Jeremiah 32:28 - Bible Ni Thothup

²⁸ Arme nggu pi’ e re binaw ney ngak Nebukadnezzar ni Pilung nu Babylon nge salthaw rok; bay ra gelgad ngar koled,

Jeremiah 32:28 Referans Kwoze

Jeremiah 32:3

Zedekiah ni Pilung e ke kalbus nageg u rom ni be thibthib nageg ni gu be weliy nike yog SOMOL ni be ga’ar, “I gag e bay gu pag e pilung nu Babylon nge kol e re binaw ney,

Jeremiah 32:36

I SOMOL, ni Got rok yu Israel e ga’ar ngog, “Jeremiah, be yog e girdi’ ni mael, nge uyngol, nge liliy e ra gagiyegnag e re binaw ney nge thay nga pa’ e pilung nu Babylon. Ere mu telim ko mang e bay ni ngugog e chiney.

Jeremiah 32:24

“Girdi’ nu Babylon e ka ra ubungyed e but’ nga wuru’ fare yoror nib liyeg fare binaw ni ngar oggad riy ngar koled. Mael, nge uyngol, nge m’ar e bayi gagiyegnag fare binaw nge aw ngalan pa’rad. Ke m’ug ni gubin e tin mog e ke riyul’.

Jeremiah 20:5

Bay ku gu pag e pi to’ogor rorad ngar giliw niged urngin e tin be fel’ rogon e re binaw ney riy, miyad fek urngin e chugom, ni mus ko machaf ni fen e pilung nu Judah miyad fek nga Babylon.

2 Kronicles 36:17

Ma aram me pag SOMOL fare pilung nu Babylon nge cham ngorad. I thang fare pilung e fan rok e pi’in pagel nu Judah ni mus ngak e tin bay u Tempel. Dariy be’ ni runguy, fel’ yangren fa pilbithir, pumo’on ara ppin, m’ar nge pi’in de m’ar. I pi’rad Got nga pa’ ni yad gubin.

2 Kings 25:11

Me fek Nebuzaradan nga Babylonia e girdi’ ni magey u lan yu Jerusalem, ni girdi’ ni yad ba salap ko maruwel, nge girdi’ nra milgad ngranod ngak e girdi’ nu Babylonia.

Jeremiah 21:10

Ku gu mu’ i turguy u lanin’ug ndab kug digey e re binaw ney, ya nggu kirebnag. Bay ni pi’ nga pa’ e pilung nu Babylon, nge urfiy nga but’. I Gag SOMOL e gu be non.”

Jeremiah 34:2

I SOMOL, ni fare Got rok yu Israel e yog ngog ni nggu waen gog ngak Zedekiah ni Pilung nu Judah ni ga’ar, “I Gag SOMOL e bay gu pi’ e re binaw ney nga pa’ e pilung nu Babylon, nge urfiy nga but’.

Jeremiah 34:3

Dabyag ni ngam mil; bay ni kolem ngan pi’em nga pa’. Bay mmada’nag nge sabal owchamew ngam nnow. Ma aram e bay ni fekem nga Babylon.

Isaiah 29:2

ma aram e bayi girengiy Got e riya’ nga daken fare binaw ni yima yog ni “Altar rok Got.” Ma bay un yor ma yibe dololoy’ riy, ma fare binaw ni ga’ngin e ra bod ba altar nike upong ko racha’.