Jeremiah 32:35 - Bible Ni Thothup

³⁵ Ka ra toyed e altar ni fen Baal u lan e yiy u Hinnom, ni ngar pi’ed pifakrad ni pumo’on nge ppin ni maligach ko fare got ni Molek. Da gog ngorad ban’en ni ngar rin’ed ni aray rogon, ma ku detun ngan’ug ni yad ra rin’ ban’en ni aray rogon nge waliy e girdi’ nu Judah nge denen.”

Jeremiah 32:35 Referans Kwoze

Jeremiah 7:31

Ka ra ubunged ba altar ni Tofeth fithingan ngalan e Loway ni Hinnom, ni fan e ngu’ur li’ed pifakrad ni pumo’on nge ppin ngu’ur urfiyed ngar pi’ed ni maligach. Da gu ning chiylen ngorad ni ngu’ur rin’ed e binem e pa’, ma ku de pat ngan’ug.

Levitikus 18:21

Dab mu pi’ fakam ni fan ko tayfan ni yima tay ngak fare got ni Molek, ya ra dariy fannag fithingan Got ni ir e SOMOL.

2 Kronicles 33:6

Me pi’ pifak ni pumo’on ni bogi maligach ni mo’oruf u lan fare loway ni Hinnom. Mi i pig ma be fith laniyan’ e pi’in yad ma yog e n’en ni bayi buch rok e girdi’ nge pi’in yad ma pong thagith. I denen nib gel nib togopluw ngak SOMOL ngari k’aring e damumuw ngak.

2 Kings 23:10

miki kirebnag Josiah ni Pilung yu Tofeth ni bay u lan e loway u Hinnom, ni yima meybil riy ngak yugu reb e got, ni fan e nge dakuriy be’ ni nge pi’ fak ni pumo’on ara ppin nga ni urfiy u rom ni maligach ngak fare got ni Molek.

1 Kings 16:19

I buch e ran’ey ni bochan e i denen nib togopluw ngak SOMOL. Ni bod rogon e denen ni i rin’ Jeroboam, miki kirebnag laniyan’ SOMOL ko pi denen rok miki waliy yu Israel nga fithik’ e denen.

Ezekiel 23:37

Da ku rir yul’yul’ gow ngog, gamad bmabgol mayow be iling ni yow be tayfan e liyos, ma yow be thang e pogofan ya yow be pi’ pifakag ni maligach ko pi liyos.

Isaiah 57:5

Gimed ma tay fan e pi got ko yong’ol ni gimed ma ngongliy e ngongol ni darngal u tan fa yuke gek’iy romed nib machmach. Ma gimed be pi’ pifakmed ni maligach u tan e war u charen e lul’.

2 Kronicles 33:9

Manasseh e waliy e girdi’ nu Judah ngar rin’ed e denen nib gel e kireb riy ko tin i rin’ girdi’en e pi nam ni tulufrad SOMOL nga wuru’ fare nam nnap’an ni be yib e tirok e girdi’ i yib.

2 Kings 23:15

Miki kirebnag Josiah e gin yima meybil riy u Bethel, ni Jeroboam ni Pilung ni fak Nebat e ngongliy, ni ir e waliy yu Israel ngar denengad. Me buthug Josiah e altar riy, me t’et’ar e malang riy nge nochiyang, me pirpirdi’iy me ngal’ ni ab; miki urfiy fare ley i ren ni kani suweg ni fan ngak fare got ni bpin ni Asherah.

2 Kings 21:11

“I Manasseh ni Pilung e ke rin’ e pin’ey nib sonogor, bogi ban’en nib pag fini kireb ko tin i rin’ piyu Kanaan; ma pi liyos rok e ke waliy e girdi’ nu Judah nga fithik’ e denen.

2 Kings 3:3

Machane, ku bod Jeroboam ni Pilung ni fak Nebat nib m’on rok, i waliy yu Israel nga fithik’ e denen mde tal.

1 Kings 21:22

Tabinaw rom e bayi par ni bod e tabinaw rok Jeroboam ni Pilung ni fak Nebat, nge tabinaw rok Baasha ni Pilung ni fak Ahijah, ya kam k’aring e damumuw ngog ni fan e kam waliy yu Israel nga fithik’ e denen.’

