Jeremiah 36:1 - Bible Ni Thothup

¹ Re duw ni gamen e aningeg ngay nike pilung Jehoyakim nib mo’on ni fak Josiah u Judah, me ga’ar SOMOL ngak Jeremiah,

Jeremiah 36:1 Referans Kwoze

Jeremiah 25:1

U lan e bin aningeg e duw ni Jehoyakim nib mo’on ni fak Josiah e pilung u Judah, me thap e thin rok SOMOL ngog nib l’ag rogon ko girdi’ nu Judah. (Irera’ e re duw ni som’on nike pilung Nebukadnezzar u Babylon.)

Jeremiah 45:1

U lan e bin ni aningeg e duw nike pilung i Jehoyakim nib mo’on ni fak Josiah u Judah, me yoloy Baruk nga but’ e n’en ni gog ngak. Ma aram mu gog ngak

Jeremiah 35:1

Nap’an ni ba pilung Jehoyakim nib mo’on ni fak Josiah u Judah, me ga’ar SOMOL ngog,

2 Kronicles 36:5

Jehoyakim e rliw’ nge lal e duw yangren me mang pilung nu Judah, me gagiyeg u Jerusalem ni ragag nge ta’reb e duw. Me denen nib togopluw ngak SOMOL ni Got rok.

Jeremiah 25:3

“Ke non SOMOL ni kanpan e bin ragag nge dalip e duw nike pilung Josiah ni fak Amon u Judah nge mada’ ko daba’ ni aray e ke gaman rliw’ nge dalip e duw, ma dawor gu pag ni da gog ngomed e tin ni i yog. Machane damur motoyilgad.

Jeremiah 36:9

U lan e bi mereb e pul ko duw ni lal ni Jehoyakim nib mo’on ni fak Josiah e pilung nu Judah, me pag e girdi’ e abich ni gomang e runguyrad SOMOL. Re abich nem npag e gubin e girdi’ nma par u Jerusalem nge gubin e girdi’ nrabad e ngaram ko yochi binaw nu Judah.

Jeremiah 46:2

ni tabab u Egypt. Irera’ e n’en ni yog ni murung’agen e salthaw rok Neko ni Pilung nu Egypt, ni ba’aram ni gel Nebukadnezzar ni Pilung nu Babylon ngorad u Karkemish u che ren fare lul’ ni Eufrates u lan e bin aninged e duw nike pilung Jehoyakim u Judah:

Daniel 1:1

Re duw ni gaman e dalip e duw ngay nike pilung Jehoyakim u Judah, me yib Nebukadnezzar ni Pilung nu Babylon i m’ag e mael nga Jerusalem nge yin’ e re binaw nem nga longob.