Jeremiah 33:9 - Bible Ni Thothup

⁹ Jerusalem e bayi par ni tagil’ e felfelan’ nge liyor, ni gub uf ngay; ma gubin e nam u fayleng e bay rrusgad ngu’ur durru’gad ko marus ko ngiyal’ ni yad ra rung’ag murung’agen e pin’en nib manigil ni ku gu rin’ ngak e girdi’ nu Jerusalem nge murung’agen e fla’ab ni ku gu pi’ ko fare binaw.”

Jeremiah 33:9 Referans Kwoze

Isaiah 60:5

Bay mu guy ni aray rogon me yib e felfelan’ ngom; Bayi mithmith gumircha’em nib gel ni bochan e felfelan’. Fel’ rogon ko pi nam e bay ni fek i yib ngom; Fel’ rogon rorad e bayi th’ab lan e day nge yib ngom.

Jeremiah 13:11

Ri bod feni machache’ e yu lay i zubong ney nga luknguy, e aram rogon ni u gu leamnag ni nge urngin e girdi’ nu Israel ngu Judah ni ngar chichi’iyed pa’rad rog. Gu rin’ ni aray rogon ya ngar manged tirog e girdi’ mu dakenrad e ngan pining e sorok riy ngog mi ni mathangeluwolnag fithingag; machane dar folgad rog.”

Isaiah 62:7

Thingar dab ra paged nge toffan nge mada’ ko ngiyal’ nike fulweg yu Jerusalem nga rogon nge ngongliy nge mang ba binaw ni ga’ngin e fayleng nra pining e sorok ngay.

Nehemiah 6:16

Nap’an ni rung’ag e to’ogor romad nu lan e pi nam nib liyegmad nike m’ay fare maruwel, me m’ay e liyab rorad, ya go’ kan nang ni Got e ke ayuweg fare maruwel ke m’ay.

Hosea 3:5

Ma bayi tomur me cheal piyu Israel bayay ngar sulod ngak SOMOL ni Got rorad, nge ngak be’ ni owchen David ni ir e pilung rorad. Ma aram e bay yib madgun SOMOL u wun’rad me yag ngorad e pi tow’ath rok ni bfel.

Jeremiah 31:4

Bay gu fal’eg rogomed bayay. Ma aram e bay ku mu sulod bayay ngam feked e pi talin e musik romed ni tambourine ngu’um churu’gad ni ka mu felfelan’gad.

Jeremiah 26:6

Fa’anra dab mu rin’ed e pin’ey, ma aram e nggu rin’ ko re Tempel ney e n’en ni gu rin’ nga Shiloh. Urngin e nam nu roy u fayleng e fa’an yad ra bucheg wa’athan be’ ma yad ra yog ni nge buch wa’athan ni bod e re binaw ney.”

Isaiah 62:12

Bay ni piningmed ni “Girdi’ Rok Got Ni Thothup,” “Fapi Girdi’ Nike Ayuwegrad SOMOL.” Jerusalem e bay nog ni “Fare Binaw Nib T’uf Rok Got,” “Fare Binaw Ni de Fek Got Owchen Riy.”

Psalms 40:3

Me fil ba tang nib be’ech ngog, nib tang ni yibe pining e magaer ngak e Got rodad. Pire’ e girdi’ ni bay ra guyed e ren’ey me yib madgun SOMOL u wun’rad me par ni SOMOL e yad be toer ngak.

Zekariah 12:2

“Bay gu tay yu Jerusalem ni bod ba kap i wayin; pi nam ni bay u charen i yan e bay ra unummed miyad thigthig ni bod e chingaw’. Ma nap’an ni yad ra kol yu Jerusalem, ma ku aram rogon ni ku yad ra kol e pi binaw ni kabay u Judah.

Jeremiah 44:8

Mangfan ni gimed be k’aring e damumuw ngog ko tayfan ni gimed be tay ko pi liyos nge maligach ngak yug boch e got u roy u lan yu Egypt, ni aram e gin ni kambad mu pired ngay? Ri gimed be rin’ e ran’ey ni bochan e ngam kireb niged gimed, nge gubin e nam nu roy u fayleng mi i moning nagmed me par fithinganmed nike mang ba yaba’?

Jeremiah 29:1

Gu yoloy e babyor ni nge yan ngak e pi prist, nge pi profet, nge pi’in yad ma gagiyegnag e girdi’, nge urngin e pi’in ni fekrad Nebukadnezzar ni yad ba kalbus u Jerusalem nga Babylon.

Jeremiah 3:17

Nap’an nra taw ko ngiyal’nem, ma bay nog ni yu Jerusalem e ‘Gil’ilungun SOMOL,’ ma urngin e nam e bayi mokun ngaram ni ngar liyorgad ngog. Ni bay dab ku ra ngongliyed e n’en ni be yog lanin’rad ni gelan’ nge gumircha’rad ni kireb ngorad.

Ester 8:17

Mu lan urngin e pi binaw nge pi yungi nug nnap’an ni yira be’eg fare thin nike yib rok e en pilung, me tabab e pi Jew ko madnom nge mur ni kar felan’gad. Ma aram me yo’or e girdi’ ko taliw rok e pi Jew e ngiyal’nem ni bochan e kar rusgad ngorad.

2 Kronicles 20:29

Gubin e pi nam ni ra rung’aged rogon nike gel SOMOL ngak fapi to’ogor rok yu Israel e go’ rrusgad,

Psalms 130:4

Machane ga be n’ag fan romad, ni fan e ngu’ug pired ni bay madgum u wun’mad.

