Jeremiah 31:6 - Bible Ni Thothup

⁶ Er rogon, bay ba ngiyal’ ni bayi taw ngay me pong e damit u daken e flang u Efraim ni be lungurad, ‘Mired! Ngdarod nga talang nga Zion, ngak SOMOL ni ir e Got rodad.’”

Jeremiah 31:6 Referans Kwoze

Jeremiah 50:19

Bay gu fulweg e girdi’ nu Israel nga taferad. Bay ra ked e gan ni be tugul u daken e burey ni Karmel u lan e nug nu Bashan, ma bay ra ked gubin e tin yad ba’adag ko woldug ni be tugul ko gin nib milsuwon nga Efraim ngu Gilead.

Hosea 9:8

Got e ke l’ogeg ni gub profet ni nggu ginaeng e girdi’ rok nu Israel. Machane gubin yang ni gu ra yan ngay mi gimed guy rogon ni ngam thabey niged gag ni bod ba arche’. Mus ngalan e Tempel rok SOMOL ma girdi’ riy e to’ogor ko fare profet.

Hosea 1:11

Piyu Judah nge piyu Israel e bay ku ra pethgad ngar ta’rebgad bayay. Ma bay ra duwgiliyed ta’abe’ nge par ni pilung rorad, ma bay ra yo’orgad bayay me fel’ rogorad. Aram rogon e re rran ni ba’aram ni rran rok Jezreel.

Ezekiel 33:2

I ga’ar, “Fak e girdi’, mu weliy ngak girdi’en e nam rom e n’en nra yib ko ngiyal’ ni gu ra gagiyegnag e mael nge yib nga reb e nam. Girdi’ ko fare nam e yad ma duwgiliy be’ u fithik’rad nge par ni damit.

Ezekiel 3:17

I ga’ar, “Fak e girdi’, nggu tem ni gur e ngam mang damit ni fan ko girdi’ nu Israel, ni gur e bay u mog ngorad e pin’en ni bay ug ginaengrad riy.

Jeremiah 6:17

I SOMOL e ke duwgiliy girdi’en e matanag ni ngar motoyilgad ko yabul ni nge non ni be yog e mael. Machane ke lungurad, “Dab gu motoyilgad.”

Isaiah 62:6

Jerusalem, daken e pi rungrung rom e kug tay e pi matanag riy; ndab ra th’abed gulungurad nnep’ nge rran. Thingar ra puged wuran ngak SOMOL e tin i micheg dab ra paged nge pag talin.

Isaiah 40:9

Jerusalem, mman nga daken e burey nib tolang; mu weliy e re thin ney ni bfel’! Zion, mu tolul ni ba ga’ lamam; mu weliy e re thin ney ni bfel’! Mu non ni ba ga’ lamam, ma dab mu rus. Mog ngak e pi binaw nu Judah ni fare Got rorad e be yib!

2 Kronicles 13:4

Me mada’ fa gal raba’ i salthaw nga daken e ted ni go’ burey u Efraim. Me yan Abijah ni Pilung nga daken e burey ni Zemaraim fithingan me tolul ngak Jeroboam nge piyu Israel ni ga’ar: “Mmotoyilgad ngog!

Ezra 1:5

Ma pi lolugen e yu ke girdi’ ko pi ganong rok Judah nge Benjamin, nge pi prist nge pi Levite, nge urngin e pi’in ke tay Got nga lanin’rad ni ngranod e ra fal’eged rogorad ni ngranod ngar toyed e Tempel rok SOMOL u Jerusalem.

Psalms 84:5

Rib felfelan’ e pi’in gelngirad e gur e be yib rom, ma ba pasigan’rad ngay ni ngar milekaggad ngarbad ko burey ni Zion.

Jeremiah 3:14

“Mu sulod ngog, gimed e girdi’ ni dam yul’yul’gad; yab mil famed ngog. Bay gu mel’eg ta’ab gimed u ra reb fa yochi binaw nge lalag’ruw i gimed u ba kan e girdi’, nggu fulwegmed ko burey nu Zion.

Jeremiah 31:12

Bay rabad ngar tang niged e felfelan’ u daken e burey ni Zion, miyad felfelan’ ko pi tow’ath rog ngorad, ni grain nge wayin nge gapgep ni olive, nge saf nge garbaw. Bay ra pired ni yad bod bangi milay’ ni bfel’ rogon ni yibe tarannag, ma aram e bayi yag ngorad gubin e tin ba t’uf rorad.

Isaiah 27:13

Ra taw ko rofen nem, ma bay ni thoy e rapa ni nge pining nge sul gubin e girdi’ nu Israel ni yad ba kalbus u lan yu Assyria ngu Egypt. Ma aram e bay rabad ngar liyorgad ngak SOMOL u lan yu Jerusalem, ko fare burey rok nib thothup.