Jeremiah 33:21 - Bible Ni Thothup

²¹ Ma ku aram rogon e tapigpig rog i David ni kug ngongliy e m’ag u thilinmow ni nge yag ni gubin ngiyal ma bay reb i owchen ni nge mang pilung, nge pi prist ni yib ko ganong rok Levi ni kug ngongliy e m’ag u thilinmad ni ngu’ur pigpig gad ngog ni gubin ngiyal’; ma pi m’ag ney e dabi math’.

Jeremiah 33:21 Referans Kwoze

Psalms 89:34

Dab gu th’ab e m’ag ni ku gu ngongliy u thilmow, ara gu thilyeg ta’abbug fapi thin ni ku gu micheg ngak.

2 Kronicles 7:18

ma gu ra tay nga tagil’ e tin gog ngak e chitamam i David u nnap’an ni gog ngak nu Israel e gubin ngiyal’ ma pi’in owchen e bay ur gagiyeggad riy.

2 Kronicles 21:7

machane de m’agan’ SOMOL ngay ni nge thirif u but’ e pi’in owchen David, ni bochan e ke ngongliy ba m’ag u thilrow David nike micheg ngak ni pi’in owchen e bay ur gagiyeggad ni gubin ngiyal’.

2 Samuel 23:5

Irera’ rogon ni bay i ayuweg Got e pi’in owcheg, ya ke ngongliy ba m’ag u thilmow ndabi m’ay, ni urngin riy e be par ni ba yaram ma mmudugil. Kemus e n’en ni gu ba’adag; ni ir e bayi gel nigeg, ya Got e rib mudugil ni bayi gagiyegnag nge yib i m’ug ni aray rogon.

Revelation 5:10

Kam ngongliyrad kar manged ba nam i prist ni ngu’ur pigpiggad ngak e Got rodad; ma bay ra gagiyeggad u fayleng.”

Matthew 24:35

Tharmiy nge fayleng e bay chuw, ma thin rog e ri dabi math bi’id.

Daniel 7:14

Min pi’ mat’wun ko gagiyeg ni nge tay ma ngan tay fan, ma nge par ni ir e pilung, ya girdi’ u urngin e pi nam, nge pi racha’, nge pi thin e ngu’ur folgad rok. Ma mat’wun ko gagiyeg ni nge tay e bayi par ndariy n’umngin nap’an, ma gagiyeg rok e dabimus.

Jeremiah 33:18

ma gubin ngiyal’ ma bay e pi prist ni yib ko ganong rok Levi ni nge pigpig ngog ngi i pi’ e maligach ngog ni mooruf, ni grain, nge ku boch e maligach.”

Isaiah 55:3

“Gimed e girdi’ rog, mu telmed, mi gimed yib ngog; mired ngog, me yag e yafos ngomed! Bay gu ngongliy ba m’ag u thildad ni bay i par ni dariy n’umngin nap’an, mu gu pi’ ngomed e pi tow’ath ni gu micheg ngak David.

Psalms 132:17

U roy e bay gu gagiyegnag reb i owchen David riy nge mang reb e pilung ni ba ga’; u roy e bay gu tay riy nge par nib mudugil e gagiyeg ni nge tay e en ni kug turguy ni nge mang pilung.

Psalms 89:36

Gubin ngiyal’ ni bayi par ni bay e gird’ ni owchen, ma bay ug matanagiy gil’ilungun u n’umngin nap’an ni bay e yal’ ni be mat ram’en.

Isaiah 66:22

“Nri bod e bin nib be’ech e fayleng nge bin be’ech e tharmiy nra par nib muduwgil ni bochan gelngig, ere pi’in owchemed nge fithingmed e yad ra par ni yad muduwgil.