Jeremiah 32:23 - Bible Ni Thothup

²³ Machane fa’an rabad ngalan e re binaw ney nge mil suwon e gubin ban’en ngorad, ma da ur folgad ko pin’en ni u mog ni ngan rin’ ara ur pired ni bod rogon ni um machibnag; ma da rin’ed e tin mog ni ngar rin’ed. Ere ka mu fek urngin e pi gafgow ney nga dakenrad.

Jeremiah 32:23 Referans Kwoze

Ezra 9:7

Ka nap’an e pi ga’ romad nge mada’ ko chiney, ma gamad, ni girdi’ rom, e kug denengad nib tinowey. Bochan e pi denen romad ma aram e ke mul e pilung nge prist romad ngalan pa’ e pi pilung nu boch e nam, ma yibe li’mad ko saydon, ma yibe moro’ro’ romad, ma yibe fekmad ni kalbus nga wuru’ e nam romad. Kari m’ay famad, ni ku er rogmad e daba’.

Lamentations 1:18

“Machane SOMOL e ir e bmat’aw, ya gag e da ug fol rok. Mmotoyil gad ngog, gimed e girdi’ u gubin yang; mu guyed gag u fithik’ e amith rog. Pi’in pagel nge rugod rog e kan fek’rad nga bang ni yad ba kalbus.

James 2:10

Ya en nra th’ab ta’reb e motochiyel ko fapi Motochiyel e ke kireb e rok, ni aram e ke th’ab fapi motochiyel ni gubin.

Galatia 3:10

Pi’in ke pagan’rad ko Motochiyel ni yad be fol riy e yad be par nib buch wa’athrad. Ya be yog e babyor nib thothup ni be ga’ar: “En ni gathi urngin ngiyal’ ma be fol u urngin ban’en ni kan yoloy u lan babyoren e Motochiyel e ke kireb wa’athan!”

John 15:14

Ma gimed e pi tafager rog, ni fa’an gimed ra rin’ e tin kug ning chiylen ngomed.

Luke 17:10

Ere ku er rogomed, fa’anra mmu’gad i rin’ e tin kanog ngomed ni ngam rin’ed ma nge lungumed, ‘Gamad bogi tapigpig; ni kemus ni maruwel romad e kug ngongliyed.’ ”

Ezekiel 20:21

“Ma binem e mfen e ku ra togopluwgad ngog. Ku ra th’abed e motochiyel rog nge tin gog nra pi’ e yafos ko en nra fol riy. Ku ra dariyfan naged e Sabbath. Kug fal’eg rogog ni nggu gechig nagrad ngar thamiyed ga’ngin gelngin e damumuw rog, u rom u lan e ted ni desert e nggu thang owcharad riy.

Ezekiel 20:18

Ere mu gu ta’chiylen ngak pifakrad ni dab ra uned nga ngonglen e pi gallabthir rorad ara rfalwokgad ko pi kanawo’ rorad ni kireb ara ur ted fan e pi liyos rorad.

Ezekiel 20:8

Machane mikyad par ni yad be togopluw ngog ndarir motoyilgad. Dar n’aged fapi liyos rorad nib sunsonogor ara rapged i tayfan fapi got nu Egypt. Kug fal’eg rogog ni nggu gechig nagrad ngar thamiyed ga’ngin gelngin e damumuw rog u rom u Egypt.

Lamentations 1:8

Bugwan ni bfel’ e ke chuw rok; dakriy e upong u daken ke thiyer. Be gel’gel’ nike mithag owchen ko tamra’. Yu Jerusalem e ke alitnag ir ko denen rok nib tinowey.

Nehemiah 9:15

“Fa’ani yib e bilig ngorad ma ga pi’ e flowa u tharmiy ngorad, ma ga pi’ e ran nge yib u fithik’ e war nga but’ ko ngiyal’ nike yib e belel ngorad. Ma ga yog ngorad ni ngranod ra tafned fare nam ni mmicheg ni bay mpi’ ngorad.

Joshua 23:16

Fa’anra dab mu ayuweged fare m’ag nike yog SOMOL ni Got romed ni ngam ayuweged, ma gimed be pigpig ma gimed be tayfan yug boch e got, ma aram e ra gechig nagmed u fithik’ e damumuw rok, ma dabi n’uw nap’an ma dakuriy ta’ab gimed ni kura magey u lan e re nam ney nib manigil nike pi’ ngomed.”

Psalms 78:10

Dar ayweged fare m’ag u thilrad nge Got; mra siyegned ni ngar folgad ko motochiyel rok.

Jeremiah 2:7

Mu gu fekrad i yib nga ba nam nib yong’ol e but’ riy; ni ngar felan’gad ko woldug riy nge tin ni bfel’ ban’en ni bay riy. Machane fa’an rabad miyad kirebnag e nam rog; ya ka ra sonogor niged fare nam ni gu pi’ ngorad.

Jeremiah 26:4

Me yog SOMOL ngog ni nge lungug ko pi girdi’ nem, “I Gag SOMOL e kugog ni thingar mu folgad rog ngam rin’ed e tin kug machibnag ngomed.

Jeremiah 44:10

Ma ke mada’ ko biney e rran ma dawor mu sobut’ niged gimed. Damur liyorgad ngog fa mu falwokgad ko pi motochiyel ni gu pi’ ngomed nge pi chitamangimed.

Joshua 21:43

Ere SOMOL e pi’ fare nam ni ga’ngin ngak piyu Israel, ya ri michmicheg ngak e pi chitamangirad kakrom nra pi’ ngorad. Nap’an ni yag ngorad, miyad par u rom.

Jeremiah 7:26

Ma dariy be’ ni motoyil ara tiyan’. Ya mu gel niged lanin’med ngam ngongol gad nike gel e kireb romed ngak pi chitamangimed.