Jeremiah 33:8 - Bible Ni Thothup

⁸ Bay gu be’ech nagrad ko pi denen ni ur ngongliyed nib togopluw ngog, ma bay gu n’ag fan e denen nge kireb rorad.

Jeremiah 33:8 Referans Kwoze

Zekariah 13:1

SOMOL ni Gubin ma Rayag Rok e be ga’ar, “Rataw ko ngiyal’ i n’em ma bayi mab ba alublub ni nge machalbog nag e pi’in owchen David, nge girdi’ nu Jerusalem ko den’en nge liyor ko liyos ni yad be tay.

Ezekiel 36:25

Bay gu atngiy e ran nib machalbog nga dakenmed nggu machalbog nagmed u urngin e meybil ni um ted ko pi liyos romed nge urngin ban’en nike taymed ni kam kirebgad u p’eowcheg.

Psalms 51:2

Mmaluk nigeg nge chuw urngin e kireb rog, ma ga chuweg e denen rog nggu machalbog!

Revelation 1:5

mi Jesus Kristus ni fa’anem nib yul’yul’ ni i weliy murung’agen Got ngak e girdi’, ni ir e bin ni m’on i Fak Got, ma ku ir e som’on ni faseg Got ko yam’ ndab ki yim’, ni ku ir e be gagiyegnag urngin e pilung nu fayleng e ngi i ayuwegmed ma be pi’ e gapas nga lanin’med. Gadad ba t’uf rok ma ke pithigdad ko denen rodad u daken racha’en ni map’ u kuruth

Ezekiel 36:33

I SOMOL ni Th’abi Tolang e be ga’ar, “Nap’an ni bay gu chuweg urngin e denen romed ngam machalboggad, mu gu gagiyeg nagmed ngam sulod ngam pired ngalan e pi binaw romed bayay mi gimed ngongliy rogon.

Jeremiah 31:34

Ma dakuriy bagayad ni nge machibnag bagayad, ma dakuriy bagayad ni nge weliy e thin ngak bagayad ni nge ga’ar, ‘Ngam nang SOMOL.’ Yad gubin ni bay ra nanged gag ni mus rok e en nth’abi sobut’ nge mada’ ngak e en nth’abi tolang rorad. Bay gu n’ag fan e denen rorad u wun’ug ma dab ku gu leamnag e kireb ni kar ngongliyed. I Gag SOMOL e kugog e pi thin ney.”

Jeremiah 50:20

Re ngiyal i nem, ma dakriy ba denen ni yira pir’eg u lan yu Israel ma dakriy e kireb u lan yu Judah, ni fan e bay gu n’agfan e kireb ko girdi’ ni gu ayweg e pogofan rorad. I Gag SOMOL e kugog e pi thin ney.”

Isaiah 44:22

Kug chuweg e denen rom ni bod bangi manileng. Mu sul ngog; ya gag e kug biyuliyem.”

Psalms 65:3

ni bochan e denen rorad. Pi kireb romad e ke gel ngomad, machane ka mu n’ag farad.

Isaiah 56:7

“Bay gu fekmed i yan nga Zion, ko fare burey rog nib thothup, mu gu pi’ e felfelan’ ngomed u lan e naun rog ni yima meybil riy, me fel’ u wun’ug e maligach ni gimed be pi’ u daken e altar rog. Tempel rog e bay ni pining fithingan ni naun ko meybil ni fen e girdi’ u gubin e nam.”

Isaiah 4:2

Bay bangiyal’ ni bayi taw ngay mra tugulnag SOMOL gubin e woldug nge gek’iy u daken e but’ nge dammal me fel’ ya’an. Gubin e girdi’ nu Israel nra magachgad ni yad bfos e yad ra felfelan’ miyad uf nga yong’olen e but’.

Levitikus 16:30

Rofen nem e ngan bangbengnag rogon ni ngar machalboggad ko urngin e denen rorad, ya ngar pired ni kar be’echgad.

Psalms 130:4

Machane ga be n’ag fan romad, ni fan e ngu’ug pired ni bay madgum u wun’mad.

Lamentations 4:22

Zion e ke pi’ puluwon e denen rok; i SOMOL e dabki ta’mad ni kalbus u milekag nib n’uw nap’an. Machane gur Edom, e bayi gechig nigem SOMOL; nge pug ngalang ngonglem ni kireb.

Psalms 130:8

Bayi chuweg e girdi’ rok ni piyu Israel u fithik’ urngin e denen rorad.