Jeremiah 35:1 - Bible Ni Thothup

¹ Nap’an ni ba pilung Jehoyakim nib mo’on ni fak Josiah u Judah, me ga’ar SOMOL ngog,

Jeremiah 35:1 Referans Kwoze

Jeremiah 25:1

U lan e bin aningeg e duw ni Jehoyakim nib mo’on ni fak Josiah e pilung u Judah, me thap e thin rok SOMOL ngog nib l’ag rogon ko girdi’ nu Judah. (Irera’ e re duw ni som’on nike pilung Nebukadnezzar u Babylon.)

Jeremiah 1:3

Miki non ngak bayay nnap’an Jehoyakim nib mo’on ni fak Josiah e pilung. Ma nga tomuren miki non SOMOL ngak ni bo’or yay, nge yan i mada’ ko bin ragag nge ta’reb e duw ko gagiyeg ni i tay Zedekiah nib mo’on ni fak Josiah. Mu lan e bin lal e pul ko re duw nem min fek e girdi’ nu Jerusalem nga wuru’ e nam ni yad ba kalbus.

2 Kings 23:35

Me kunuy Jehoyakim ni Pilung e tax u rom ko girdi’ ni be yan u rogon urngin e tin bay rorad, ni bochan e nge yag ni pi’ fare wolbuw rok fare pilung nu Egypt ni urngin nike yog.

Daniel 1:1

Re duw ni gaman e dalip e duw ngay nike pilung Jehoyakim u Judah, me yib Nebukadnezzar ni Pilung nu Babylon i m’ag e mael nga Jerusalem nge yin’ e re binaw nem nga longob.

Jeremiah 46:2

ni tabab u Egypt. Irera’ e n’en ni yog ni murung’agen e salthaw rok Neko ni Pilung nu Egypt, ni ba’aram ni gel Nebukadnezzar ni Pilung nu Babylon ngorad u Karkemish u che ren fare lul’ ni Eufrates u lan e bin aninged e duw nike pilung Jehoyakim u Judah:

Jeremiah 36:29

Me yog SOMOL ngog ni nggog ngak Jehoyakim ni Pilung ni nge lungug, “Kam urfiy fare gi babyor ma kam fith ngak Jeremiah fan ni yoloy ni pilung nu Babylon e bay yib nge kirebnag e re nam ney me li’ e girdi’ nge pi gamanman ni bay riy.

Jeremiah 36:9

U lan e bi mereb e pul ko duw ni lal ni Jehoyakim nib mo’on ni fak Josiah e pilung nu Judah, me pag e girdi’ e abich ni gomang e runguyrad SOMOL. Re abich nem npag e gubin e girdi’ nma par u Jerusalem nge gubin e girdi’ nrabad e ngaram ko yochi binaw nu Judah.

Jeremiah 36:1

Re duw ni gamen e aningeg ngay nike pilung Jehoyakim nib mo’on ni fak Josiah u Judah, me ga’ar SOMOL ngak Jeremiah,

Jeremiah 26:1

Nap’an ni ka fin yigi mang Jehoyakim e pilung u Judah, nib mo’on ni fak Josiah,

2 Kings 23:34

Me tay Neko ni Pilung i Eliakim nib mo’on ni fak Josiah nge mang pilung nu Judah nge yan nga luwan Josiah, me thilyeg fithingan nge tunguy Jehoyakim ngak. Me fek Neko ni Pilung i Joahaz nga Egypt, me yim’ u rom.