Jeremiah 34:20 - Bible Ni Thothup

²⁰ Bay gu pi’rad nga pa’ e pi to’ogor rorad, ni pi’in yad be finey ni ngar thanged e fan rorad, ma ldow rorad e bayi longuy e arche’ nge gamanman ni malboch.

Jeremiah 34:20 Referans Kwoze

Jeremiah 7:33

Girdi’ nike yim’ e bayi mang ggan ngak e arche’ nge gamanman ni malboch, ma dakriy be’ ni nge tulufrad.

Jeremiah 19:7

U roy e bay gu kirebnag riy urngin e tin kem’ay i leamnag rok piyu Judah nge yu Jerusalem. Bay gu gagiyegnag e pi to’ogor rorad ngar felan’gad u puluwrad ngar li’ed yad u fithik’ e mael. Bay gu pi’ e ldow rorad ngak e arche’ nge gamanman ni malboch nge mang ggan rorad.

Jeremiah 16:4

Yad ra yim’ ko m’ar ni ubchiya’, ma dariy be’ nra yor nagrad fa k’eyegrad. Dagur rorad e ra aw u but’ ni bod yu ulung i t’ay e gamanman. Ma yira li’rad u tan e mael fa ram’ad ko bilig, ma downgirad e bayi mang ggan ko arche’ nge gamanman ni malboch.

Jeremiah 11:21

Girdi’ nu Anathoth e yad ba’adag ni nggum’, karoged ngog ni yad ra thang e fan rog ni fa’anra ku gu be wereg e thin rok SOMOL i yan.

1 Kings 16:4

Demturug reb i chon e tabnaw rom nra yim’ u lan e binaw mra longuy e pilis, ma demturug e arorad nra yim’ u daken e tafelfel’ mra longuy e arche’ ni vulture.”

Jeremiah 22:25

nggu pi’em ngak e pi’in ga ba tamdag ngorad, ni girdi’ ni yad ba’adag ni ngar thanged e fan rom. Gu ra pi’em ngak Nebukadnezzar ni Pilung nu Babylon nge nga pa’ e pi salthaw rok.

Jeremiah 21:7

Machane gur, nge tayugang’ rom, nge girdi’ ni fos u tan fare mael, nge uyngol ni yib, nge liliy — e bay gu pagmed ni gimed gubin nge kolmed Nebukadnezzar ni Pilung nge pi’in gimed ba to’ogor ni yad ba’adag ni ngar li’ed gimed ngam m’ad. Ma Nebukadnezzar e ra li’med ngam m’ad. Ni dabi pag ta’ab gimed ara kirban’ fa runguy ya’an bigmed. I Gag SOMOL e gu be non.”

1 Kings 14:11

Ma demturug reb i chon e tabnaw rom nra yim’ u lan binaw mra longuy e pilis, ma demturug e arorad nra yim’ u daken e tafelfel’ mra longuy e arche’ ni vulture. I Gag SOMOL e gu be non.’”

1 Samuel 17:46

Daba’ e nge pi’em SOMOL nga pa’ag; bay ggel ngom, mu gu th’ab k’angam nggu luf lolugem, mu gu pi’ downgin e salthaw ko pi Filistine ngak e arche’ nge gamanman ngar longuyed. Ma bayi nang ga’ngin e fayleng ni yu Israel e bay ba Got rorad,

1 Samuel 17:44

Me non ngak David ni ga’ar, “Moy, ya ke mudugil ni nggu pi’ dowam ngak e arche’ nge gamanman ngar longuyed.”

Ezekiel 32:4

Bay gon’em nga daken e but’ mug pining gubin e arche’ nge gamanman u fayleng ngar languyed gur.

Ezekiel 29:5

Bay gon’em nge fapi nig ni yad gubin nga daken e ted. Downgim e bay i aw nga daken e but’ nge par ni dab ni k’eyag. Bay gu pi’ ko arche’ nge gamanman ni ggan rorad.

Jeremiah 49:37

Bay gu gagiyegnag e girdi’ nu Elam ngar rus gad ko pi to’ogor rorad, ni pi’in yad ba’adag ni ngar thanged e fan rorad. U fithik’ e damumuw rog nib gel e bay gu thirif e girdi’ nu Elam u but’ mug pi’ e salthaw nge togopluw ngorad nge mada’ ko ngiyal’ ni kug thangrad.

Jeremiah 44:30

Bay gu pi’ i Hofra ni Pilung nu Egypt nga pa’ e pi to’ogor rok ni yad ba’adag ni ngar thanged e fan rok, ni ri bod ni gu pi’ Zedekiah ni Pilung nu Judah nga pa’ i Nebukadnezzar ni Pilung nu Babylon, ni ir e to’ogor rok ni ba’adag ni nge thang e fan rok.”

Jeremiah 38:16

Me micheg Zedekiah ni Pilung bbugithin ngog nde nang be’. I ga’ar, “Gu be micheg u fithingan SOMOL ni be par nib fos, ni ir e ke pi’ e yafos ngodad, nri dab gu thang e fan rom, ma dab gu pi’em nga pa’ fapi pumo’on ni yad baadag ni ngar thanged e fan rom.”

Jeremiah 4:30

Jerusalem, gafgow gur! Mang ni ngamon’ e mad ni row nga dakenam? Mang ni ka mu nunuw ko churwo’ ma ka mu achay owchem? Ka mu ngongliy rogom ka mu pidorang ni dariy fan! Pi ilingem e ka ra furuyed gur ma yad be finey ni gomang e ni thang e fan rom.

Deuteronomy 28:26

Nap’an ni gimed ra yim’, ma arche’ nge gamanman ni malboch e ra yib nge longuymed, ma dakuriy be’ nra tulufrad.

Psalms 79:2

Kar paged e ldow rok e girdi’ rom ni nge languy e arche’ ni vulture, ma kar pi’ed e ldow ko pi tapigpig rom ngak e gamanman ni malboch ni nge languy.

Jeremiah 12:9

Girdi’ ni ku gu mel’eg e yad bod ba arche’ nike liyeg e hawk yad be k’ad. Mu pining e gamanman ni tmacham ngarbad ngar uned ko mur!

Ezekiel 23:28

Irera’ e n’en ni yog SOMOL ni Th’abi Tolang: “Bay gu pi’em nga pa’ e girdi’ ndabum daken ma gab sonogor ngorad.

Jeremiah 39:6

Mu rom u Riblah u p’eowchen Zedekiah e thang e fan rok pifak Zedekiah ni pumo’on riy, miki thang e fan rok e pi tolang nu Judah.