Jeremiah 34:13 - Bible Ni Thothup

¹³ ni Got nu Israel, e yog ngog ni ngugog ko girdi’ ni nge lungug: “Gu ngongliy ba m’ag u thilmad e pi chitamangimed u nap’an ni gu chuwegrad u pa’ yu Egypt nggu pithigrad ko sib ni ur ted. Mu gog ngorad ni

Jeremiah 34:13 Referans Kwoze

Judges 6:8

me pi’ SOMOL ba profet ngorad, ni ir e fek e thin rok SOMOL i yib ngorad, ni ir fare Got nu Israel ni be ga’ar, “Um pired u Egypt ni gimed e sib rok piyu Egypt mu gu chuwegmed u rom.

Joshua 24:17

I SOMOL ni ir e Got rodad e fek pi chitamangidad nge gadad nge chuwegdad ko sib ni ud tayed u lan yu Egypt, ma kad guyed e pi maang’ang nike rin’. I ta’dad nde buch ban’en rodad ko yungi n’en ni u darod riy u fithik’ urngin girdi’en e pi nam.

Jeremiah 31:32

Dabi bod fare m’ag ni gu ngongliy u thilmad pi chitamangirad ko fa ngiyal’nem ni gu kol pa’rad nggu fekrad nga wuru’ yu Egypt. Ni yug aram rogon ni bod ni gag figirngirad, ma dar ted fare m’ag u gil’.

Deuteronomy 5:27

Moses, mu sul ngaram, ngam motoyil nga urngin e tin be yog SOMOL ni Got rodad. Ma ga sul ngamog ngomad urngin e tin keyog ngom. Ya gamad ra motoyil ngay ma gamad ra fol riy.’

Exodus 24:3

Me yan Moses nge weliy ngak e girdi’ urngin e tin ngan rin’, nge urngin e pi motochiyel rok SOMOL. Me fulweg urngin e girdi’ nta’abyay ni lungurad, “Bay gu rin’ed gubin e tin keyog SOMOL ni nggu rin’ed.”

Jeremiah 11:7

Nap’an ni gu fek e pi chitamangirad nga wuru’ yu Egypt, ma gumicheg ngorad ni ngar kol ayuw gad u rogon ni ngu’ur folgad rog, mu gu tabab i ginaeng e girdi’ ke mada’ ko biney e rran.

Jeremiah 11:4

Irera’ fare m’ag ni gu ngongliy u thilmad e pi chitamangirad u nap’an ni gu chuwegrad u Egypt, ni fare nam ni bod ba nifiy ni be daramram ngorad. Gog ngorad ni ngar folgad rog miyad rin gubin e tin kugog ni ngan rin’. Gog ngorad ni fa’an yad ra fol, ma yad ramang girdi’ rog mu gu mang Got rorad.

Jeremiah 7:22

Nap’an ni gu fek pi chitamangimed nga wuru’ yu Egypt ma da gog ngorad ban’en ni murung’agen e tin ngan urfiy ngan pi’ ngog ara yugu boch e maligach.

Deuteronomy 29:1

Irera’ e pi thin nu lan fare m’ag ni yog SOMOL ngak Moses ni nge ngongliy u thilin Got nge girdi’ nu Israel u lan fare nam nu Moab; ngan puthuy gubin e tiney ko fare m’ag ni ngongliy SOMOL u thilrad u daken fare Burey ni Sinai.

Deuteronomy 24:18

Dab mu paged talin ni um manged sib u Egypt me chuwegmed SOMOL ni Got romed u rom; aram fan ni ku gu taychilen e pi thin ney ngomed.

Deuteronomy 16:12

Ngi i par u wun’med ni ngu’um folgad ko pin’en ni kan ta’chiylen; dab mu paged talin ni um sibgad u lan yu Egypt.

Deuteronomy 15:15

Thingar mu ted u wun’med ni ummed ni gimed e sib u Egypt me pagmed SOMOL ni Got romed ngam marod nike puf rogomed; aram fan e chiney ni gu be taychilen e re bugithin ney ngomed.

Deuteronomy 13:10

Ngan malang nagrad ngarm’ad! Ya yad be guy rogon ni ngar waliyed gimed nga orel rok SOMOL ni Got romed, ni ir e chuwegmed u Egypt, ni gin ni um sibgad riy.

Deuteronomy 8:14

ma ngar mu guyed rogon ya richey nge tolangan’med ngam paged talin SOMOL ni Got romed, ni ir e chuwegmed u Egypt, ni um pired riy ni gimed e sib.

Deuteronomy 7:8

Machane gimed ba t’uf rok SOMOL ma ba’adag ni nge tay u gil’ e tin ni micheg ngak pi chitamangimed ni kakrom. Aram fan ni maruwel nga gelngin nib gel nge chuwegmed u lan yu Egypt ni um pired riy ni gimed e sib rok fare pilung nu Egypt.

Deuteronomy 6:12

ma ngam guyed rogon nge dab mu paged talin SOMOL ni ir e fekmed nga wuru’ yu Egypt, ko gin um pired riy ni gimed e sib.

Deuteronomy 5:6

‘I gag fare SOMOL ni Got romed, e gu fekmed nga wuru’ yu Egypt, ko gin ni um sibgad riy.

Exodus 20:2

“I gag fare SOMOL ni Got romed ni gu fekmed nga wuru’ yu Egypt, ni aram e gin ni um sibgad riy.

Exodus 13:14

Mra yani daken bi’id ni fith pifakmed ni pumo’on ko mangfan ni gimed be tayfan e rofen ney, mi gimed fulweg ni nge lungmed, ‘Bochan gelngin SOMOL nrib gel e fekmad riy nga wuru’ yu Egypt ni fare nam ni ug sibgad riy.

Exodus 13:3

Me ga’ar Moses ngak fapi girdi’, “Ngam ted u wun’med e rofen ney — irera’ e rofen nim chuwgad u lan yu Egypt ko gin um sibgad riy. Ya re rran ney e maruwel SOMOL nga gelngin nib gel nge fekmed nga wuru’ fare binaw. Dab mu koyed e flowa ni bay e is riy.

Jeremiah 34:12

Ma aram e fare SOMOL,