Jeremiah 35:9 - Bible Ni Thothup

^9-10 Dagur dumow naun gad ni nggu tafaned — gamad ma par u tent— ma dariy tafi’imad grape, nge pi flang romad ara grain. Kug folgad u gubin e tin ni yog Jonadab ni ga’ romad kakrom ni nggu rin’ed.

Jeremiah 35:9 Referans Kwoze

1 Timothy 6:6

Liyor ni yima tay ngak Got e ri ra fel’ rogon be’ riy ni fa’anra kefel’ u wan’ e tin bay rok.

Jeremiah 35:7

Miki yog ngomad ni dab gu dumow naun gad ara gu wolduggad ko fare nam ara gu yunged e grape ara gu chuw’iyed. I ta’chiylen ngomad ni gubin ngiyal’ ni tent e ngu’ug pired riy, ya nge yag ni gu magachgad u daken e re but’ ney ni gin gamad be par riy ni bod e milekag.

Psalms 37:16

Chu’uw ni bay rok be’ ni bfel’ e kabfel’ boch ko machaf rok urngin e pi’in kireb;

2 Kings 5:26

Me ga’ar Elisa ngak, “Lanin’ug e immoy u rom ko fa ngiyal’nem ni log fare mo’on u chariot rok nga but’ ni ngam nonow. Gathi irera’ ngal’an ni ngan fek e salpiy, nge mad, nge yungi woldug ni olive nge yungi woldug ni grape, nge saf, nge garbaw, ara tapigpig.

Numbers 16:14

Ya gathi kam fekmad i yib ngabang i but’ nib yong’ol ara kam pi’ yuyang e flang ngomad nge woldug ni grape ni nggu fi’iyed. Ere mog, chiney e kag be guy rogon ni ngam ban nagmad? Dab gu bow!”