Jeremiah 35:2 - Bible Ni Thothup

² “Man ngak girdi’en fare ke girdi’ ni Rekab ngam non ngorad. Ma aram ma ga fekrad i yib ngalan fapi senggil ko Tempel ngam pi’ boch e wayin ngorad.”

Jeremiah 35:2 Referans Kwoze

1 Kronicles 2:55

(Yuke girdi’ ni ba’aray ni yad ba salap ko yol nge rogon i yoloy ya’an ban’en ni ur pired u lan yu Jabez: ni aram pi Tirath, Shimeath, nge Sukath. Yad e pi Kenite ni ur mabgolgad ko pi Rekabite.)

1 Kronicles 9:26

Pi’in tolang ko matnag e aningeg i Levite, ma yad e ba milfan urngin ban’en u rom ngorad. Ma ku yad e ba milfan e senggil u lan fare Tempel ngorad nge urngin e tin yima cha’riy u rom.

Ezekiel 40:16

Bay yoch yang i chabal ko rungrung u wuru’ gubin fapi senggil ma ku bay ko rungrung u thilin fapi senggil. Kan ker ya’an e gek’iy ni palm nga daken e rungrung u barba’ ngu barba’ e gin yima yan riy.

Jeremiah 35:8

Gu folgad u gubin fapi gafal ni pi’ Jonadab ngomad. Gamad e dagur unumed e wayin, ma ku arrogon pi le’engimad, nge pifakmad ni pumo’on nge ppin.

Jeremiah 35:4

mug fekrad I yan nga Tempel. Gu fekrad ngalan fare senggil rok pi gachelpen fare profet i Hanan nib mo’on ni fak Igdaliah. Re senggil ney e bay nga daken e birok Maaseyah e senggil nib mo’on ni fak Shallum, ni be’ nib tolang u Tempel, ma bchugur e re senggil ney ko fa tinem e senggil rok e tin kabay e tolang u rom.

Nehemiah 13:5

Me pag Tobiah ni nge par nga reb e senggil nib ga’ ni aram e gin ni un chariy e maligach ni grain riy nge incense, nge talin e maruwel ni yima maruwel ngay u Tempel, nge maligach ni fan ko prist, nge ragag e pasent ko grain, wayin, nge gapgep ko olive ni kan pi’ ko Levite, nge girdi’en e musik u Tempel nge pi matnag.

Ezra 8:29

Nopa’med ni ngam matnagiyed nge dabi buch ban’en ko pin’ey nge mada’ ko ngiyal’ ni kam tawgad ko fare Tempel. Mu rom u lan e pi senggil rok fapi prist e ngam thabthabel niged e pin’ey mi gimed pi’ nga pa’ e pi tolang ko prist nge ngak e pi Levite, nge ngak pi tayugang’ rok e girdi’ nu Israel u lan yu Jerusalem.”

2 Kronicles 31:11

Me yog fare pilung ni ngan toy e senggil ni yima cha’ar ngay u lan fare Tempel

2 Kronicles 3:9

rliw’ e ounce e gol nni fanay ko richib, ma rungrung ko tini ngalang e senggil e kuni gabdiy e gol ngay.

1 Kronicles 23:28

min pi’ e tin ni ba’aray e maruwel ngorad: ni ngar ayuweged e fapi prist ni pi’in owchen Aron ko liyor u Tempel, ma ngu’ur ayuweged lan fapi yoror nge pi senggil riy, ma ngu’ur ted gubin e tin nde ta’ay ngi i par nib tabgul,

1 Kronicles 9:33

Ma boch e tabnaw pi Levite e ba milfan ngorad e musik ko fare Tempel. Pi’in lolgen e pi tabnaw ney e yad ma par u lan boch e senggil u Tempel mda ku nir yin’ daken e maruwel rorad, ni bochan e yad ma rin’ e maruwel rorad ni rran nge nep’.

1 Kings 6:10

Fa gin ni ba’aram ni dalip thal nni ngongliy nge yib i wup’ ko rungrung ko Tempel, nra ba thal ma medlip nge baley e fit tolngin, ren ni cedar e ni fanay ko liken riy, ni yib i wup’ nga wuru’ e rungrung ko Tempel.

1 Kings 6:8

Mab ko thal ni but’, e bay ko ba’ ni yimuch e Tempel, ma bay e tawo’ riy ni yan ko thal ni l’agruw nge thal ni dalip.

Jeremiah 35:3

Aram mug fek ga’ngin e re ke girdi’ nem ni Rekab — i Jaazaniah (nib mo’on ni fak yug rebe Jeremiah, nib mo’on ni fak Habazziniah) nge gubin pi walagen ni pumo’on nge pifakrad ni pumo’on —

1 Kronicles 28:12

Miki pi’ ngak babyoren rogon ni leamnag ni ngan ngongliy lan e yoror nge pi senggil nib liyeg, nge pi senggil ni yima cha’riy e pi tatalin e Tempel nge pi tow’ath ni kan ognag ngak SOMOL riy.