Isaiah 55:13

Yungi n’en ni go’ pan ni bay rachangalen e bayi tugul e gek’iy ni cypress riy; gek’iy ni myrtle e bayi tugul ko yungi n’en ni immoy e pan riy ni bay rachangalen. Ren’ey e ba pow ni bay i par ndariy n’umngin nap’an, ni ban’en ni ngi i puguran e pin’en ni Gag SOMOL e kug rin’.”

Isaiah 62:4

Dakuriy e ngiyal’ ni yira pining ngachalem ni “Kan n’ag,” fa ni pining fithingan e nam rom ni “Fa En ni le’engiy ni Kan Tharbeg.” Bin ni be’ech e ngachal rom e ba’aray “Got e ba fel’uwan’ fare Pin.” Nam rom e bay ni pining ni “Felfelan’ ko Mabgol Rok,” ni bochan e SOMOL e gab fel’uwan’ ma bayi par ni bod nike figirngiy e nam rom.

Isaiah 64:2

Ya yad ra t’on ni bod e ran ni be ligil u lan ban’en u mit e nifiy. Moy, ngam dag gelngim ngak e pi to’ogor rom, ma ga gagiyegnag e pi nam ngar t’on gad u p’eowchem.

Jeremiah 3:19

Be ga’ar SOMOL, “Israel, gu ba’adag ni nggu tem u lanin’ug ni fakag gur mu gu pi’ e binaw ngom nib manigil, ni aram e gin th’abi fel’ ya’an u ga’ngin yang u fayleng. Gu ba’adag ni ngam pining e matam ngog ma dab ku mu pi’ keru’um ngog bi’id.

Jeremiah 4:2

ma aram e rayag ni ngam mowgad u fithingag. Ma aram e gubin e nam e bay roged ngog ni nggu tow’ath nagrad, ma bay ra pininged e sorok ngog.”

Jeremiah 16:19

SOMOL gur e cha’ ni gama yoror rog ma gama pi’ gelngig; gama aywegneg u fithik’ e gafgow. Pi nam e bay rabad ngom u gubin yang u fayleng ngar ga’ar gad, “Pi chitamangimad e dariy ban’en rorad machane got ni go’ bogi ban’en e bay, ni bogi liyos nib m’ay fan.

Jeremiah 24:6

Bay ug guyrad ma bay gu fulwegrad ko re but’ ney. Bay gu ubungirad ngalang ma dab gu buthugrad nga but’; gu ra yungrad ma dab gu pugrad.

Jeremiah 32:42

“Bod rogon ni kug fek e riya’ nga daken e pi girdi’ ney, e aram rogon ni nggu pi’ ngorad gubin e pin’en ni bfel’ ni kug micheg.

Jeremiah 33:14

I ga’ar SOMOL, “Bayi taw nga bangiyal’ ni gu ra tay ngagil’ e tin gu micheg ngak e girdi’ nu Israel ngu Judah.

Jeremiah 49:25

Fare binaw nib gilbugwan ni i par nib felfelan’ e kan’ag.

Ezekiel 26:20

Ma aram e bay gu l’oegem nga’ar ko fayleng ko yam’ ngam pired fapi girdi’ ni urmed kakrom. Bay gu tem u rom ko fare fayleng u tan e but’ u fithik’ e tin ke mogoth ni dariy n’umngin nap’an, ni nge mang gimed e pi’in ni karm’ad e ngu’um puruy’gad. Ma aram ma ga par ni gab binaw ni dakriy be’ riy ma dabkiyag ni ngam sul ko gin ummoy riy ko fayleng rok e pi’in nib fos.

Ezekiel 39:13

Urngin e girdi’ u lan fare binaw ni bayi un ko ayuw ngan k’eyagrad, ma bay ni tay farad ko ren’ey ko rofen ni gu ra gel. I Gag SOMOL ni Th’abi Tolang e kugog e pi thin ney.

Deuteronomy 30:5

ngam tafnayed e re nam ney ni i par pi chitamangimed riy kakrom. Ma bayi gagiyeg nagmed nge gel e fel’ rogon romed ngam yo’orgad ngak pi chitamangimed.

Isaiah 43:21

Yad fapi girdi’ ni gu sunumiyrad ni ngar pired ni girdi’ rog, ma bay ur tanggad ni yad be pining e sorok ngog!”

Isaiah 62:1

Bay gu welthin ni nggu pi’ e athamgil nga Jerusalem; dab gu th’ab gulngag nge mada’ ko ngiyal nike thap, ma gel nike tay e ra gal ra’en ni bod ba mol’ nnep’.

Jeremiah 31:14

Ma bay gu suguy e pi prist ko tin th’abi fel’ e ggan, mu gu chum’ernag e girdi’ rog ko urngin e tin bt’uf rorad. I Gag SOMOL e kugog e pi thin ney.”

Ezekiel 36:35

Gubin e girdi’ ni bay ur weliyed murung’agen e re nam ney ni i par nike mak’ gerger ma ke thil ke par ni bod fa gi woldug nu Eden, nge rogon e pi binaw ni immoy riy ni kan kirebnag urngin ban’en riy, ma kan iring e pin’en ni immoy riy ka ni pag u gil’ nike tagan, ma ke thil ka ni yororiy ni fan ko mael, ma be par e girdi’ u langgin.

Zekariah 1:17

Fare engel e ki yog ngog ni ngkug weliy e re thin ni ba’aray: “Fare SOMOL ni Gubin ma Rayag Rok e be yog ni fapi binaw rok e bay ki fal’eg rogon bayay ma bay ki ayweg bayay yu Jerusalem nge par fare binaw ni ir e suwon.”