy ngalan e re ke babyor ney.

Jeremiah 30:2

e ga’ar ngog, “Mu yoloy ngalan e babyor urngin e tin kugog ngom,

Jeremiah 36:6

Machane gu ba’adag ni ngam man ngaram e yay ni migid ni ngan pag e abich. Ma ngam be’eg nib ga’ lungum, ya nge yag ni ngar rung’aged gubin tin keyog SOMOL ngog kugog ngom kam yoloy. Ngam be’eg ko gin nra rung’ag gubin e girdi’ riy, miki rung’ag e girdi’ nu Judah ni karbad ko fayochi binaw.

Jeremiah 36:14

Me l’oeg fapi tolang Jehudi nib mo’on ni fak Nethaniah, nib mo’on ni fak Shelemiah, nib mo’on ni fak Kushi ni nge yog ngak Baruk nge fek i yib ngorad fare gi babyor ni yima bachiy ni ir e ke be’eg e thin riy ngak e girdi’. Me fek Baruk fare gi babyor nge yan ngorad.

Jeremiah 36:27

Tomuren nike urfiy Jehoyakim fare babyor ni gog e thin riy ngak Baruk me yoloy, me yog SOMOL ngog

Jeremiah 51:59

Serayah e ir e ta’ayuw rok Zedekiah ni Pilung, i Serayah e be’ nib mo’on ni fak Neriah nib mo’on ni fak Mahseyah. U lan e bin aningeg e duw nike pilung Zedekiah u Judah, me un Serayah ngak nga ranow nga Babylon, mu gog boch ban’en ngak ni nge rin’.

Jeremiah 51:60

Kug yoloy ngalan e babyor gubin e riya’ nra yib nga daken yu Babylon, nge ku tin ba’aray ni murung’agen yu Babylon.

Daniel 7:1

Bin som’on e duw ni Belshazzar e pilung nu Babylon, e gag Daniel e gu lik’ay ni nep’ gguy ban’en u malik’ay rog; mu gu yoloy e re lik’ay rog nem nga babyor, ere ba’aray e tin ni gu yoloy nga babyor,

Isaiah 30:8

Got e yog ngog ni nggu yoloy ngalan ba ke babyor e n’en nib mrin’ e girdi’, ya ngi i par ni be micheg ferad kireb.