1 Kings 15:30

Ran’ey e buch ni bochan e ke pug Jeroboam e damumuw rok SOMOL, ni Got nu Israel, ko pi denen nike ngongliy ma ku ir tapgin yu Israel ni denen.

1 Kings 15:26

Me denen nib togopluw ngak SOMOL me waliy yu Israel nga fithik’ e denen, ni bod e chitamngin.

1 Kings 14:16

Bayi digey SOMOL yu Israel ni bochan e ke denen Jeroboam ma ke waliy e girdi’ nu Israel nga fithik’ e denen.”

1 Kings 11:33

Nggu rin’ e ren’ey ni bochan e ke n’igeg Solomon be tay fan Astarte ni got rok yu Sidon; nge Kemosh ni got rok yu Moab; nge Molek ni fare got rok yu Ammon. Solomon e dakir fol rog; ke rin’ e kireb ma dakir tay e motochiyel rog nge thin rog u gil’, ni gathi aram rogon ni i rin’ e chitamngin i David.

Deuteronomy 24:4

ma yugu demturug rogon ma fa bin som’on e pumo’on rok e dab ku ra mabgolgow bayay, ya nge tay u wan’ nni fare pin e ba ta’ay. Ra la’ay fare pin bayay ma de mat’aw u p’eowchen SOMOL. Dab mu rin’ed e tiney e kireb ni er fini ubchiya’ u lane re nam ni SOMOL ni Got romed e nge pi’ ngomed.”

Deuteronomy 18:10

Dab mu maligach niged pifakmed u fithik’ e nifiy u daken e altar romed; ma dab mu paged e girdi’ romed ngar uned ko bey ara chib; ara ur motokangad;

Exodus 32:21

Me ga’ar ngak Aron, “Mang e ke rin’ e pi girdi’ ney ngom kam waliyrad kar ngongliyed e biney e denen nrib kireb?”

Acts 7:43

Ya tent rok fare got ni Molok e um feked i yan, nge fare liyos ni ya’an fare t’uf rok fare got romed i Refan; yad bogi liyos ni kam ngongliyed ni ngu’um meybilgad ngay. Ere bay gu pi’med ngam marod nga ba’nem yu Babylon.’

Deuteronomy 12:31

Dab um liyorgad ku SOMOL ni Got romed ni bod kanawo’en ni yad be tayfan e tirorad e kan, ya rogon ni yad ma tay fan e tirorad e got e yad ma rin’ urngin e pin’en nib sunsonogor nri dabun SOMOL. Mus nga pifakrad ni yad ma urfiy u mit e nifiy u daken e pi altar rorad ngar pi’ed ni maligach.

1 Kings 11:7

Mu daken e burey ko ngek u Jerusalem e ubung bangi ban’en riy ni ngu’un tayfan Kemosh riy, ni fare got ni sonogor nu Moab, nge bang ni ngu’un tayfan Molek riy, ni fare got ni sonogor nu Ammon.

Jeremiah 7:30

“Girdi’ nu Judah e ka ra ngongliyed ban’en nib kireb. Fapi liyos rorad ndabug e ka ra feked ka ra ted ngalan e Tempel rog ka ra ta’ay niged.

Jeremiah 19:2

nggu warod u langan fare garog ni fithingan e Th’ib Nib Pil ngalan fare Loway ni Hinnom. U rom e nggu weliy riy e thin rok nike pi’ ngog ni nggu weliy.

Jeremiah 44:4

Dag tal i pi’ ngomed e pi profet ni tapigpig rog, ngi i yog ngomed ni dab mu rin’ed e ran’ey ni rib kireb ni gub fananikay.

2 Kings 21:4

Me ubing e pi altar rok e pi’in ndar nanged SOMOL u lan fare Tempel, ni aram e gin ni yog SOMOL ni ngu’un liyor riy ngak.

2 Kronicles 36:14

Miki mun daken e kireb rok e pi tagagiyeg, nge prist, nge girdi’ nu Judah ngu’ur folwokgad ko tin ba kireb ni be rin’ e pi nam nib liyegrad ngu’ur tedfan e pi liyos, ma aram miyad alitnag fare Tempel, ni tay SOMOL nib thothup.

Jeremiah 30:14

Urngin e pi fager romed ma kar paged talinmed; ni dakrir fineyed gimed. Ku gu og ngomed ni bod ba to’ogor; gechig romed e ba gel ni bochan e denen romed nib pire’ mab ga’ e kireb romed.