Jeremiah 34:7 - Bible Ni Thothup

⁷ u nap’an ni be cham e salthaw rok fare pilung nu Babylon ko fare binaw. Fa raba’ i salthaw e ki cham nga Lakish ngu Azekah, ni kari mus e gal binaw ni ka ni yororiy ni fan ko mael ni magach u lan yu Judah.

Jeremiah 34:7 Referans Kwoze

Joshua 10:3

Me l’oeg Adonizedek e thin nge yan ngak Hoham ni ir e Pilung nu Hebron; nge ngak Piram ni Pilung nu Jarmuth; nge ngak Jafia ni Pilung nu Lakish; nge ngak Debir ni Pilung nu Eglon ni ga’ar,

Jeremiah 4:5

Mu thoyed e rappa u ga’ngin yang u lan e nam! Mu tolulgad nib ga’ lungmed ma bmatabogol! Moged ngak e girdi’ nu Judah ngu Jerusalem ni ngar milgad ko fapi binaw ni kan yororiy ni fan ko mael.

Joshua 15:35

Jarmuth, Adullam, Soko, Azeka,

Mikah 1:13

Gimed e girdi’ ni gimed be par u lan yu Lakish, mm’aged e pi os romed ko pi chariot. Ya kam folwok gad ko denen ni i ngongliy piyu Israel, ere aram tapgin ma ke denen yu Jerusalem.

Jeremiah 34:1

I non SOMOL ngog u nap’an ni be cham Nebukadnezzar ni Pilung nu Babylon nge salthaw rok, nge yu raba’ i salthaw u gubin e nam ni ku yad be pi’ e ayuw ngak, nge gubin mit e girdi’ u lan gil’ilungun nga Jerusalem nge yochi binaw nib chuchugur ngaram.

Jeremiah 11:12

Ma aram e girdi’ nu Judah ngu Jerusalem e bay ranod ko fapi got ni ur pi’ed e maligach ngorad miyad yornag e ayuw ngorad. Machane pi got nem e dabyag ni ngar aywegedrad u nap’an nra yib e riya’.

Jeremiah 8:14

I fith e girdi’ rok Got ni ga’ar, “Mangfan ni kay gu da pired u luwdad? Mired ngad milgad i yan ko fare binaw ni ka ni yororiy ni fan ko mael ngadm’ad u rom. I SOMOL ni Got rodad e ke duwgiliy ndabisiy ni ngad m’ad; ke pi’ e yub ngodad ni ngad unumed, ni bochan e gadad be denen nib togopluw ngak.

2 Kronicles 27:4

Mu daken yungi ted nu Judah e sunmiy bogi binaw riy, mu lan e loway e toy bogi yoror riy ni fan ko mael nge pi tagil’ e damit.

2 Kings 19:8

Fare pilungen e salthaw nu Assyria e rung’ag ni fare pilung nu Assyria e ke chuw u Lakish ke mael nga Libnah nib binaw nib chugur ngaram, me yan i guy ni ngar puruy’gow.

Joshua 15:39

ngu Lakish, ngu Bozkath, ngu Eglon,

Joshua 12:11

Jarmuth, Lakish,

Deuteronomy 28:52

Bay ra chamgad ngak urngin e binaw nu lan fare nam ni bayi pi’ SOMOL ni Got romed ngomed, ma pi yoror romed nib tolang ni fan ko mael nma pagan’med ngay e go’ ra puth.

Joshua 10:5

Re lal i pilung ko pi Amorite nem, ni aram e pilung nu Jerusalem, ngu Hebron, ngu Jarmuth, ngu Lakish, ngu Eglon e ra mu’ulunggad nge yu raba’ i salthaw rorad ngar longobiyed e binaw nu Gibeon miyad cham ngay.

2 Kings 14:19

Immoy ba makath u lan yu Jerusalem ni ngan thang e pogofan rok Amaziah, ma aram me mil nge yan ko fare binaw nu Lakish, machane me lek e pi to’ogor rok ngaram ngar li’ed nge yim’.

Isaiah 36:2

Ma aram me l’oeg e an tolang ko salthaw rok ni nge yan u Lakish nga Jerusalem nib mu’un barba’ i salthaw ngak nib ga’ ni ngrogned ngak Hezekiah ni Pilung ni nge wenig nge par nga tan pa’rad. Fare tolang ko salthaw e par u kanawo’ ko gin bay e pi’in ma wupmad riy, u charen ba meb nma yan e ran riy ni be yib u ba lipath ni bay nga talang.