Jeremiah 36:10 - Bible Ni Thothup

¹⁰ Ma aram nap’an ni be motoyil urngin e girdi’, me be’eg Baruk u lan fare gi babyor urngin e pin’en ni gu weliy ngak. I be’eg u lan e Tempel u lan fare senggil rok Gemariah nib mo’on ni fak Shafan, ni ir e tayol u tafen e puf oloboch. Senggil rok e bay ko thal nilang u lan e yoror ko Tempel u to’oben langan e garog ni Garog ni Be’ech fithingan.

Jeremiah 36:10 Referans Kwoze

Jeremiah 36:11

Mikayah, ni be’ nib mo’on ni fak Gemariah me Shafan e tutuw rok, e rung’ag e tin ni be’eg Baruk ni bay u lan fare babyor ni yima bachiy ni thin ni SOMOL e keyog.

Jeremiah 52:25

Me fek be’ nib mo’on u lan e re binaw nem ni ir pilungen e salthaw, nge medlip i pumo’on ni yad ma puruy’ e en ni pilung ni ka yad bay u lan e re binaw nem, nge en nma ayuweg e en ni pilungen e salthaw, ni ir e mmil suwon babyoren e maruwel ko salthaw ngak nge nel’ i ragag i pumo’on ni tolang.

Jeremiah 26:10

Fa’ani rung’ag e pi’in yad ma yog e thin u Judah e n’en ni kan rin’, miyad yan u tafen e en ni pilung ngranod ra pired nga tagil’rad u langan e garog ko Tempel ni Garog ni Be’ech fithingan.

Jeremiah 36:25

I Elnathan, Delayah, nge Gemariah e u ra weniggad ko fare pilung ni dabi urfiy e re gi babyor nem, ma de fol rorad.

2 Samuel 8:17

I Zadok nib mo’on ni fak Ahitub, nge Ahimelek nib mo’on ni fak Abiathar e yow e prist; me Serayah e ir e tayol,

Jeremiah 36:8

Me be’eg Baruk e thin rok SOMOL u lan e Tempel nrogon ni gu weliy ngak.

Jeremiah 36:6

Machane gu ba’adag ni ngam man ngaram e yay ni migid ni ngan pag e abich. Ma ngam be’eg nib ga’ lungum, ya nge yag ni ngar rung’aged gubin tin keyog SOMOL ngog kugog ngom kam yoloy. Ngam be’eg ko gin nra rung’ag gubin e girdi’ riy, miki rung’ag e girdi’ nu Judah ni karbad ko fayochi binaw.

Jeremiah 35:4

mug fekrad I yan nga Tempel. Gu fekrad ngalan fare senggil rok pi gachelpen fare profet i Hanan nib mo’on ni fak Igdaliah. Re senggil ney e bay nga daken e birok Maaseyah e senggil nib mo’on ni fak Shallum, ni be’ nib tolang u Tempel, ma bchugur e re senggil ney ko fa tinem e senggil rok e tin kabay e tolang u rom.

Jeremiah 29:3

Mu gu pi’ fare gi babyor ngak Elasah nib mo’on ni fak Shafan nge Gemariah nib mo’on ni fak Hilkiah, ni pi’ row Zedekiah ni Pilung nu Judah ni ngranow ngak Nebukadnezzar ni Pilung nu Babylon. Gi babyor ney e ga’ar:

Jeremiah 26:24

Da ni pi’eg nga pa’ e girdi’ ngan thang e fan rog ni bochan e yib Ahikam ngi i ayuwegneg, nib mo’on ni Shafan e chitamngin.

2 Kings 18:37

Me guchthuy Eliakim nge Shebna nge Joah e mad rorad ni bochan e kari kireban’rad, miyad yan nga rogned ngak Hezekiah ni Pilung e thin nike yog fare pilungen e salthaw nu Assyria.

2 Kings 15:35

Machane de gathay fa yungi tagil’ e meybil rok e pi’in ndar nanged SOMOL, ma girdi’ e dar talgad i pi’ e maligach nge incense ni yad be urfiy u rom. I Jotham e ireram e cha’ ni ngongliy fare Garog ni Lel’och ko fare Tempel.

2 Samuel 20:25

Me Sheva e ir e tayol u kort; me Zadok nge Abiathar e yow e prist,

1 Kings 6:36

Mi ni ngongliy bang u m’on ko Tempel ni nge mang lan e yoror riy, mi ni rungrunguy nra ba thael e ren ni cedar ma dalip thael e malang me yan ni aram rogon i yan.

Jeremiah 43:3

Baruk nib mo’on ni fak Neriah e ke k’aring lanin’um ni ngam togopluw ngomad, ya nge gel piyu Babylon ngomad nrayag ni yad ra li’mad fa ra feked gamad ni kalbus nga Babylon.”

Ezekiel 40:38

U lan e ba’ ni wuru’ e yoror e bay boch reb e naun nib peth ko ba’ ni langgin e garog ko ba’ ni lel’och. Ni bmab ngalan fa gin yima yan riy nga nu’an nib sabliy fare yoror, ni aram e gin yima luknag e gamanman riy ni ngan orfeg ni kab polo’ ni maligach.

2 Kings 22:3

U lan e bin ragag nge meruk e duw ni Pilung Josiah, me l’oeg Josiah Shafan ni tayol rok, nib mo’on ni fak Azaliah nib mo’on ni fak Meshullam, nge yan nga tempel ni ga’ar ngak,